Mäk 1:23 - Wangurri NT

²³ Ga bilanyamiyu ḻinygu nhanmam yolŋu barrakinymi birrimbirrmi gulŋiyan balaya biryamiḻi buṉbuḻi ŋarru dhä-rirrakaymin,

Djesunwuŋ ŋuwakurru dhäwu Mäkkuŋ wukirriwuy Dhuwa-Dhaŋu'mi

²³ Ga bilanyamiyu bili nhanmam yolŋu maḻikumi birrimbirrmi gulŋiyan balaya buṉbuḻi ŋarru dhä-rirrakaymin,

Mäk 1:23 Iomraidhean Croise

Mäk 1:22

Ga banha gayŋan yolŋuyum warrayu bitjuwayiŋ ŋäkulam nhanany garrundam, ṉirruwanan, ḻinygu nhan banha marŋgin bitjuwayiŋ marimin bayikuyam mala dhäwuꞌwu. Ga djuḻkthumana gayŋa banha Djuwwum rom-marŋgikunhamiwu warrawu marŋgiyumanda.

Mäk 1:24

yatjuwan ŋarran bitjan, “Wäy, Djesu ŋirrima Nätjuritjpuy, nhä nhunu rälim gämurruꞌ ŋupan? Nhalpiyana nhunu ŋarru, baḏuwaḏuyuna ŋanapiliny ŋatja? Ŋanapum dhaŋu dharaŋganatj nhuna, nhunum dhaŋu banhayan banha Maŋutji-yunupayumanda yolŋu God-Waŋarrwuŋun dhawuꞌ-nhinathuŋganda ŋätjiliŋuwuynha. Nhunum dhaŋu God-Waŋarrwun banha Dharrpalnha Yolŋu, nhänharran.”

Mäk 1:29

Ga banha dhanal ŋarran dhawayawaṯthuwanam bewaḻim banha biryamiŋurum buṉbuŋuru, bala nhan Djesum ŋarran balan Djäymanguḻin ga Wanduruwuḻin ŋirrimaḻi.

Mäk 1:34

Ga guḻkunhan nhan gayŋan banha yolŋunham warrany bitjuwayiŋ ḏukthuman, waripuŋuru waripuŋuru rerriŋuru. Ga ḏukthumanam nhan dhanaliny gayŋan bukmaknhan yana. Ga guḻku nhan gayŋan dhawaṯthuman barrakinyma birrimbirr mala. Ga dhanalim banha barrakinyma birrimbirr mala marŋgiyin nhangu, bala nhan Djesuyum dhurrwara-mukthumanan dhanaliny.

Mäk 1:39

Ga dhurrwaraŋuru bewaḻiyam, bala nhan gayŋan ŋarranan djuḏuꞌyuwanan Galalimurrun makamurru, mä nhan ŋarran rakaranan dhäwun ŋuwakurrun God-Waŋarrwuruynha ŋunhalayan Djuwwuḻ biryamiŋan buṉbuŋa malaŋuŋa. Ga bitjanya ḻinygu nhan gayŋan banha barrakinyma birrimbirr malany ŋaŋꞌŋaŋdhuwan yolŋuwurum warrawuru.

Mäk 5:2

Ga banha nhan Djesu marthaŋayŋurum yapthuwan ga yolŋuyu nhanany nhäŋal ŋarru barrakinymiyu birrimbirrmiyu, ŋarru walmanam nhan banha bewaḻiya bäyma moluŋuru, banha nhan gayŋan nyenan banhalaya wikarraŋumi. Ga guḻkumi gayŋan yolŋuyu warrayu birrkaꞌyuwan garrwiꞌyuwan djeṉdhu malaŋuyu, ga waripum bayiŋ ṉuku wulanynha ḏapthumarra, ŋarru gulkurun, nhanmam gayŋan bakthuman ga ḻarrunmaran. Ga ŋangawulnha nhan gayŋan ŋunhuŋ yolkuḻim yolŋuwuḻ ganydjarryum nyenan. Bitjarra ḻinygu munha-ŋuparra ga walu-ŋuparra nhan bayiŋ gayŋarra buku-wirwiryumarram bayitjarram bukumurrum molumurrum girriꞌ-nharran, djolarranꞌ, yatjuwarra gayŋarra ga mitmitthunmiyarra ṉutjurruyu djinbulkthu. Manymak, ga banha nhan bayiŋuya ḏirramuyu nhäŋal Djesunham ŋunha yana bärrkuḻi bala yana gätthuwanan gumurrꞌyuwanan bala bunꞌkumu-djipthuwanan gumurrŋan nhanguḻ.

Mäk 7:25

Ga banhalaya gayŋan baṯami nyenan ŋarru nhan banha ŋangawul Djuw bäpurrum. Ga yolŋum nhan banha waŋgala-wuyaŋinyaram ga Bänitjawuy, makaŋam Djiriya. Ga banha nhan Djesunham ŋäkul waythundam bala nhan ŋarranan bala garruwanan nhangu bitjanan, “Buku-djulŋi, ŋatjil ŋunha barrakinynha birrimbirrnha ḏupthuwa wakuꞌmiŋuwuru nyäkuru baṯamiwuru.”

Mäk 9:25

Ga bilanyamiyum waluyu nhan Djesuyum nhäŋalan guḻkunhan yolŋunham warrany dhanal ŋarran giṯthuwan räli malami. Bala nhan yän-wuŋanminan bayikuya barrakinygum birrimbirrwu bitjanan, “Nhunu dhaŋu birrimbirr, walmiyan djinakuruya yothuwurum, mä nhan ŋarru ŋäman ga garruna! Ga ŋangawulnha biyapulma gulŋiya nhanguḻ!”