Lukas 15:8 - Kaa n Kəzə̀ n fəghə mə

⁸ “Abə a ney kɔʼ nə̀ weyzən u loʼ u khənə khəə wə nngɔ̀ʼ ighəm, fəmɔʼ fə nay tsunə, tə i jiə n ngee? N dza tə i daa tsu kədaa, tə zəd bə ndaw, tə i tɔʼ kəŋ sa ni ndow kuum n nəŋə zey tə i koʼonə ə?

Lukas 15:8 Iomraidhean Croise

Matyo 5:15

Wù daa way daa kə tə n kəm nyi naŋa ndòw n tənə kəkuu. Tə fədlə teyyə naŋa kɔʼɔ n sə̂ a zow ghə nə̀ kə i baŋa n ndaw idzəm.

Lukas 15:7

N dza bə tə ghaa nə a loʼ ighələ n fɔɔ u Kəzə̀, duʼlə i ngii loʼ idəŋ, abə wù bəbə umɔʼ kweyyə fəŋ ə wi, bəghəm tə Zə̀ kə, tsəghəshi abə aghə̂ nghəm ntaandzuu nsə ghə̂ ghə a tandzuu, ghə loʼ nə tsətsəghə n sə K-a-zə̀, ghə kəm khə way zuŋ kə ni kweyyə fə̀ŋ tə ghə.”

Lukas 15:9

Abə tə koʼ tsunə, tə i tɔŋɔ bə fə̂ a wi nsə ghə̂ ghə ukɔli, tə dza tə ghə nə̀, ‘duʼlə na ghi mə, n təŋkey mə n koʼ ngɔʼ fuŋ fey fə a naynə.’ Khəə u fəngɔʼ u naynə

Lukas 19:10

Kùum nə Waa wù sɔŋtsuʼ bə ni bə kəŋ koʼ nsə ni bəghəshi ghə̂ ghey ghə nay doʼo nə.”

Tùm i dzuŋu zə kuum Yeso Klisto tə Jɔn â tɔɔnə 10:16

N khənu njì tə loʼ tə nə̀ tə way dzə n kaʼ kən. N khə ni ney təmdzəŋi bə ghə, ghə i dzəŋi zow tə̀ mə. Sey nə̀ ghə i dzəŋi loʼ nə kəkaʼ kəmɔʼ, ghə i khə soʼo wù baʼa u tənjì wə umɔʼ.

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Kəfwaʼ 19:19

Ghə̂ a loʼ ghə n ghə̂ ghey ghə â ghəŋŋənə ghəə a fənnə ghə, n kuumə bə màʼlə wey ghə ghəŋŋənə ghəə a fənnə ghə tii, bə kpəghə maʼa kɔʼ n sə kə aghə̂. Ghə n taŋ kɔʼ kaʼ kə umaʼlə kə tii kə, kə n fuu kɔʼ khəə u səŋi wə tə a loʼ bɔm tə təndangaŋ n ndəm.

Efesus 2:17

Sey Klisto bə ni bə naʼa tûm i dzuŋu zən i fuunə buulə zə tə̀ ghə̂ ghə adzəm. Tə̀ ghaa ghən ghaa way ghə̂ a Təjuu ghə, ghaa kam tɔʼ khə way Zə̀ kə nsə tə ghə̂ a Təjuu ghə, ghə loʼ dzənə waa a dzəŋi kə dzûmə tə Klisto ghə.