ZEPHANIX 3:2 - Wa Common Language Translation

² Nawh ang nghiet ka gumlox Siyiex, nawh ang rieb ti teei krax pa sidiex gau ceu pa mhawm, nawh ang een rhawm tix ka Siyiex, nawh ang greed tix dex mai Siyiex tix heue.

ZEPHANIX 3:2 Iomraidhean Croise

NEHAMIX 9:26

Viang mawh nan kix ang cu nghiet mai hoik tieh feen ka Maix Cao mai tik vud ka lox tat jhawm prawng Maix Cao plak khaix tix mai hoik pah ka cao jhai Maix Cao khankix, pa sidiex gau kix sonsang veeh tix ing ka Maix Cao mai kix hoik yuh kaing pa salao pa kied ting lhaong heue.

YAOGYAW 10:4

Pui pa ang rahsee khankix, keud daux rhawm ti ah nin, “Nawh Cao ang lai deeh teei, ” Kheu ang Siyiex koe heue.

YAOGYAW 50:17

Maix koeng ka lox pa sidiex gau Aux mai tik lox Aux plak khaix tix ang mawh lie?

YAOGYAW 73:28

Phan mawh aux, greed tix hoek dex mai Siyiex mawh pa mhawm son aux heue. Aux deuh rhawm ka Siyiex mai krai grawng pa yuh Nawh ka pui khawmuik heue.

YAOGYAW 78:22

Grawh grawng nawh, kix ang yum rhawm ka Siyiex mai ang tawng ka bwanson krax taoh Nawh Cao.

LOX KAB 1:7

Rhawm pa lhat graung ka Siyiex mawh num riah pingnyaheue. Pui pa caox yuh pa ang cee ang cag ka been lox pa gau mai ka pingnya khankix heue.

LOX KAB 5:12

Aux hoik koeng ka ceu pa sidiex gau pui ka aux, daux rhawm aux hoik yuh pa ang cee ang cag ka lox sidiex pui lie?

ISAYAX 1:5

Mawh kheu jao patix pex lai tieh feen tix bawg hoik tix bawg sonsang baox pon tix krax ciyang yuh ka mawx lie? Kaing pui khawmuik khawm leeing hoik saux kah mai rhawm rhi pui khawmuik hoik mao kah heue.

ISAYAX 29:13

Siyiex ah nin, “Pui ceu in yungyi Aux ka siyieb jheeh tix, viang mawh nan, rhawm rhi kix singai khaing Aux mai kix krub ka Aux giex going, kheu nghiet kix lox been pa yuh kawn pui.

ISAYAX 31:1

Kieh krax kha rhawm hoek ka pui an, pa lih hu ka Ejiptux, sonsang mhaing krax teem mai pa deuh rhawm ka brung, pa een rhawm ka ling lawx naing brung, kheu jao haoh hun mai een rhawm ka pui naing brung, kheu kied ting riang kix mai ang jhak ka cao pa singax singeh pui Isarelax mai ang chawk ka Siyiex.

ISAYAX 43:22

Pui Yakop khankix eue, pex ang lai kok yo ka Aux, pui Isarelax eue mai ang lai rhawm yaox ka Aux.

ISAYAX 9:12

Plak lih singaix mawh pui Surix, plak klip singaix mawh pui Philitix khankix, mai kix ang jheeh tix sang kiied tix ih ceu pui Isarelax heue. Kheu krax pa song rhawm song rhi Nawh Cao ang nyang veeh ti hu singai, khawn taix Nawh Cao kawn nyeu ti heue.

YERAMIX 13:25

Siyiex ah nin, ‘In mawh nyum pa tiag Aux tix tawx ka maix, kheu jao hoik piawm maix ka Aux mai een rhawm tix ka ceu pie lhen heue.’

YERAMIX 2:30

Aux hoik sivied mai sidiex ka kawn praix pex khankix hoik mawh pa giex going heue. Kix ang rieb ka pa sidiex gau Aux heue. Pex hoik yuh cao giex kaing li tix laux leeing ka lawm vaig tix awm grang sivai sangsi ka totiag heue.

YERAMIX 22:21

Aux hoik krai ka maix yam kawn haok hwan mhawm ot maix, viang mawh nan maix hoik ah nin, aux ang lai nghiet heue. In hoik dawg mawh jhawm pa yuh maix tom yam iak ju maix, son ang maix sang cu nghiet ka lox Aux heue.

YERAMIX 32:33

Kix hoik ghaix blawg tix ka Aux mai ang lai veeh ngaix tix ka Aux, viang Aux kaoh caocao mai sidiex gau ka kix kawx, kix ang lai nghiet mai ang rieb ka lox sidiex gau Aux heue.

YERAMIX 35:13

“Siyiex Cao kru naing raoma, pa mawh Siyiex ceu pui Isarelax ah nin, hu mai krai ka pui Yudax khankix pa ot ka daux veng Yerusaliem khankix Siyiex ah nin, mawh ang pex rieb mai cu nghiet lox pa sang sidiex gau Aux ka pex khankix lie?

YERAMIX 35:17

Mawh kheu nan, Siyiex Cao kru naing raoma pa mawh Siyiex ceu pui Isarelax ah nin, jhak heue, Aux viex krax kha rhawm khankix awm pa hoik krai pao Aux ti deuh hoek piang pui Yudax mai can pui pa ot ka daux veng Yerusaliem khankix, grawh grawng nawh, viang Aux hoik krai ka kix kawx, viang mawh nan, kix ang nghiet, viang Aux hoik kok ka kix kawx, kix ang pawk lox Aux heue.”

YERAMIX 5:3

Siyiex eue, ngai Maix Cao mawh pa simi ti jhak piang pa mawh meh ang mawh lie? Maix Cao hoik siviet tix gau ka kix, viang mawh nan, kix cu tix tieh loh rhawm tix, Maix Cao hoik yuh kix laux leeing, viang mawh nan, kix hoik thiang ti tik ka ceu pa sidiex gau maix heue. Kix hoik kieh pakngai tix lheu kiien khaing simaox, kix hoik thiang tix ang deeh ing heue.

YEZAKELAX 22:24

“Kawn pui eue, ah nin ka nawh maix mawh haktiex pa ang singax mai pa ang lhiex lai lih ka daux singaix pa song rhawm heue.”

YEZAKELAX 24:13

Rhaw pa seeing pa koe daux maix mawh pa caox caig, mawh kheu Aux hoik sigrhah ka maix mai maix ang cu tix sigrhah, tom sidah ang pa song rhawm Aux hoek ka piang maix, maix tak ang lai mawh pa sigrhah tix, tix bawg kawx heue.

ZEPHANIX 1:6

khawm pui ankix pa hoik deeh blak ti hu khaing krax pa hawt tix khaix Siyiex mai pa ang sawg ti yaox ka Siyiex mai pa ang chawk cheng ti yaox ka Nawh Cao heue.

2 TIMOSE 3:16

Phuk lai sigang khri can pa koe khankix, mawh pa hoik phlu Siyiex bhawm mai koe bwanson, son pa gau, sonsang plak jhi ti tawng phimap mai son pa cox dee lud mai son pa gau ceu pa rahsee,

HEBRIE 10:22

Kieh ex viex rhawm pa mawh meh ka daux pa naog ka krax yum rhawm mai greed dex khaix hoik phruah rhawm rhi ex khaing dee chix tawng pa mhong koe pa caox caig mai khaix hoik sigrhah tokaux ex ka rawm pa singax heue.