ZEPHANIX 3:7 - Wa Common Language Translation

⁷ Aux ah nin, “Maix tak sang koe krax lhat graung ka Aux maix tak sang rieb ti teei lox pa sidiex gau khankix, son ang dee ot dee koe maix mawh pa tat ti tik awm pa hoik keud Aux ti deuh, viang mawh nan, pex hoik yaog ti kaoh cao cao mai hoik lud yuh kaing pa hoik yuh tix khawmuik heue.”

ZEPHANIX 3:7 Iomraidhean Croise

YAM JAH 6:12

Siyiex jhak ka haktiex, Nawh Cao hoik yaox ka laux leeing cux sium haktiex, nex nham kawn pui khankix kawx hoik hu ka daux pa laux leeing haktiex heue.

2 GRAWNG BEEN 33:11

Mawh kheu nan, Siyiex kieh cao kaing naing cub khu naing simiang meung Asurix hoek puing ka kix mai kix teei ti viex Manashe ka rhiem gok mai phyawk nawh ka maox ceng tawng pa lheung mai teei nawh lih ka veng Babulon heue.

YAWBAX 36:10

Nawh Cao tak paoh yhaok kix, sonsang nghiet ka lox tawm jhawm krai Nawh Cao mai tawx lox ka kix sonsang veeh kix khaing krax lud tix heue.

YAOGYAW 32:8

Aux tak sang gau ka maix mai tak sang jhi krax pa sang hu maix, Aux kia ngien maix mai priex ka maix heue.

LOX KAB 19:20

Nghiet ka lox pa sidiex gau ka maix mai rieb ti teei ka lox pa tawx riang rao, sonsang mawh maix pui pa koe pingnya singaix pa sang hoek sax.

ISAYAX 5:4

Mawh ceu patix pa ang Aux bax pon yuh ka sipeem plix siiet Aux, lheu khaing pa hoik yuh Aux ka daux nawh lie? Khaix an yam hoik keud ce aux nawh sang koe plix siiet ceu pa mhawm, an hoik lih ti koe plix siiet tiag kheu jao pa yuh ka mawx lie?

ISAYAX 63:8

Nawh Cao ah nin, “Kix mawh pui Aux tete mai mawh kawn praix, pa ang pie lhen. Mawh kheu nan, Nawh Cao hoik mawh cao taoh kix heue.

YERAMIX 17:23

Viang mawh nan, kix ang cu ang nghiet mai ang daong yhaok tix ka, viang mawh nan, hoik yuh ngawg tix kiien, son ang kix sang mhong mai ang rieb ka lox sidiex gau heue.

YERAMIX 25:5

Kix ah nin, “Deeh veeh khaing pa caox mai kaing pa caox yuh pex ku kaux mai ot ka daux haktiex pa hoik tawx Siyiex ka pex mai ka keeing pex khankix leeing ju heue.”

YERAMIX 36:3

Yam mhong nyiex ma ceu pui Yudax khankix, krax pa kha rhawm, pa keud Aux tix sang viex hoek piang kix, sonsang pon dee veeh pui ku kaux khaing daux krax pa caox caig yuh tix mai sonsang pluat ploi Aux ka krax pa lud kix mai phimap kix heue.

YERAMIX 38:17

Khaix an Yeramix ah nin ka Zedekix, “Siyiex Cao kru naing raoma, pa mawh Siyiex ceu pui Isarelax ah nin, phan maix ap tix ka cao kaing simiang Babulon khankix maix tak im ju mai ang lai gleeing veng in ka ngu maix mai khawm kawn nyiex ma maix khankix tak sang im ju heue.

YERAMIX 6:8

Veng Yerusaliem eue, rieb ti teei ka pa sidiex gau, phan ang mawh nan, khwan Aux tak lih hu khaing maix, Aux tak kieh dee ot maix yiien mai mawh haktiex dee ang pui ot ka heue.”

YERAMIX 7:7

khaix an, Aux tak kieh pex ot ka dee in, ka daux haktiex pa hoik tawx Aux ka keeing pex leeing ju heue.

YERAMIX 8:6

Aux nghiet mai hoik mhong heue. Kix ang sikah lox pa rahsee, pui tix kaux kawx ang doh keud ka pa caox caig pa yuh tix ah nin, “Mawh hoik yuh aux ceu patix? Pui ku kaux hoik lud krax hu tix mai to awm to brung tix laig ka daux biang naing heue.

HOSE 9:9

Kix mawh pa kied koe krax laux jhawm, awm ka daux baux singaix ot ka veng Giba heue. Nawh Cao tak deeh doh keud ka phimap kix mai tawx krax kham geu ka son phimap kix heue.

ZEPHANIX 3:2

Nawh ang nghiet ka gumlox Siyiex, nawh ang rieb ti teei krax pa sidiex gau ceu pa mhawm, nawh ang een rhawm tix ka Siyiex, nawh ang greed tix dex mai Siyiex tix heue.

PINGNYAP 4:16

phan ang mawh nan, lhat pex yuh krax pa lud loe mai yuh riang grang pa hoik saik tix son tokaux tix mai pa koe riang grang tix ceuceu, pa mawh riang grang simex, bun,

1 TIMOSE 1:5

Dee sidah lox tawm an, mawh krax moh, pa lih kaoh khaing rhawm rhi pa singax singeh, dee chix keud chix tawng pa mhawm, krax yum rhawm pa mawh meh heue.

2 PETRUX 3:9

Simiang ang nhim ka lox sijax mukheu Nawh, awm pui tix blah keud mawh pa nhim, viang mawh nan Nawh lang gun yeung ka pex mai ang rhawm kieh pui laux leeing tix kaux kawx, viang mawh nan Nawh mie pui khawmuik doh keud ka phimap tix heue.