ZEPHANIX 3:16 - Wa Common Language Translation

¹⁶ Ka daux singaix an, tak sang koe lox ka veng Yerusaliem ah nin, paw koe krax khi rhawm mai ka gawng Zion paw kieh taix maix mawh pa awn riang heue.”

ZEPHANIX 3:16 Iomraidhean Croise

YAWBAX 4:3

Maix hoik sidiex gau ka pui tom nie mai maix hoik tawx riang rao ka taix pui pa iak riang khankix heue.

ISAYAX 25:9

Ka daux singaix an, kix tak sang ah nin jhak heue, in mawh Siyiex ex, pa krox jun ex, Nawh Cao tak sang taoh ex heue. In mawh Siyiex, pa krox jun ex, ex tak sang koe krax gaux rhawm ka daux bwanson krax pa taoh Nawh Cao heue.

ISAYAX 40:9

Pui viex lox bwan mhawm hoek ka Zion eue, haok piang gawng lhaong, pui viex lox bwan mhawm hoek ka Yerusaliem eue, sau riang tix mai yo lox sinum, yo lox tix paw lhat mai ah nin ka meung Yudax, “Jhak ka Siyiex pex.”

ISAYAX 41:10

Paw lhat, mawh kheu aux ot mai maix, paw yaoh, mawh kheu Aux mawh Siyiex maix, Aux tak kieh maix kaux cong, Aux tak teem ka maix, Aux tak joh maix ka plawng taix dawm pa ting riang tix.

ISAYAX 44:2

Siyiex pa phan pex, pa hoik phan hoik yuh pex, tom ka daux vaig mai tak teem ka pex ah nin kawncau Aux Yakop, pa mawh Yeshuron pa laug Aux eue, paw khi rhawm.

ISAYAX 54:4

“Paw koe krax khi rhawm heue. Mawh kheu maix tak ang hoek krax kaig tua mai ang pon ti mawh pa laux pakngai, mawh kheu maix tak ang lai mawh pa kham krax salao heue. Grawh grawng nawh maix tak piawm krax kaig tua yam awn ju maix mai tak ang lai koe krax keud ka lox salao yam mawh maix miexmai, khaix in pie tix bawg kawx heue.

YOLAX 2:21

Haktiex eue, paw lhat graung, koe krax nyawm rhawm mai koe krax gaux rhawm heue. Grawh grawng nawh, Siyiex hoik yuh pa kied ting lhaong khankix heue.

ZAKHARIX 8:13

Nyiex ma ceu pui Yudax mai nyiex ma ceu pui Isarelax khankix eue, Awm hoik pon pex krax pa jhax lawg khaing ka daux sinax ceu pui khankix, mawh kheu nan, Aux tak sang taoh pex mai pex tak sang mawh pa koe bwanson heue. Paw kieh koe krax khi rhawm, kieh taix pex koe riang rao heue.

ZAKHARIX 8:15

Awm ka daux singaix inkix, Aux hoik tat rhawm rhi tix, sonsang yuh ceu pa mhawm ka veng Yerusaliem mai ka nyiex ma ceu pui Yudax khankix heue. Paw koe krax khi rhawm kah awx!

YOHAN 12:12

Singaix pasax pui hun pa hoek haok ka pawie, yam mhong kix grawng sang hoek Yesux ka veng Yerusaliem,

2 KAWRINTHUX 4:1

Mawh kheu nan, kheu koe ex kaing cau kaing soi in, awm pa hoik pon ex krax caux rhawm, ex ang lai khrup rhawm kah heue.

KALATIX 6:9

Ex paw kieh laux rhawm ka ceu pa yuh pa mhawm mhiem, grawh grawng nawh yam hoek bawg yam ex tak sang pon ti vawg, phan ex ang khrup rhawm heue.

EFESUX 3:13

Mawh kheu nan aux tom khyox khaw ka pex, son ang pex sang laux rhawm ka krax kha rhawm aux son pex, pa mawh sonsang pon pex min pakngai heue.

HEBRIE 12:12

Mawh kheu nan yaog ka taix pa hoik tak teue mai ka ngawng pa hoik groik,

PLAK JHI 2:3

Maix hoik gun yeung mai hoik kham geu son ceu kaux Aux mai ang laux rhawm kah heue.