1Jɔ̀ɔŋ 4:5 - WƆŊ FƐ̀Ì EBÒ SÌÀŊ DAYÀA

⁵ Aŋ wɛ̀ijì tòa nyiiŋ woà maŋ kèì ɗuunyaàŋ, yèè e ɗuunyaàŋ kumiàŋ nyiìŋ esaɓù kɛ̀ àŋ yàa wèè e ɗuunyaàŋ.

1Jɔ̀ɔŋ 4:5 Iomraidhean Croise

Luù 16:8

Wèè esaɓù lɛɛ̀, wo kààmɔ̀ɔ̀ŋ wo ɓɔ̀ìjɔ̀à kàaɓì yɛ̀mɛ̀ manɛ̀ŋ diɛɔ̀ŋ nauŋ tɛnɛ̀ŋ wèè e jiikɛ̀ɛ wò naŋ nyɛ̀nɛ̀ŋ wèè wuŋ bi lɛ̀. Yɛi nɔŋ anyùùŋ kàaɓì nyaŋ e ɗuunyaŋ lɛɛ̀ àŋ yaà. Àŋ kuwa e jiikɛ̀ɛ zimgbe manɛ̀ŋ nyɛ̀nɛŋ nyiŋ màŋ sùà e nìàŋ anyùùŋ tɔ̀ɔ̀nyaàŋ nyaŋ.”

Jɔ̀ɔŋ 17:14

Mìŋ naŋ nyiŋ wòò e yèɛ mùŋ naim wa woò wèè ka nyiŋ woò lɛ. Kɛɛ anyùùŋ nyaŋ e ɗuunyaŋ lɛɛ̀ naŋ nyiŋ wùɔ̀ŋ, esaɓù kɛ̀ aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Jɔ̀ɔŋ 17:16

Aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Jɔ̀ɔŋ 3:31

Wo Jɔ̀àfèlàà Dayàa naŋ yèwè ko àìjɛnɛ̀ŋ wɔ kuwà e gààŋ e nìàŋ anyùùŋ nyaŋ gbiŋ e ɗuunyaàŋ. Wo yèɔ wo Dayà naŋ banè e ɗuunyaŋ lɛɛ̀ dìì wɔ woà e kèè maŋ keì maŋ kaaìŋ e ɗuunyaŋ lɛɛ̀ dìì maŋ. Kɛɛ wo yèɔ naŋ hnè e yìwìà ko àìjɛnɛ̀ŋ wɔ wò yaà manɛ̀ŋ bànè Dayà maŋ gbiŋ diɛŋ e ɗuunyaàŋ.

Jɔ̀ɔŋ 8:23

Wo Jisɛ̀ naŋ nyiŋ woò wààŋ, “È ɗuunyaàŋ lɛɛ̀ dìì nìŋ kanaŋ, kɛɛ mìŋ yewe ko àìjɛnɛ̀ŋ. Nìŋ yewe e ɗuunyaŋ lɛɛ̀ sùà, kɛɛ miàŋ miŋ yiwià è ɗuunyaŋ lɛɛ̀ sùà.

2Time 4:3

E teenga do nàŋ hnè, anyùùŋ naàŋ mɔ̀nɔ̀ŋ àŋ do kùmìàŋ è kàà tɔ̀ɔ̀nyaàŋ, kɛɛ àŋ do nàŋ dè e ɗèwè nyiŋ biɛ̀ maŋjɛ̀wɛ, àŋ do nàŋ kàmè aŋ kààmɔɔŋ wèè aŋ nyiŋ wòò e yèɛ do nyiŋ kai nàŋ fɔ̀ɔ̀yɛ̀ jii lɛ̀.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.