ZEPHANIX 2:7 - Wa Common Language Translation

⁷ Haktiex praok rawm sigrit sigra in tak sang mawh son nyiex ceu pui Yudax pa kawn deuk an khankix, kix tak sang yaox ti liang cub phung yung kix tan, ka daux ponsawm kix tak sang it ka daux nyiex veng Ashakelon khankix heue. Grawh grawng nawh Siyiex pa mawh Siyiex kix, tak sang hoek ti kia ngien ka kix mai deeh teei pui pa giex laung kix ing heue.

ZEPHANIX 2:7 Iomraidhean Croise

YAM JAH 50:24

Yosiep ah nin ka pux aik nawh khankix, “Aux dex sang yum, viang mawh nan, Siyiex tak hoek ti kia ngien ka pex mai deeh viex pex lih khaing haktiex in mai tawx pex hu ka haktiex pa hoik tiextu Nawh Cao ka Abraham, Icak mai Yakop heue.”

YAOGYAW 80:14

Siyiex Cao kru naing raoma eue, ex khyox khaw ka Maix, deeh hoek ha tix bawg liak, ot piang meung raoma mai kia ngien ka ex liak. Hoek tix jhak ka nhu plix siiet khankix liak.

YAOGYAW 85:1

Siyiex eue, Maix moh ka meung tix mai geh nyiex Yakop pa hoik giex hu khankix, deeh hoek tawx liak.

LIH HU 4:31

Yam hoik mhong pui khankix ka hoek fi Siyiex ka pui Isarelax mai yaox Nawh Cao hoik kia ngien ka krax kha kix rhawm tix, kix yum rhawm num kaing tix mai krub ka Nawh Cao heue.

ISAYAX 11:11

Ka daux singaix an, Siyiex tak sang baox nyeu taix tix ka piang an ra bawg tix bawg, sonsang deeh taoh ka pui pa kawn deuk ceu pui Nawh Cao, pa kawn prah tix ka meung Asurix mai meung Ejiptux, meung Patarot meung Khushax, meung Elam meung Shina meung Hamat mai khaing klawn tiex khankix pa koe daux rawm sigrit sigra heue.

ISAYAX 11:14

Kix tak po tix hu ka piang klip pui Philitix pa ot ka plak klip singaix, tau mai pui an kix, kix tak tud rhim ti cie kraung pui pa ot ka plak lih singaix khankix heue. Kix tak deuh khawn taix tix ka piang ceu pui Edom mai ceu pui Mawbax khankix mai ceu pui Amon tak cu tak nghiet ka kix heue.

ISAYAX 11:16

Daux krax ting tak sang koe tix nyaing, son pui pa kawn deuk ceu pui Nawh Cao khankix, pa kawn deuk khaing meung Asurix, awm hoik koe krax son ceu pui Isarelax khankix, ka daux singaix lih kix khaing daux meung Ejiptux heue.

ISAYAX 14:1

Siyiex koe krax caux rhawm ka ceu pui Yakop mai tak sang laug ti teei ceu pui Isarelax khankix mai deuh kix ot ka daux haktiex cao kix, mai pui tang meung tak hoek ti yuh paox pie mai kix, kix tak kap ti ot tau mai ceu pui Yakop heue.

ISAYAX 32:14

Mawh kheu nyiex haw tak tik grham tix, veng pa khu pui kawx tak riem, grawng Awphelax mai nyiex tab lhaong, tak riem leeing ju mai mawh dee gaux rhawm la tiag mai mawh tiag rib ka son yung khankix.

YERAMIX 23:3

Aux tak deeh khrawm cub kawn yung Aux pa kawn deuk khankix khaing haktiex pa hoik grheu Aux kix lih mai deeh viex kix hoek ka daux kawg yung kix mai kix tak baox pre nie haoh hun heue.

YERAMIX 29:10

Grawh grawng nawh, Siyiex ah nin, khaix hoik naog atixgliah num ka daux veng Babulon, Aux tak sang hoek kia ngien mai yuh lox sijax mukheu pa mhawm Aux naog ka pex mai kieh pex deeh hoek ka dee in heue.

YERAMIX 29:14

Siyiex ah nin, Aux tak sang kieh pex yaox tix mai Aux tak sang deeh viex pex ing khaing krax pa giex laung heue. Aux tak sang deeh khrawm pex khaing haktiex an khankix mai khaing dee an ka dee hoik grheu Aux pex, Siyiex ah nin, Aux tak sang viex pex hoek khaing dee pa kieh Aux pex hu mawh pa giex laung heue.

YERAMIX 3:18

“Ka daux singaix an, nyiex ma ceu pui Yudax tak yuh paox pie tau mai nyiex ma ceu pui Isarelax khankix mai kix tak hoek tau mai paox khaing haktiex plak laong mai hu ka haktiex pa hoik tawx Aux, mawh sinngao ka keeing kix heue.”

YERAMIX 30:3

Siyiex ah nin, jhak heue, singaix bawg yam hoik hoek mai Aux tak deeh viex pui Aux Isarelax mai pui Yudax khankix hoek khaing krax pa giex laung, Siyiex ah nan heue. Aux tak sang kieh kix deeh ing ka haktiex pa hoik tawx Aux ka keeing kix mai kix tak sang pon tix cie an heue.”

YERAMIX 31:7

Siyiex ah nin, “Rhax lai mai gaux rhawm son ceu pui Yakop mai riag yo khaing daux sinax cao kaing ting ceu pui khankix, krai pao mai tawx krax pa yaogyaw ah nin, Siyiex eue, taoh ka pui Maix Cao pa mawh ceu pui Isarelax pa kawn deuk khankix heue.

YERAMIX 32:44

Pui khankix tak sang liag kaung ka mau mai yuh lai mhai rug pa liag kaung mai pa hoik tawk cum ka mai kok cao pa kham sakse, khaing ka daux haktiex Benyamin, khaing hawt rawb rim veng Yerusaliem mai khaing ka daux veng Yudax mai khaing veng pa koe piang gawng khankix mai khaing ka daux veng pa koe daux lung daux ngawd mai khaing ka daux veng pa koe plak laong, grawh grawng nawh, Aux tak deeh viex pui pa giex laung khankix deeh hoek, Siyiex ah nin heue.”

YERAMIX 33:12

Siyiex Cao kru naing raoma ah nin, “Ka dee in pa mawh dee pa yiien pui, ang lai koe pui mai ang lai koe totiag mai ka daux veng khawmuik, tak sang mawh dee ot dee koe cao liang yung, sonsang kieh phung yung ti it tan heue.

YERAMIX 33:7

Aux tak sang kieh pui Yudax pa hoik giex laung khankix hoek mai sang deeh sum kix awm phao voe heue.

YERAMIX 47:5

Bawg yam sang khlao kaing veng Gaza hoik hoek, veng Ashakalon hoik tat khaing daux pui pa kawn deuk khaing baoh haktiex daux lung heue. Pex kawn sang pat nex rheung miex grheung lie?

YEZAKELAX 39:25

Siyiex ah nin, yam in Aux tak viex ceu pui Yakop deeh ing khaing pa giex laung mai koe krax caux rhawm ka piang nyiex ma ceu pui Isarelax khawmuik, kheu kied koe rhawm Aux ka min ceu kaux pa singax singeh tix heue.

HOSE 6:11

Ceu pui Yudax eue, bawg yam vawg nghox mawh pa hoik tat ti deuh ka son maix, yam tawx Aux pui Aux pa giex laung khankix deeh ing heue.

AWBADIX 1:19

Can pui pa ot baoh plak seh, tak sang yaox ti cie gawng Esaw, can pui pa ot ka daux dee tiiem khankix tak sang pon ti cie haktiex Philitix heue. Kix tak sang pon ti cie tong Epharem khankix mai khawm tong Samarix khankix heue. Ceu pui Benyamin khankix, tak sang pon ti cie haktiex Gilat heue.

MIKHA 2:12

“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

MIKHA 4:10

Kawn bun Zion eue, kham krax saux ngia mai sau riang tix awm bun pa koe krax saux krax ngia in maix tak sang yaox ti lih hu khaing ka daux veng mai ot ka daux tong kaung mai hu tom hoek ka veng Babulon heue. Maix tak sang pon krax pa luad luan tan, Siyiex tak sang deeh taoh ti teei maix, khaing daux tawm taix pui koeng maix khankix heue.

MIKHA 4:7

Aux tak sang kieh pui pa chawh caong mawh pa kawn deuk mai kieh pui pa hoik grheu tix khankix mawh ceu pui pa kied ting riang rao heue. Siyiex tak sang kwang kix ka piang gawng Zion, jah ka daux yam in mai hu sivoe ngai tom hoek leeing ju heue.

ZEPHANIX 2:9

Mawh kheu nan, Siyiex Cao kru naing raoma, Siyiex ceu pui Isarelax ah nin “Awm im ju Aux, haktiex Mawbax tak sang mawh pa awm veng Sawdom mai pui haktiex Amon khankix tak sang mawh pa awm veng Gawmawrax, pa hoik tieh ti mawh pang kat khankix mai daux kih, mawh dee pa laux leeing jheung jheung heue. Pui aux pa kawn deuk khankix tak sang hu tud rhim ti teei kix mai pui pa kawn deuk khankix ka daux meung, Aux tak sang pon ti cie sin kix heue.

ZEPHANIX 3:13

Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”

ZEPHANIX 3:20

Ka daux bawg yam an, Aux tak sang deeh viex pex hoek, kraix khrawm pex tau heue. Grawh grawng nawh, aux tak sang tawx maix koe krax pa ao min mai krax pa yaog yaw, ka daux sinax pui piang haktiex khawmuik, yam dee viex Aux pui pa giex laung pex khankix hoek ka daux plak sivoe ngai maix. Siyiex ah nan heue.

HAGIE 1:12

Yam an Zerubabelax kawn simex Shelatilax mai Yawsux kawn simex Yehawzadax cao kaing ting cao giex kaing li mai pui pa kawn deuk khankix, hoik cu hoik nghiet ka lox Siyiex kix, pa mawh Siyiex leeing ju mai ka gumlox cao jhai Hagie, awm hoik ploi Siyiex kix, pa mawh Siyiex leeing ju nawh hoek mai pui khankix hoik koe krax lhat graung ka plak sivoe ngai Siyiex leeing ju heue.

HAGIE 2:2

Maix hu krai ka Zerubabelax, kawn simex Shelatilax cao kaing veng Yudax mai ka Yawsux kawn simex Yehawzadax cao kaing ting cao giex kaing li mai ka pui pa kawn deuk khankix mai ah nin heue.

LUKAX 1:68

“Kieh Simiang, Siyiex Isarelax ting bwanson heue. Mawh kheu Nawh hoik hoek ti lai ling mai hoik taoh pui cie tix.

LUKAX 7:16

Pui khawmuik lhat graung kah mai kix yaogyaw Siyiex ah nin, “Cao jhai pa ting hoik lih sinax ex tix kaux mai Siyiex hoik hoek ti jhak pui cie Nawh heue.”

KAWNCAU 8:26

Yam an kawncau Siyiex tix kaux sikah mai Philipux ah nin, “Kaoh mai hu plak caong ma seh, ka krax pa kaoh khaing veng Yerusaliem mai bleeh ka veng Gaza, pa mawh krax daux tiag heue.”

KAWNCAU 8:40

Philipux yaox tokaux tix ot ka daux veng Asado mai nawh sidiex gau lox bwan gaux rhawm ka veng khawmuik tom hoek nawh ka daux veng Kesarix heue.

ROMAX 11:5

Awm an daux bawg yam in kawx, kawn koe pui pa deuk, awm pa khaw mai pa laug ti teei pa dex mai bwanson heue.

RUTHAX 1:6

Nawmix jah ti deeh ing mai mun tix khankiex khaing meung Mawbax, mawh kheu mhong nawh yuh nin daux Meung Mawbax, Siyiex hoek ti kia ngien mai tawx pa ih son pui Nawh.