Ɛfesɔ̀ 1:3 - WƆŊ FƐ̀Ì EBÒ SÌÀŊ DAYÀA

³ Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Ɛfesɔ̀ 1:3 Iomraidhean Croise

Luù 2:28

Wo Simiɔ̀ŋ naŋ wa ɓèmè wo Jisɛ̀ wouŋ hàà ko kùàŋ sùà yèè wò naŋ zòòlò Dayà. Wò naŋ woò wààŋ,

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 17:21

Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Luùm 12:5

Yɛi nɔŋ yàwi pɛɛ è yààìŋ. È kùwàìŋ maŋ suono suono zimgbe maŋ kpùnaŋ wi màŋ sùà, kɛɛ è yààìŋ nɔŋ guùŋ ke kpùnàŋ Jisɛ̀ Kulaìɛ sùà, yèè ke kpùnàŋ guùŋ aŋ dàwi wi nyàŋ sùà.

Luùm 15:6

wèè kɛ̀ nyɛ̀iŋ nààŋ gbiŋ naŋ tɛ̀nɛ̀ŋ wo Dayà koɓɛ̀ guùŋ, wo Dèdaà wèè wo Kana wiɔ̀ Jisɛ̀ Kulaì.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 12:12

Wo Jisɛ̀ Kulaì wò yaà mààŋ ke kpùnàŋ guùŋ, ke yèɛ kuwa manɛ̀ŋ è kɔɔ zimgbe lɛ̀, kɛɛ kè yaà nɔŋ ke kpùnàŋ guùŋ kpò, jòòpɛɛ manɛ̀ŋ è kɔɔ nyiŋ màŋ yaà gbàgbà.

2 Kɔliìŋ 1:3

Tɛ̀nɛ̀ŋ wiìŋ wo Dayà wo Dèdà Kana wiɔ̀ Jisɛ̀ Kulaìɔ wo Dèdà ke nyowoɔ̀, wo Dayàa e kpùùmaŋ gbiŋ folo sìwè wɔ!

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 3:9

Wo Eɓulɔhɛɛ̀ŋ naŋ wa haawè, yèè wo Dayà nauŋ wa gbìɛ̀ŋ e zòòlo maŋjɛ̀wɛ. Wèètii, anyùùŋ nyaŋ gbiŋ naŋ haawè nyaŋ, wo Dayà do nyiŋ nàŋ gbìɛ̀ŋ e zòòlo maŋjɛ̀wɛ màànààŋ wò naŋ wa gbìɛ̀ŋ e zòòlo wo Eɓulɔhɛɛ̀ŋ maŋjɛ̀wɛ esàɓù e hààweuŋ nɛ̀ lɛ.

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 1:20

e teengaà wò naŋ gè wo Jisɛ̀ Kulaì e fàa dìì, wò nauŋ jàà wɔŋ kùàŋ jìkà wuŋ Dayàa ko àìjɛnɛ̀ŋ.

Ɛfesɔ̀ 2:6

E nɔ̀ŋ wilɛ̀ aŋ bàwibà Jisɛ̀ Kulaìɛ sùà, wo Dayà naŋ gè wo Jisɛ̀ Kulaì e fàa dìì yàwi nààŋ Kulaì wèè eiŋ kìlìà e kana e ɗùùnyàŋ àìjɛnɛ̀ɛŋ diɛŋ.

Ɛfesɔ̀ 3:10

Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

Ɛfesɔ̀ 6:12

E fèìŋ sùmiaŋ sùà màŋ kèìŋ yaà màŋ sɛ̀ìŋ, sɔɔ̀ aŋ jinàŋ naanààŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ, yèè maŋ gaàŋ gò kùwìè kò dìa nyiŋ màŋ e ɗùùnyàŋ ke nyìwì lɛɛ̀ dìì.

Fèle 2:11

yèè aŋ gbiŋ do nàŋ woò nyààŋ wo Jisɛ̀ Kulaì yaà wo Kana, koɓɛ̀ e jòòwò Dayàa wo Dèdaà.

Hiɓu 8:5

E tòmò sìèfèìŋ zòòloɛ̀ aŋ sìèfèìŋ zòòlo nyɛɛ̀ŋ nyɛnɛŋ lɛ̀, è naŋ nɔŋ tèènè e kìlà è yaà wɔŋ mììmììŋ e yèɛ yaà ko àìjɛnɛ̀ŋ lɛ. È yaà nɔŋ mààŋ wo Mòòze naŋ wa nyɛ̀nɛ̀ŋ lɛ. Nààŋ wò naŋ wa ɗewè wèè wo nyɛ̀lɛ̀ ke Vààyà mìè sèì Dayàa wèè zòòlo, wo Dayà nauŋ woò wààŋ, “Kɛ̀ɛ̀nɛɛ̀ŋ jii jàa muŋ nyɛ̀lɛ̀ nyiŋ ke nɔ̀ŋ mààŋ e ɗewe kiiɛ̀ mùŋ naŋ nyiŋ wa yɛmɛ̀ lɛ wɔŋ toò gbeeɔ̀ dìmɛ̀.”

Hiɓu 9:23

Manɛ̀ŋ miiŋ è naŋ yaà nɔŋ wòò kii miŋ màŋ, miiŋ nàŋ yaà e tɔ̀ɔ̀màŋsèì manɛ̀ŋ maŋ yaà ko àìjɛnɛ̀ŋ maŋ, weètii àŋ kuwa aŋ miŋ kààìŋ maŋ langi mɛɛ̀ŋ wèè maŋ nɔ̀ŋ zɛ̀nɛŋ miŋ. Kɛɛ sèè è nɔ̀ŋ wèè manɛ̀ŋ maŋ ko àìjɛnɛ̀ŋ, è yaà tɛ̀ɛ̀ wèè aŋ gè e saaà kɛnɛ wèè aŋ miŋ nyɛ̀nɛ̀ŋ maŋ zɛ̀nɛ̀ŋ.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,