ZEPHANIX 2:9 - Wa Common Language Translation

⁹ Mawh kheu nan, Siyiex Cao kru naing raoma, Siyiex ceu pui Isarelax ah nin “Awm im ju Aux, haktiex Mawbax tak sang mawh pa awm veng Sawdom mai pui haktiex Amon khankix tak sang mawh pa awm veng Gawmawrax, pa hoik tieh ti mawh pang kat khankix mai daux kih, mawh dee pa laux leeing jheung jheung heue. Pui aux pa kawn deuk khankix tak sang hu tud rhim ti teei kix mai pui pa kawn deuk khankix ka daux meung, Aux tak sang pon ti cie sin kix heue.

ZEPHANIX 2:9 Iomraidhean Croise

ISAYAX 11:14

Kix tak po tix hu ka piang klip pui Philitix pa ot ka plak klip singaix, tau mai pui an kix, kix tak tud rhim ti cie kraung pui pa ot ka plak lih singaix khankix heue. Kix tak deuh khawn taix tix ka piang ceu pui Edom mai ceu pui Mawbax khankix mai ceu pui Amon tak cu tak nghiet ka kix heue.

ISAYAX 25:10

Grawh grawng nawh Siyiex tak sang deuh taix tix ka piang gawng in mai Nawh Cao tak sang dig meung Mawbax ka greem tix awm dig brex nghox ka daux dung phon heue.

ISAYAX 49:18

Yaog ngai tix jhak hawt vung viang tix, kix tak khrawm paox tix hoek ka maix, Siyiex ah nin “Awm im ju Aux maix tak ceep ka kix awm kraung ceep mai rhawt kix ka nyoi tix awm bun yuh ka paox.

YERAMIX 46:18

Simiang pa koe min ceu kaux Siyiex Cao kru naing raoma, ah nin, “Awm im ju Aux, mai awm kriem koe gawng Tabaw ka sinax gawng lua khankix mai awm koe gawng Kharamelax hawt rawm sigrit sigra, awm an pui tix kaux tak sang hoek heue.

YERAMIX 48:1

Grawng pa dex dawd mai haktiex Mawbax, Siyiex Cao kru naing raoma pa mawh Siyiex ceu pui Isarelax ah nin, “Kieh krax kha rhawm koe ka veng Nebaw, mawh kheu grawh grawng nawh veng an hoik laux leeing, veng Kirayarim hoik kaig tua mai hoik rhim hu, veng Misagap pa kaux cong pa koe dee lhaong hoik kaig tua mai hoik laux rhawm,

YERAMIX 49:1

Siyiex krai grawng pa dex dawd mai ceu pui Amon khankix ah nin, “Mawh ang pui Isarelax koe kawn simex lie? Mawh ang koe pui pa sang plud sinngao nawh lie? Khaix an siyiex Milakham lai plud sinngao haktiex Gat mai pui nawh khankix hoik ot ka daux veng nawh khankix, kheu jao pa yuh ka mawx lie?

YERAMIX 49:18

Siyiex ah nin, awm laux leeing veng Sawdom mai veng Gawmawrax khankiex mai veng pa dex hawt rawb rim nawh khankix, ang lai koe pui pa ot ka daux haktiex Edom mai kawn pui pa ot ka daux haktiex an tak ang lai koe tix kaux kawx heue.

YERAMIX 49:33

Haktiex Hazaw mawh dee ot sox praix mai mawh dee yiien yawg pui leeing ju, ang lai koe pui pa ot tan mai ang lai koe kawn pui pa sang ot ka daux haktiex an pie tix kaux kawx heue.”

YERAMIX 50:40

Siyiex ah nin, awm hoik yieh Siyiex ka veng Sawdom mai veng Gawmawrax, khawm veng pa koe hawt dex an khankix laux, awm an ang lai koe pui bang tix ot tan, mawh kheu nan, kawn pui pa ot ka veng Babulon tak ang koe tix kaux kawx heue.

AMOT 1:13

Siyiex ah nin “Mawh kheu lud pui haktiex Amon khankix, ang joeng mawh loe ceu mawh pon ceu, aux tak ang lai yoi krax song rhawm aux ka piang kix heue. Grawh grawng nawh, kix hoik pih daux vaig bun pa koe kaux khankix ka daux haktiex Gilat, sonsang yuh kix dee kwang tix vieh va heue.

AMOT 2:1

Siyiex ah nin “Mawh kheu lud haktiex Mawbax, ang joeng mawh loe ceu mawh pon ceu, Aux tak ang lai yoi krax pa song rhawm tix khaing kix heue. Grawh grawng nawh, nawh hoik gleeing si ang simiang haktiex Edom lih mawh nyaox heue.

ZEPHANIX 2:14

Cub tobrie mai totiag khankix kuceu tak it ka daux sigreung veng heue. Sim Vam po mai goh tak sang ot ka piang nuk daux siviex iak, sim khankix tak ah lox tix ka heue. Krax yiien yawg grai hu pui tak sang koe ka daux diang siviex tan, khaox Arit pa hoik thui ti deuh plang khankix hoik jieh laux heue.

ZEPHANIX 2:7

Haktiex praok rawm sigrit sigra in tak sang mawh son nyiex ceu pui Yudax pa kawn deuk an khankix, kix tak sang yaox ti liang cub phung yung kix tan, ka daux ponsawm kix tak sang it ka daux nyiex veng Ashakelon khankix heue. Grawh grawng nawh Siyiex pa mawh Siyiex kix, tak sang hoek ti kia ngien ka kix mai deeh teei pui pa giex laung kix ing heue.

ZEPHANIX 3:13

Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”

ZAKHARIX 2:13

Can pa koe nex koe nham khankix eue, Koe krax pa yiien yawg, ka plak sivoe ngai Siyiex, mawh kheu Nawh Cao hoik yaog ti kaoh khaing dee ot pa singax singeh Nawh Cao heue.

SIMIN 14:21

mawh kheu nan awm im ju Aux tete, haktiex tak naog ka min plakngai Simiang Siyiex tete,

ROMAX 14:11

Grawh grawng nawh hoik tiiem ti deuh, “Simiang ah nin, Awm im Aux, ngawng ku ngawng tak sang grux ka Aux mai dak ku dak tak sang krai doh ka Siyiex heue.”

PINGNYAP 29:22

doeh ru kawn praix maix, pa yaog ti kaoh khaix maix khankix mai pui tang meung pa hoek khaing daux haktiex dee singai khankix, yam yaox kix jhawm saux preng daux haktiex an mai jhawm saux pa hoik deuh Simiang Siyiex ka pui ankix.

PINGNYAP 29:23

Ka daux haktiex khawmuik hoik kieh mawh dee koe mhat mai khaix hax ngu, ang koe pa pon sum plix simie nghox koi mai ang koe plix koe tai mai ang koe rib riem pa kuah baoh tan tix ceu kawx, awm pluk pliak Simiang Siyiex ti tik ka veng Sawdom mai veng Gawmawrax, veng Adama mai veng Zibo-im ka daux pa song rhawm tix mai pa meet rhawm tix.