1Time 1:11 - WƆŊ FƐ̀Ì EBÒ SÌÀŊ DAYÀA

¹¹ Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

1Time 1:11 Iomraidhean Croise

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

1 Kɔliìŋ 9:17

Sèè e tòmo lɛɛ̀ e yìwìà ke jii miàŋ biɛ̀ diɛŋ wèè kaiŋ nyɛ̀nɛ̀ŋ, kɛ̀ kà ɓɛ̀nɛ̀ŋ yɛ̀mɛ̀ e pààwa, kɛɛ sèè pɛɛ mìŋ go mànàŋ wèè ka niŋ nyɛ̀nɛ̀ŋ, wo Dayà naim tàeɗùù ke gbòòɛ sùà wèè ka nyɛ̀nɛ̀ŋ e tòmouŋ nɛ̀.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Gàla 2:7

Àŋ naŋ wa jàà jii kɛ̀ wo Dayà naim wa tùɔ̀ŋ wèè ka dàànè ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù yèè aŋ fè kè kpùà jàa nyàŋ, yèè wò naŋ wa tùɔ̀ŋ wo Pììlɛ wèè wo dàànè ke mìè gbìàŋ Ebò Sìàŋ guùŋ bi koɓɛ̀ aŋ Juùù jàà kpùa nyàŋ.

Ɛfesɔ̀ 1:12

E wèètii, yàwi nyàŋ naiŋ nɔ̀ŋ aŋ jiɛ̀jiɛ̀ nyaŋ wèè eiŋ kùwìè ke jii tùlia wo Jisɛ̀ Kulaì sùà nyaŋ, tɛ̀nɛ̀ŋ wiìŋ e jòòwò Dayàa!

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

Ɛfesɔ̀ 3:10

Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

Kòlo 1:25

Wo Dayà naŋ wa ɗewè wèè woim nyɛ̀nɛ̀ŋ ka nɔ̀ŋ wo ɓɔìjɔ̀à tòmo wèè anyuùŋ hààweuŋ nyàŋ, yèè wèè woim tùàŋ wèè ka dàànè ebò ke miè gbìauŋ nɛɛ̀ŋ gbiŋ ko nɛ̀ɛ̀iŋ niìŋ,

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

1Time 6:15

E hnàauŋ nɛ̀ do naŋ nɔ̀ŋ e teenga kɛnɛɛ̀ wo Dayà naŋ jàà e ɓula lɛ̀, wuŋ guùŋ nɔŋ nàŋ yaà wo Kana jòèyeɔ̀, wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔɔŋ nyaŋ gbiŋ diɛŋ.

1Time 6:20

Timetè, yɛ̀mɛ̀ e yèɛ gbiŋ wo Dayà naum tùlìè jii yèè wò naŋ muiŋ kiɛ̀ŋ lɛ diɛŋ. Gè kùàŋ maŋ mìè gbòà ɓɛ̀ɛ̀pɔ̀ɔ sùà, yaà maŋ nyaàŋ tàaŋ zùwo, maŋ yè maŋ anyuùŋ zimgbe e tòaà sùà àŋ nyààŋ “ke jiikɛ̀ɛ lɛ̀.”

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.

2Time 1:14

E yìwìà e gààŋ Jìnàŋ Nɛɛmaàŋ wo yèɔ yaà wì sùà wɔ, bànè manɛ̀ŋ siaŋ sìàŋ maŋ àŋ naum tùlìè jii weè miŋ màŋ ko hàa.

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

Taitɔ̀ 1:3

kpeiŋ wo Dayà, Nyuùŋ Jòèye wiɔ̀ naŋ fè ke miè gbìaŋ yɛɛ̀ e teenga nyiŋ nɛ̀ diɛŋ, wò naim haawè yèè wò naim woò wèè miŋ daanè ebò e nɛ̀ɛŋ wò naŋ woò lɛ.