ZEPHANIX 3:9 - Wa Common Language Translation

⁹ Yam an Aux tak sang deeh kieh ceu pui khawmuik sikah lox pa singax, sonsang pon kix ti kok ceu kaux Siyiex mai sonsang yuh kaing jhaw Nawh Cao tau mai krax grum rhawm heue.

ZEPHANIX 3:9 Iomraidhean Croise

YAM JAH 11:1

Yam an kawn pui haktiex khawmuik, mawh pui tix ceu mai lox sikah tix ceu khaing heue.

YAM JAH 4:26

Shetax koe kawn simex tix kaux, tawx ceu kaux nawh mawh Enot, yam an kawn pui jah ti kok ka ceu kaux Siyiex mai krub ka Nawh heue.

YAOGYAW 113:3

Jah plak lih singaix tom hoek plak klip singaix, mawh pa khaw ti yaogyaw ka ceu kaux Siyiex heue.

YAOGYAW 22:27

Dee sidah haktiex khawmuik, tak sang doh keud mai deeh tieh tix hoek ka Siyiex, pui kuceu khawmuik, tak sang krub plak sivoe ngai Maix heue.

ISAYAX 19:18

Ka daux singaix an, veng pa koe ka daux meung Ejiptux phwan veng, tak sikah lox ceu pui Khanan mai koe krax pa tiextu ka Siyiex cao kru naing raoma, veng an tix veng tak kok mawh veng Singaix heue.

ISAYAX 57:19

“Aux phan ti deuh siyieb jheeh khankix, kieh bwanson krax pa nhim koe ka pui pa ot dee singai mai ka pui pa ot dee dex heue. “Siyiex ah nin, “Aux tak pai krax saux nawh moi heue.”

ISAYAX 6:7

Nawh piet moing jheeh aux, ka gaox ngu an ah nin, “Jhak heue, in hoik pied ka siyiep jheeh maix, krax pa lud maix hoik teei ti tik mai hoik pluat ploi phimap maix heue.

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

YEZAKELAX 37:17

“Kleuk khaox an tau kieh mawh tix gawng khaing mai giex khaox pa mawh tix gawng an ka daux taix maix heue.”

HABAKUK 2:14

Grawh grawng nawh, haktiex tak sang mawh pa naog ka pingnya cuyi min plakngai Siyiex, awm naog rawm ka rawm sigrit sigra heue.

ZEPHANIX 2:11

Siyiex tak sang mawh pa lhat graung kix kah heue. Mawh kheu Nawh Cao tak sang kieh siyiex piang haktiex khankix krawx hu heue. Pui khankix ku kaux mai khawm ceu pui khankix, pa ot ka klawn tiex rawm sigrit sigra kawx tak sang krub ka Nawh Cao ka dee ot dee koe tix heue.

ZAKHARIX 14:9

Siyiex, tak sang mawh simiang ka piang ca haktiex khawmuik heue. Ka daux singaix an, “Siyiex mawh tix kaux khaing mai ceu kaux Nawh Cao mawh tix ceu khaing heue.”

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

MATHIEX 12:35

Pui pa mhawm viex ceu pa mhawm lih khaing kraung khrai pa mhawm pa deuh tix mai pui pa caox viex ceu pa caox lih khaing kraung khrai pa caox tix heue.

EFESUX 4:29

Paw kieh lox pa seeing brai lih khaing daux jheeh pex tix gum kawx, ah ceu pa mhawm, awm pa lo sonsang kieh ting lhaong yam mawx yam an, sonsang koe bwanson son kix pa mhong khankix heue.

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”