ZEPHANIX 3:4 - Wa Common Language Translation

⁴ Cao jhai nawh mawh pa ang koe simu mai mawh pui pa luk liak luk le; cao giex kaing li nawh hoik seeing yuh dee pa singax singeh, kix hoik map nai ka gumlox beenli heue.

ZEPHANIX 3:4 Iomraidhean Croise

ISAYAX 9:15

Kuad song mai pui pa koe min pakngai khankix mawh kaing, cao jhai pa gau krax pie lhen khankix mawh sidax heue.

YERAMIX 23:32

Siyiex ah nin, jhak heue, Aux tak tieh feen ka cao jhai pa krai lox jhai pie lhen grawng camaox khankix, pa krai pa kieh pui Aux khankix lud loe ka ceu pie lhen kix mai pa tang yaw kix tix heue. Viang mawh nan, aux ang ploi kix mai ang tie tawm lox ka kix heue. Mawh kheu nan, kix krai lox pa ang tie koe bwanson ka ceu pui in khawmuik, Siyiex ah nan heue.

YERAMIX 34:19

cao kaing meung Yudax, cao kaing Yerusaliem, pui sieh mai cao giex kaing li khankix mai pui haktiex khawmuik, pa hoik tiang tix hu daux sinax nex kawn mawie khankix,

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

YERAMIX 8:10

Mawh kheu nan, aux tak tawx moeng kix ka pui tang kaux mai kieh pui tang kaux cie ka kaung kix, grawh grawng nawh, jah ka pui iak tom hoek ka pui ting ku kaux mawh pa gawx ka sinngao, jah ka cao jhai tom hoek ka cao giex kaing li khankix, yuh krax pa lud loe heue.

YIIEM DOE 2:14

Cao jhai maix khankix hoik yaox krax plak jhi ceu pie lhen ka son maix, kix ang nyang plak jhi krax pa lud maix, sonsang deeh viex tix pui pa giex laung maix khankix ing heue. Viang mawh nan, kix hoik yaox krax pa plak jhi ka son maix, pa mawh gumlox jhai pie lhen mai pa koe krax lud krax loe khankix heue.

YEZAKELAX 22:26

Cao giex kaing li khankix hoik yieh ka lox tat jhawm prawng Aux mai hoik kieh dee singax Aux seeing brai, kix ang lai gwieh ceu pa singax mai ceu pa ang singax khankix siyox, kix ang lai gau pui chix gwieh pa singax mai pa ang singax mai kix hoik veeh pakngai tix khaing singaix twah, sonsang laux min Aux ka sinax kix heue.

YEZAKELAX 22:6

Jhak heue, cub cao kaing cao kap pui Isarelax pa ot ka daux maix ku kaux hoik shiao min sibrawm tix sonsang kieh nham khankix jauh heue.

YEZAKELAX 44:23

Kix tak yaox ti gau pui Aux sonsang chix gwieh tix tawng pa singax mai pa ang singax, pa mhawm mai pa ang mhawm.

HOSE 9:7

Ceu pui Isarelax tak tawng singaix pa ciyang hoik hoek, singaix pa sang deeh pawk bix hoik hoek heue. Cao jhai mawh pui pa pheem tix kaux, pui pa koe khuan mawh pa yhot, kheu krax pa kied ting phimap maix mai rhawm cao pa kied ting maix heue.

MIKHA 2:11

Phan daux rhawm rhi pui koe ceu pie lhen mai sikah lox pie lhen pa ah nin, aux tak sang krai lox jhai grawh grawng rawm plix siiet mai rawm plai khankix heue. Kaw an tak sang mawh cao jhai ka pui ceu inkix heue.

MIKHA 3:11

Cao kaing nawh khankix, prawng see sonsang teei tix totaix pa cun praok, cao giex kaing li nawh khankix sidiex gau sonsang pon tix ngawh jum mai cao jhai nawh khankix yuh sibawk sonsang pon tix mau heue. Viang yuh nan, kix du lox tix ka piang Siyiex ah nin, mawh ang Siyiex ot ka daux sinax ex lie? Ceu pa kha rhawm tak ang lai pon hoek ka piang ex heue.

MALAKHIX 1:6

Kawn simex koe krax nab yam ka keeing tix mai siliex koe krax pa lhat graung ka Simiang tix. Phan Aux mawh keeing, koe krax pa nab yam ka Aux dee mawx lie? Phan Aux mawh Simiang mawh koe krax pa lhat graung ka Aux dee mawx lie? Siyiex cao kru naing raoma ah nin ka pex pa mawh cao giex kaing li khankix, pa koe lox salao ka ceu kaux Aux. Viang mawh nan, pex kawn ah nin “Mawh ah yix lox salao ka ceu kaux Maix ka daux krax ceu patix lie?”

MALAKHIX 2:7

“Siyieb jheeh cao giex kaing li, khaw ti koe krax priex rien ka pingnya mai pui khankix tak sang sawg ti yaox gumlox been khaing daux jheeh nawh, mawh kheu nan mawh cao cau Siyiex cao kru naing raoma heue.

MALAKHIX 2:8

Pex hoik lih hu khaing daux krax, pex hoik kieh pui khankix tom nie, sideeing ti goh ka gumlox been heue. Pex laux leeing yuh gumlox sijax mukheu ceu pui Lewix heue. “Siyiex cao kru naing raoma ah nin,

MATHIEX 7:15

“Rien rhawm tix ka cao jhai pa ang mawh meh khankix, pa ceep hak yung plak piang, viang mawh nan ka plak daux mawh soxla pa caox heue.

2 KAWRINTHUX 11:13

Pui pa mawh nan, mawh kawncau pa ting pa ang mawh ang meh, pa mawh pui yuh kaing pie kheem, pa loh tokaux kix mawh awm grang kawncau pa ting Cao Khrit heue.

1 YOHAN 4:1

Pui pa moh aux khankix eue, paw vi yum rhawm ka can khuan pa koe khawmuik, viang mawh nan cheu ti yaox ka khuan khankix grawng mawh kix pa dex dawd mai Siyiex lie, ang dex dawd lie. Mawh kheu cao jhai pa ang mawh ang meh hoik lih hu ka daux haktiex tom nie heue.

PLAK JHI 19:20

Giex ka totiag an mai ka khawm cao jhai pa ang mawh ang meh an tau mai nawh, pa hoik yuh mhai pa daox am ka sivoe nawh mai pa hoik teei mhai an kix tix pie lhen ka kix pa hoik pon mhai totiag an mai ka kix pa hoik krub ka riang grang nawh heue. Taing im kiex khawm ra ka daux nhawng ngu pa gleeing ka mhat heue.

CAO PRAWNG 9:4

Mawh kheu nan kix teei ti tawx mau atixgliah shekhe khaing daux nyiex vad Balax Berit ka nawh, Abimaliet deeh cang pui pa lu lhia vu vie mai pui pa ang cu nghiet ka mau an heue.

1 SAMOELAX 2:22

Elix hoik kied kuad mai nawh mhong can pa yuh kawn simex tix ka pui Isarelax, grawng it kiex mai bun yuh kaing jhaw ka diang siviex laig nyiex gox bwan man bang kum,