ZEPHANIX 2:3 - Wa Common Language Translation

³ Pex pa koe rhawm awn rhawm tiiem ka piang haktiex khankix, pa hoik priex ti hawt gumlox tat jhawm prawng Siyiex khankix eue, pex sawg ka Siyiex heue. Sawg ka krax pa rahsee sawg ka krax pa tiiem rhawm rhi, phan yuh nan ka daux singaix lih krax song rhawm Siyiex, pex nieb pon mox tix nie.

ZEPHANIX 2:3 Iomraidhean Croise

2 SAMOELAX 12:22

Nawh deeh ah nin, “Yam kawn im kawn nyawm in, aux twah priex mai yiiem ah nin, mawh pui mawx pa sang pon krai grawng sang koe krax pa caux rhawm Simiang Siyiex piang aux, sonsang deeh pon kawn nyawm an tix im?”

YAOGYAW 105:4

Sawg ka sibrawm Siyiex heue. Sawg ka plakngai Nawh jheung jheung heue.

YAOGYAW 149:4

Grawh grawng nawh, Siyiex moh ka pui Nawh khankix mai Nawh kieh pui pa awn rhawm khankix koe min plakngai ka krax taoh Nawh heue.

YAOGYAW 22:26

Pui pa hot sibhawm tak yaox ti sawm tom sak heue. mai pui pa sawg ka Siyiex khankix tak yaogyaw ka Nawh Cao heue. Kieh rhawm pex koe riang rao jheung jheung liak.

YAOGYAW 31:20

Maix hoik teei tix mox kix daux tawm taix tix mai kieh kix luan khaing pa nieb yuh pui pa koeng khankix, Maix priex kix daux nyiex bwan Maix mai kieh kix luan khaing jheeh pa simah simiang heue.

YAOGYAW 45:4

Kieh sibrawm Maix pex hu mai brug hu ka lox pa mawh meh mai lox pa awn pa tiiem mai lox pa rahsee liak, taix khawn dawm Maix tak sang jhi ka ceu pa lhat graung heue.

YAOGYAW 57:1

Siyiex eue, caux rhawm ka aux liak, caux rhawm ka aux liak. Ju aux deuh rhawm ka Maix mai deuh rhawm tix ka greem veei pruik Maix tom sidah luan ceu pa khi rhawm heue.

YAOGYAW 76:9

Yam kaoh Nawh tix prawng ca, Nawh ploi lox prawng ca lih khaing raoma mai haktiex lhat graung mai yiien yawg tix heue.

YAOGYAW 91:1

Pui pa ot ka dee pa tiebtie Siyiex, Cao pa ting lhaong khaing khawmuik, tak pon ti ot ka greem veei sibrawm Nawh heue.

LIH HU 12:27

“Pex tak deeh ah nin, “In mawh pawie Pasakha, pa appong tan ex ka Siyiex, pa hoik lih hu mai luan khaing nyiex ma kawn praix pui Isarelax daux meung Ejiptux, yam pah Nawh Cao ka pui Ejiptux khankix mai kieh nyiex ma ex khankix luad luan yam an. “Mawh kheu nan, pui khankix gup kaing tix mai krub ka Siyiex.

LOX KAB 18:10

Ceu kaux Siyiex, mawh tab pa kaux cong mai pui pa rahsee khankix, to tix laig tan mai luan khaing krax khi rhawm heue.

ISAYAX 1:17

gau ti yuh ceu pa mhawm, sawg ka pa rahsee, plak jhi ka phimap cao pa gut yeen, tieb tie ka son pa ang koe keeing, khyox khaw ka son miexmai heue.

ISAYAX 11:4

Viang mawh nan, Nawh Cao tak prawng ca ka pui hot pui shia ka daux krax pa rahsee mai tat lox rahsee ka son pui pa viex rhawm awn rhawm tiiem ka piang haktiex, Nawh Cao tak tawx krax pa kha rhawm ka haktiex gawng khaox pa kaoh khaing daux jheeh Nawh Cao mai Nawh Cao pah pui caox caig ka bhawm pa kaoh khaing daux siyieb jheeh Nawh Cao heue.

ISAYAX 61:1

Khwan Siyiex ot ka piang Aux, mawh kheu hoik groi Nawh rawm bee ka piang Aux, sonsang kieh sidiex gau lox bwan gaux rhawm ka pui pa hot pa shia khankix heue. Nawh hoik ploi Aux hoek sonsang pai ka pui pa laux rhawm khankix mai sonsang krai pao krax pa lawd luan ka pui pa giex laung mai paoh siviex thawng ka pui an kix pa hoik laung tix,

YERAMIX 39:18

Mawh kheu Aux tak sang taoh ka maix tete mai maix tak ang yum ka lawm vaig heue. Viang mawh nan, ju maix tak sang mawh pa awm kraung pa pon rhim ti teei, mawh kheu een maix rhawm tix ka Aux, Siyiex ah nin heue.”

YERAMIX 45:5

Mawh sawg maix ka ceu pa kied ting lhaong ka son tix lie? Paw lai sawg kah, Siyiex ah nin, Aux tak sang viex krax kha rhawm hoek piang can pa koe nex koe nham khawmuik heue. Viang mawh nan, Aux tak tawx ju ka maix awm kraung pa pon rhim ti teei ka can dee sang hu maix heue.”

YEZAKELAX 13:5

Ceu pui Isarelax khankix ang haok hu ka dee laux guh veng, cox sum kieh kaux cong, sonsang tiebtie naing yam hoek baux singaix Siyiex heue.

HOSE 10:12

Ruat simie pa rahsee ka son tokaux pex, vawg ka daux krax pa caux rhawm, thai ma dee pa ang pex sax yuh, mawh kheu bawg yam in mawh bawg yam sawg ka Siyiex, krox tom bawg yam hoek Nawh Cao mai yam kieh Nawh rawm lhiex pa rahsee khankix lih piang pex heue.

HOSE 7:10

Krax lhaong rhawm ceu pui Isarelax hoik kham mhai rug ka pakngai nawh, viang mawh nan, kix ang cu tix deeh ing ka Siyiex, pa mawh Siyiex kix mai ang lai sawg ti yaox Nawh Cao ka son grawng in khawmuik heue.

YONAX 3:9

Pui mawx pa tawng ka pa sang deeh tieh Siyiex tix mai doh keud mai deeh veeh tix khaing pa song rhawm Nawh Cao mai ang lai kieh ex hoek krax laux leeing?”

ZAKHARIX 8:19

Krax twah pa ih ka daux khix pon mai khix phwan, krax twah pa ih ka daux khix liah mai khix kao, tak sang mawh krax nyawm rhawm mai krax pa gaux rhawm, mawh pawie krax gaux rhawm son nyiex ma ceu pui Yudax khankix heue. Mawh kheu nan, moh ka pa mawh meh mai krax pa nhim heue.”

MATHIEX 5:5

Pui pa awn rhawm khankix koe bwanson heue, kheu kix tak pon haktiex.

1 THESALONIX 4:1

Lox pa deuk mawh nin, puxaik khankix eue, ex khyox khaw mai jeeh nyaw pex ka daux Simiang Yesux, sonsang hu pex awm pa hoik rieb pex ti teei khaing ex grawng pa khaw pex ti hu sonsang khaw mai rhawm Siyiex, awm pa hu pex yam in, pex sang nie lheu baox chix hu khaing an sinyek sinyek heue.

1 THESALONIX 4:10

Pex hoik yuh nan ka puxaik khawmuik pa ot ka daux meung Makedonix khawmuik heue. Puxaik khankix eue, ex sidiex jeeh nyaw ka pex sonsang nie lheu baox koe krax moh sinyek sinyek.

1 PETRUX 1:22

Kheu hoik kieh pex ju tix singax singeh ka daux krax cu nghiet pex ka pa mawh meh, tom sang koe krax moh krax rhawm pa ang pie lhen ka puxaik khankix, pex nied ti moh paox tix, tix kaux lai tix kaux tom daux rhawm tix mhawm mhawm heue.

1 PETRUX 3:4

Viang mawh nan kieh mawh ceu pa jawg pa hoik moh ka daux rhawm pa mawh kraung pa ang chix laux leeing, pa mawh rhawm pa awn mai pa chix yawg rhawm tix, pa kied koe ngawh koe jum plak sivoe ngai Siyiex heue.

2 PETRUX 3:18

Viang mawh nan kieh haok hwan ka daux bwanson mai krax tawng yung Cao Taoh ex Yesux Khrit heue. Kieh Nawh koe min pakngai khawm yam in mai leeing ju liak. Amen.