1Time 6:5 - WƆŊ FƐ̀Ì EBÒ SÌÀŊ DAYÀA

⁵ yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

1Time 6:5 Iomraidhean Croise

Maafiù 12:33

“Ke kuù bɔ̀u nàŋ komo ke kuù kòmàŋ siaŋ, e kìlà ke kuù naanààŋ nàŋ komo ke kuù kòmàŋ naanààŋ. Nìŋ do nàŋ nyìmè e ɗèwè e nɔ̀ŋ kìì ke kùlɛ̀ɛ e yìwìà ke komàŋ nyiŋ nɛɛ̀ŋ.

Maafiù 21:13

Yèè wò naŋ nyiŋ tɔ̀ɔ̀tù kàa wààŋ, “È yaà wa sìnga niŋ wɔŋ fɛ̀ì Dayàa sùà kɛ̀, wo Dayà naŋ woò wààŋ, ‘Àŋ do nàŋ nyààŋ ke saaŋ miɛ̀ŋ ke Saaŋ Zòòlò Dayàa.’ Kɛɛ nào mììnè ko nyɛ̀ɛ̀nɛ̀ŋ aŋ nyuùŋ wùà!”

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

1Time 1:6

Anyùùŋ nyaŋ bà nyiŋ àŋ fè maŋ keì kɛnɛ mɛ̀ɛ̀ŋ jɛwɛ, yèè aŋ bà nyiŋ àŋ dè e keì kpàna maŋjɛ̀wɛ wèè foo.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 3:8

Aŋ ɓɔìjɔ̀à nyaŋ kpùùmàŋ aŋ sìèfèìŋ anyuùŋ hààwe nyaŋ lɛ, aŋ kɛ̀ɛ̀nɛ̀ŋ ke kpèè siàŋ e kìlà aŋ nɔ̀ŋ anyùùŋ tɔ̀ɔ̀nyaàŋ. Ɓɔ̀ àŋ nɔ̀ŋ ànyuùŋ tìà màŋ tala muaŋ zimgbe, e kìlà ɓɔ̀ àŋ nyɛ̀nɛ̀ŋ e wùànàŋ nɛɛnɛŋ.

1Time 4:7

Kɛɛ ke nyɛ̀nɛŋ mɔɛ̀ŋ ɓɔ̀ kè nɔ̀ŋ màŋ mìè gbòa gò kɛ̀ɛ̀nɛ̀ŋ ɓɛ̀ɛ̀jàa koɓɛ̀ Dayài yaà màŋ kàɓanè gò kùwìè jiikɛ̀ɛ, maŋ yè maŋ gò tɛ̀ɛ̀wɛ̀ wòo màŋ. Kɛɛ ke nyɛ̀nɛɛ̀ŋ wɔŋ nyiiŋ gèe mɔɔ̀ŋ sùà ke nɔŋ ke yèɛ fɔɔyɛ̀ wo Dayà jii yɛ̀.

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

1Time 6:6

E hààwe wilɛ̀ nyɛnɛŋ wèè eiŋ banè zimgbe, sèè ke jii fà wì wèè e yèɛ è kùwaiŋ lɛ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

2Time 3:8

Màànààŋ nɔŋ wo Janìŋ yèè wo Jamɓùlù naŋ wa gììyè wo Mòòze maŋhɛɛ lɛ̀, yɛi nɔŋ anyùùŋ nyɛɛ̀ŋ gììyà e tɔ̀ɔ̀nyaàaŋ maŋhɛɛ, anyùùŋ nyaŋ maŋ jii nyiŋ màŋ fè toomo tɛ̀ɛ̀ yèè àŋ naŋ sooò e hààweɛ̀ sùà.

Taitɔ̀ 1:11

Kɛɛ hàà nyiŋ nàà sìwè kɛ̀ ɓɔ̀ àŋ nyɛ̀nɛ̀ŋ niŋ. E nɛɛnɛŋ àŋ yaà maŋjɛ̀wɛ, e nɛ̀ɛŋ àŋ yaà kàa sùà lɛ, e fè tɔ̀ɔ̀nyaàŋ wèè aŋ niŋ kaà. Yèè esàɓù e kàa bi sùà àŋ yaà kìla sùà maŋ jìì maŋ kpoo zimgbe.

2Pììlɛ 2:15

Àŋ jòà ke dòmaŋ jìlɛɛ̀ŋ àŋ go, àŋ dè ke dòmaàŋ wo kèèlà Dayàa Bàlaàŋ wo jɔ̀àfèlàà Biɔ̀ɔ naŋ ɓemè yɛ, wo yèɔ manaŋ e nɛɛnɛɛ̀ŋ wò gè ke nyɛ̀nɛ̀ŋ kàaɓì sùà lɛ.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.

Maŋ kèì nyɛɛnɛŋ 18:13

manɛ̀ŋ kpàlèè dò siaŋ nyiŋ màŋ àŋ nyaaŋ, sinimàŋ, simiŋgi, kùùkɔ̀ɔ̀ dò siaŋ, mɛɛ̀, filɛnkinsɛ̀ŋ, maŋ tala muaŋ, e bù, e filawà yaà e kpàli, aŋ dìi yaà aŋ ɓaawaa, aŋ sòo yaà maŋ gɔ̀ sòo, ebòlì aŋ ɗo yaà aŋ nyuùŋkpùuŋ gè nyiiŋ.

Maŋ kèì nyɛɛnɛŋ 18:3

Maŋ fuɔŋ màŋ gbiŋ naŋ tìè maŋ tàlà mùàŋ wo nìeɔ̀ Ɓaɓelɔ̀ùŋ maŋ, maŋ tala muaŋ nyìnga wèè hmɔŋtu nyɛ̀nɛuŋ nɛ̀. Aŋ kana nyàŋ maŋ fuɔŋ màŋ sùà e ɗuunyaàŋ nauŋ nyìnìè ke yɛ̀ɛ̀ hmɔŋtu. Anyuùŋ nyɛ̀nɛ̀ŋ bòli gbiŋ e dììɛ diɛŋ naŋ nɔ̀ŋ anyuùŋ bànè esaɓù ke kpèè naanààuŋ nɛɛ̀ŋ.”