ZEPHANIX 3:8 - Wa Common Language Translation

⁸ Siyiex ah nin, “Pex krox jun ka Aux, tom hoek singaix sang yaox Aux ti kaoh, son krax pa giex laung, mawh kheu hoik tat Aux ti deuh, sonsang kraix khrawm Aux meung ku meung pui kuceu hoek, sonsang klup Aux krax pa saux rhawm saux rhi tix lih ka piang kix, ka daux krax pa kied song rhawm aux khawmuik heue. Haktiex tak sang mawh pa gleeing ti laux, ka ngu koe krax pa song rhawm Aux heue.

ZEPHANIX 3:8 Iomraidhean Croise

YAOGYAW 12:5

Siyiex ah nin, “Aux tak kaoh cung sipiag kix, pui pa yaox ti kham geu ka pa tuktiak tukte mai krax kha rhawm mai krax pa cai rhawm mai pui pa ngheeik ngia khankix heue. Mai Aux tak sang tawx krax pa nyawm rhawm ka pui pa yaox ti kham geu krax pa nunai khankix heue.

YAOGYAW 123:2

Awm siliex khankix, maong ti jhak ka taix Simiang kix mai awm bun siliex khankix maong ti jhak ka taix miex simiang kix khankix, ex kawx maong ti jhak ka Siyiex tom pon ex bwanson krax caux rhawm Maix heue.

YAOGYAW 27:14

Keut pot jun pot ka Siyiex, teei riang rao mai viex rhawm kwa tix keut pot ka Siyiex heue.

YAOGYAW 37:34

Krox jun ka Siyiex mai hu ka daux krax Nawh awx, Nawh Cao tak yaog maix ting mai tawx sin ka daux meung Nawh Cao mai maix tak yaox pa laux pa som pui pa ang rahsee khankix heue.

YAOGYAW 37:7

Ot yiien yawg tix sivoe ngai Siyiex mai krox jun ka Nawh Cao awx, paw khi rhawm ka grawng pui pa nieb khin ti yuh ka maix mai pui pa bak ti yuh pa caox pa ang mhawm ka maix.

YAOGYAW 62:1

Ju aux chix ot yiien yawg tix sivoe ngai Siyiex mai krax taoh aux kaoh khaing Nawh Cao heue.

YAOGYAW 62:5

Ju aux chix ot yiien yawg tix sivoe ngai Siyiex, grawng krax krox jun aux kaoh khaing Nawh Cao heue.

YAOGYAW 79:5

Siyiex eue, krax song rhawm song rhi Maix ang cu tix naox yiien, kawn sang rheung miex grheung? Rhawm rhi Maix ang nyang fah, tak sang hax awm ngu, kawn rheung miex grheung?

YAOGYAW 79:6

Krax pa song rhawm song rhi Maix teei tix hieh ka piang pui tang ceu pa ang tawng ka Maix mai ka piang pui meung pa ang kok ka ceu kaux Maix khankix heue.

LOX KAB 20:22

Paw ah, aux sang deeh pawk pa caox ka pui, krox jun ka Siyiex, Nawh tak taoh ka maix heue.

SAWLAMUN 8:6

Deuh tix priex aux awm cum ka piang rhawm maix, awm cum piang plawng taix maix, mawh kheu krax moh ting riang awm krax yum, krax boh rhawm lang teung caox awm meung yum heue. Taox nawh khankix awm taox ngu, pa kied blon hax taox heue.

ISAYAX 14:26

In mawh krax keud krax sawn pa hoik keud ti sang yuh ka haktiex khawmuik mai in mawh khawn taix pa hoik nyeu tix lih ka piang ceu pui ku meung khawmuik heue.

ISAYAX 30:18

Mawh kheu nan Siyiex tak krox jun ti yuh bwanson ka pex mai Nawh Cao tak jhi krax caux rhawm tix ka pex. Mawh kheu Siyiex mawh Siyiex pa rahsee pui pa krox jun ka Nawh Cao tak pon bwanson.

ISAYAX 34:2

Mawh kheu pa song rhawm Siyiex hoek ka piang ceu pui khawmuik mai pa meet rhawm Nawh hoek ka piang kru naing kix. Nawh Cao hoik kieh an khankix laux leeing, Nawh Cao hoik ap kix ka cao pa pah ka pui yum.

ISAYAX 63:6

Aux hoik dig pui ka daux krax pa song rhawm Aux mai hoik kieh kix yoek ka daux krax pa kied song rhawm Aux mai hoik klup nham kix ka piang tiex heue.

YERAMIX 10:25

Klup krax pa meet rhawm Maix Cao lih piang ceu pui tang ceu khankix, pa ang tawng ka Maix Cao mai piang nyiex ma khankix pa ang cu tix kok ka ceu kaux Maix Cao, mawh kheu kix hoik kiied ti ih ceu pui Yakop mai hoik bleet hoik laux leeing yuh nawh mai hoik yuh dee ot dee koe nawh yiien heue.

HOSE 12:6

Mawh kheu nan, deeh ing hoek ka Siyiex maix, priex ti hawt ka daux krax pa caux rhawm mai ka daux krax pa rahsee mai krox jun ka Siyiex maix sijheung heue.

YOLAX 3:2

Aux tak sang deeh baox kraix khrawm ceu pui khawmuik mai viex kix hoek ka daux lung Yehoshaphat mai Aux tak sang ciyang ka kix tan, mawh kheu kieh kix pui Aux mai sinngao Aux Isarelax khankix hoik prung prang ti ot ka daux sinax haktiex khankix mai kix hoik baox deeh gwieh ti teei haktiex Aux heue.

MIKHA 7:7

Phan mawh aux, aux tak sang maong ti jhak ka Siyiex, aux tak sang krox jun ka Siyiex Cao pa taoh aux, Siyiex aux tak sang nghiet ka lox aux heue.

HABAKUK 2:3

Grawh grawng nawh, riang susai an mawh pa kawn krox jun bawg yam pa hoik tat ti deuh son nawh, hoik dex hoek bawg yam sidah, mai ang lai koe krax pie lhen heue. Viang mawh pa rheung kawx caw ti krox jun heue. Grawh grawng nawh, mawh pa tak sang hoek tete, tak ang lai rheung heue.

ZEPHANIX 1:18

Ka daux singaix pa song rhawm Siyiex, mau khri kix ang pon taoh kix heue. Haktiex khawmuik tak sang mawh pa gleeing ka ngu krax pa song rhawm Nawh Cao heue. Grawh grawng nawh, Nawh Cao tak sang nied ti yuh pui ankix pa ot ka daux haktiex khawmuik laux lak pak leeing heue.

HAGIE 2:22

Aux tak sang pluk pliak ti tik dang ngeung meung haktiex khankix mai yuh sibrawm pui tang ceu khankix laux leeing heue. Aux tak sang pluk pliak ti tik ling lawx naing ka daux an khankix mai khawm ka pui pa brug ti hoek ka daux an kix, brung mai pui naing brug brung khankix tak som nai mai pui ku kaux tak sang goh ti yum ka vaid puxaik tix heue.

MATHIEX 25:32

Ceu pui khawmuik tak sang krawk khrawm paox tix sivoe Nawh mai Nawh tak sang gwieh kix tix kaux khaing tix kaux, awm pui liang yung gwieh yung khaing pex khankix heue.

2 PETRUX 3:10

Ngaix Simiang tak sang hoek awm hoek pui briex.Yam an raoma khankix tak sang grai hu tau mai lox pa kied sinum mai tokaux raoma khankix pa mawh khix, singaix mai simuing tak sang ceh sang laux ka pa kied hax mai haktiex mai can pa hoik yuh ka daux nawh tak sang proe ka ngu khawmuik heue.

PLAK JHI 16:1

Aux mhong lox pa ting pa sinum khaing daux nyiex bwan pa ah nin ka kawncau Siyiex aliah kaux an, “Pex hu mai prauk klong pa song rhawm song rhi Siyiex aliah mu lih ka piang haktiex awx.”

PLAK JHI 16:14

Grawh grawng nawh kix mawh khwan phicaox khankix, pa yuh mhai pa daox am pa hu ka can simiang haktiex khawmuik, sonsang kraix khrawm kix ti sang yuh naing ka daux singaix pa ting lhaong Siyiex, cao pa ting sibrawm piang khawmuik.