ZEPHANIX 3:1 - Wa Common Language Translation

¹ Veng pa hoik deeh kaoh ti tieh feen mai pa hoik seeing in koe krax pa kha rhawm heue.

ZEPHANIX 3:1 Iomraidhean Croise

ISAYAX 30:12

Mawh kheu nan Siyiex pa singax singeh pui Isarelax ah nin “Mawh kheu nu nai pex ka gumlox in mai een rhawm tix ka pa yeen ya, veeh rhawm tix ka krax pa vawk mai peung ka an,

ISAYAX 5:7

Grawh grawng nawh sipeem plix siiet Siyiex Cao kru naing raoma mawh nyiex ma ceu pui Isarelax khankix, mai pui Yudax khankix, mawh pang khaox pa khaw rhawm Nawh Cao ka heue. Nawh Cao hoik keud ce mawh son krax pa rahsee, viang mawh nan hoik mawh krax pa yeen tix kha rhawm son pa rahsee, viang mawh nan jhak heue, hoik mawh krax pa yiiem heue.

ISAYAX 59:13

ka grawng pa lud mai daux krax pa thiang ti tik ka Siyiex mai krax pa lih hu khaing Siyiex ex, krax ah lox pa yeen ya mai krax pa deeh tieh feen mai krax krai lox pa ang mawh ang meh mai krax pa hawt ah lox khaing daux rhawm tix, pa mawh gumlox pa lud loe khankix heue.

ISAYAX 59:6

Keei nyiex greeh an khankix, ang pon ti mawh kraung ceep mai kix ang pon kheem tokaux tix ka kaing pa yuh kix heue. Kaing yuh kix mawh kaing pa koe map koe grham mai kaing pa kied kin koe ka daux taix kix heue.

YERAMIX 22:17

Viang mawh nan, ngai maix mai rhawm maix mawh ngie son pa ghoing mai son nham pui pa ang koe map grham jauh mai krax pa yeen ya mai krax kin khankix heue.”

YERAMIX 5:23

Mawh kheu ceu pui in khankix koe rhawm chix lud chix feen mai kix ca tieh feen jheung jheung heue.”

YERAMIX 6:6

Grawh grawng nawh, Siyiex Cao kru naing raoma ah nin, “Kid ti tik ka khaox an khankix mai yuh guh tiex ka plak toi veng Yerusaliem heue. In mawh veng pa sang pon krax pa sidiex gau heue. Ka daux nawh hoik naog ka ceu pa yeen ya khaing heue.

YERAMIX 6:7

Awm mhawm lih rawm keut khaing daux tix, veng an kawx ceu pa caox caig lih khaing nawh. Ex mhong grawng pa tud rhim mai pa kied kin khaing daux nawh. Ka plak sivoe Aux koe ngie krax saux ngia mai krax mat lheet jheung jheung heue.

YEZAKELAX 22:29

Pui haktiex kawx hoik yuh pa khin, hoik yuh con, mai hoik gut kheem ka pui pa hot sibhawm, pa cud cha, mai kix tuktiak tukte ka nyo sinie daux pa ang rahsee heue.

YEZAKELAX 22:7

Ka daux veng ang lai koe pui pa yungyi ka miex keeing tix daux sigreung maix tix kaux kawx, kix hoik yuh krax tuktiak ka daux sigreung maix, kix hoik yuh pa ang khaw ang caw ka kawn doe mai ka miexmai heue.

YEZAKELAX 23:30

Aux tak yuh ceu in ka maix, kheu jao yuh maix bun coh kaux mai pui tang ceu hoik kieh tokaux tix seeing brai mai riang grang krub kix heue.

KRUB 1:16

mai nawh tak pih ti tik ble mai can pa seeing, hu tik ka dee tik nyaox, ka praok khu dee tan plak lih singaix,

AMOT 3:9

“Pao ti krai lox ka daux nyiex haw khankix pa koe ka daux veng Ashadok mai ka daux nyiex haw pa koe ka daux meung Ejiptux ah nin, pex khrawm ti hoek ka piang gawng Samarix khankix, pex tak yaox grawng krax pa lawh maw ting luah pa koe ka daux sigreung veng mai ceu pa kha rhawm pa koe ka daux veng heue.”

AMOT 4:1

Pex pa awm miex mawie Bashan khankix, pa ot ka piang gawng Samarix eue, pa yuh krax kha rhawm pui hot shia, pa yuh krax kha rhawm pui cud cha pa ah nin ka mex pex viex rawm plix siiet hoek! kieh ex nyaux liak! nghiet ka gumlox in heue.

MIKHA 2:2

Kix ghoing ka ma kaung khankix mai khin rhim ti teei, ghoing ka nyiex ma khankix mai kix hoik rhim tix heue. Kix yuh krax kha rhawm ka pui mai khawm paox nyiex nawh mai khawm ka kraung khrai sinngao nyiex ma nawh heue.

ZAKHARIX 7:10

Paw yuh krax kha rhawm ka miexmai kawn doe, ka pui haktiex tang meung mai ka pui pa hot sia khankix awx! Paw kieh tix kaux kawx, koe krax pa sang yuh tix pa caox ka daux rhawm tix ka piang puxaik nawh heue.”

MALAKHIX 3:5

Aux tak sang hoek dex pex, son krax ciyang, Aux tak sang mawh cao pa kham mhai rug pa kied phai, ka pui pa chix yuh phi yuh simeed khankix, ka pui pa phit vao, ka pui pa tiextu pie lhen, ka pui an kix, pa kheem ti ih ngawh kaing cao pa pon mau khankix mai ka pui pa yeen ya ti ih ka miexmai kawn doe mai ka pui an kix, pa nieb yuh ka nyo sinie khankix, kheu ang kix koe krax lhat graung ka aux heue. “Siyiex cao kru naing raoma ah nan heue.