ZEPHANIX 3:12 - Wa Common Language Translation

¹² Aux tak sang deuh pui pa hot shia pa tiiem rhawm khankix, ka daux sinax maix mai kix tak een rhawm tix ka daux ceu kaux Siyiex heue.

ZEPHANIX 3:12 Iomraidhean Croise

EZARAX 9:8

Yam in daux tivud ticu, bwanson sibrawm Siyiex hoik jhi tix ka ex kawn kieh ex deuk mai glawd tiblah mai hoik tawk ex awm jim kaux cong dee pa singax singeh Nawh Cao mai Siyiex tak kieh ngai ex riang mai deeh tawx ex pon toek bhawm khaing dee pa kham ex tix mawh siliex heue.

YAOGYAW 37:40

Siyiex teem kix mai taoh kix mai Nawh Cao taoh kix lih khaing daux tawm taix pui pa ang rahsee khankix, kheu kix deuh rhawm ka Nawh Cao heue.

ISAYAX 14:30

Kawn Ai pui pa hot pa shia khankix tak yaox ti ih mai can pa koe krax cud cha khankix tak yaox ti it yiien yawg heue. Aux tak pah num riah maix khankix ka krax sibhawm praix mai pa kawn deuk maix khankix tak sang mawh pa pah yum heue.

ISAYAX 14:32

Mawh pui mawx pa tak sang pon pawk lox ka pui cau haktiex an khankix lie? Siyiex hoik pang ti deuh veng Zion mai pui hot pui shia ceu pui Nawh Cao khankix tak peung ti ot ka daux veng an heue.

ISAYAX 29:19

Pui pa awn rhawm tak koe krax gaux rhawm daux Siyiex mai pui hot tak gaux rhawm ka daux pa singax singeh Siyiex ceu pui Isarelax.

ISAYAX 50:10

Mawh pui mawx ka daux sinax pex pa koe krax lhat graung ka Siyiex lie? Mawh pui mawx pa nghiet lox krai siliex nawh lie? Mawh pui mawx pa lailing ti hu ka daux pa faik mai pa ang koe pa riang, kieh nawh een rhawm tix ka daux ceu kaux Siyiex mai deuh rhawm tix ka Siyiex nawh heue.

ISAYAX 6:13

Mai kao son tix son tak koe ka daux an mai tak deeh mawh pa laux leeing ka ngu, awm pang khaox piak van tix pang, phan ang mawh nan, awm pang khaox tiah tix pang, pa kawn deuk awm ngo khaox, khaix hoik gu ti heue. Mawh kheu nan doeh ru pa singax, tak sang awm ngo khaox ka daux haktiex an heue.

YERAMIX 17:7

Pui een rhawm tix ka Siyiex mai pui pa kieh Siyiex mawh dee een rhawm tix koe bwanson heue.

YERAMIX 50:20

Siyiex ah nin, “Ka daux singaix an mai bawg yam an, tak ciied ti yaox ka pa yuh Isarelax khankix, viang mawh nan, ang yaox ka phimap kix tix kaux kawx mai ka phimap pui Yudax khankix kawx, ang lai yaox ka heue. Mawh kheu Aux tak pluat ploi ka phimap pui pa prah Aux nawh deuk khankix heue.

YEZAKELAX 6:8

Viang mawh kawx nan, Aux tak sang prah pui pa deuk koe tix cub, sonsang klawd kix khaing lawm vaig ka daux sinax ceu pui khankix, yam hoik prung prang rairuat pex ka daux haktiex khankix ku plak heue.

MIKHA 5:6

Kix tak sang laux yuh haktiex Asurix ka vaig mai khawm ka daux diang laig ka haktiex Nimrot heue. Nawh tak sang deeh taoh ex khaing daux tawm taix pui Asurix yam hoek kix ka daux haktiex ex mai yam dig kix ka plak daux mee haktiex ex khankix heue.

NAHUM 1:7

Siyiex pon mawh pa mhawm, dee pa kaux cong ka daux singaix pa kha rhawm mai Nawh Cao tawng ka pui an kix ka pui pa een rhawm tix ka Nawh Cao heue.

ZAKHARIX 11:11

Mawh kheu hoik laux sijax mukheu an ka daux singaix an heue. Mawh kheu nan cub phung yung pa hot shia khankix, pa kawn een rhawm tix ka Aux, hoik tawng ka hoik mawh an gumlox Siyiex heue.

ZAKHARIX 11:7

Mawh kheu nan, Aux hoik liang cub phung yung khankix, son pa sang pah tix yum, pa mawh cub phung yung pa blon kha rhawm tix heue. Aux hoik teei khaox grix tix ra gawng, tix gawng Aux hoik kok mawh bwanson pa mhawm grang mai an tix gawng Aux hoik kok mawh maox vien krax grum rhawm mai Aux hoik liang cub phung yung khankix heue.

MATHIEX 11:5

pui dug ngai deeh chix yaox, pui laux caong deeh chix hu, pui saux sipawg deeh singax, pui lheet yhaok deeh chix mhong mai pui pa hoik yum deeh kaoh im mai sidiex gau ka pui hot sia mhong ka lox bwan gaux rhawm heue.

MATHIEX 12:21

Daux ceu kaux Nawh, kawn pui tang ceu khankix tak keud pot jun pot een rhawm kah heue.”

MATHIEX 5:3

“Pui pa hot daux khuan khankix koe bwanson heue, kheu Meung Raoma mawh cie kix.

ROMAX 15:12

Isayax baox deeh ah nin, “Tak sang koe riah Yessie mai Kaw pa sang kaoh ti giex kaing pui tang ceu tak sang koe krax keud pot jun pot ka Nawh heue.”

YAKOP 2:5

Puxaik pa moh aux khankix eue, nghiet heue, Siyiex hoik laug pui pa hot pa sibhawm plak haktiex, tix kieh kix mawh pa mi pa koe plak krax yum rhawm mai pa pon sin Meung an, pa hoik tawx Nawh lox sijax mukheu ti tawx ka kix pa moh ka Nawh ang mawh lie?

1 PETRUX 1:21

pa mawh pui pa hoik yum rhawm ka Siyiex ka daux Nawh, pa hoik kieh Nawh deeh kaoh im khaing krax yum mai tawx min pakngai ka Nawh, son krax pa yum rhawm mai krax keud pot jun pot pex, tak mawh ka daux Siyiex heue.