ZEPHANIX 2:11 - Wa Common Language Translation

¹¹ Siyiex tak sang mawh pa lhat graung kix kah heue. Mawh kheu Nawh Cao tak sang kieh siyiex piang haktiex khankix krawx hu heue. Pui khankix ku kaux mai khawm ceu pui khankix, pa ot ka klawn tiex rawm sigrit sigra kawx tak sang krub ka Nawh Cao ka dee ot dee koe tix heue.

ZEPHANIX 2:11 Iomraidhean Croise

YAM JAH 10:5

Jah ka haktiex praok rawm baoh an, kix gwieh tix ot haktiex tang dah ku plak, awm pa koe lox sikah doeh nyiex ma kix ceu mawx ceu an mai lih mawh ceu pui tan heue.

YAOGYAW 138:4

Siyiex eue mai simiang haktiex yaogyaw ka min plakngai Maix, kheu hoik mhong kix lox pa hoik lih khaing jheeh Maix khankix heue.

YAOGYAW 72:17

Ceu kaux Nawh tak kaux cong mai ting lhaong haok hwan jheung jheung tom ang singaix grai hu heue. Kawn pui khankix tak pon bwanson Nawh, pui tang ceu tak yaogyaw bwanson khawmuik heue.

YAOGYAW 86:9

Siyiex eue, can ceu pui pa phan pa deuh Maix khankix, greed tix hoek grux ngawng sivoe ngai Maix mai yaogyaw min plakngai ceu kaux Maix heue.

ISAYAX 2:18

Mai riang grang khankix grai grup pak lawg heue.

ISAYAX 2:20

Ka daux singaix an pui tak tik vud ka riang rao mau mai khri pa hoik yuh kix ti krub son tokaux cao tix, ka beei mai blak khankix.

ISAYAX 42:10

Pui pa tiang ka rawm sigrit sigra mai can pa ot ka daux an, pa ot ka klawn tiex rawm sigrit sigra mai pa ot ka daux an khankix eue, rhax lai pa khraox ka Siyiex mai yaogyaw Nawh Cao tom deeh sidah sidu haktiex.

ISAYAX 42:4

Tom sidah ang Nawh nyang pang pa rahsee ka piang haktiex, Nawh ang khrup rhawm, ang laux rhawm mai ka piang haktiex krox jun ka gumlox Nawh.

ISAYAX 49:1

Klawn tiex khankix eue, nghiet ka Aux, pex pui kuceu khaing dee singai eue, nghiet heue, Siyiex hoik kok ka Aux, tom ka daux vaig, Nawh cao hoik dauk ceu kaux aux tom yam ot aux daux vaig miex tix.

YERAMIX 10:11

Maix tak sang caw ti ah nin ka kix, “Siyiex pa ang tie phan raoma mai haktiex khankix tak sang grai hu khaing piang haktiex mai khaing greem raoma heue.”

YERAMIX 46:25

Siyiex Cao kru naing raoma pa mawh Siyiex ceu pui Isarelax ah nin “Jhak heue, Aux tak sang viex krax ciyang hoek piang siyiex Amon pa koe ka daux veng nawh, piang simiang mai piang haktiex Ejiptux, piang siyiex kix, piang Pharaw kix mai piang pui pa een rhawm tix ka daux nawh khankix heue.

DANYELAX 11:18

Khaix in, nawh deeh veeh ti hu rhim ti teei ka klawn tiex rawm sigrit sigra khankix tom nie heue. Viang mawh nan, cao kaing naing tix kaux tak sang grai yuh lox pa salao kix mai kix ang lai pon deeh kieh lox pa salao hoek piang cao kaing naing an heue.

HOSE 2:17

Aux tak sang teei ti tik ceu kaux siyiex Balax khaing daux jheeh pui Aux mai kix tak ang lai deeh doh deud ka ceu kaux in khaix in tibawg kawx heue.

YOLAX 2:11

Siyiex tawx lox tix, plak sivoe cub kru naing Nawh Cao, kheu mawh cub tab Nawh pa kied ting lhaong heue. Pa pon hawt ti yuh awm gumlox tawx Nawh Cao mawh kaw pa ting sibrawm heue. Grawh grawng nawh, singaix Siyiex mawh pa ting lhaong mai mawh pa kied koe krax lhat kah, mawh pui mawx pa pon thiang kah lie?

ZEPHANIX 1:4

Aux tak sang nyeu taix tix ka piang pui haktiex Yudax mai ka piang can pui pa ot ka daux veng Yerusaliem khankix heue. Aux tak sang tat ti tik siyiex Balax pa kawn deuk khaing daux haktiex khawm ceu kaux cao giex kaing li pa krub riang grang khankix mai cao giex kaing li tang kaux khankix,

ZEPHANIX 3:9

Yam an Aux tak sang deeh kieh ceu pui khawmuik sikah lox pa singax, sonsang pon kix ti kok ceu kaux Siyiex mai sonsang yuh kaing jhaw Nawh Cao tau mai krax grum rhawm heue.

ZAKHARIX 13:2

Siyiex Cao kru naing raoma ah nin ka daux singaix an, Aux tak sang tat ti tik ceu kaux riang grang khankix khaing daux haktiex mai khaix in tak ang lai mawh pa deeh doh keud kah heue. Aux tak sang deeh baox kieh cao jhai khankix mai khuan pa seeing brai ankix lih hu khaing daux haktiex heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 8:20

“Siyiex cao kru naing raoma ah nin, khaix in sax pui khankix tak sang hoek mai khawm pui pa ot ka daux veng khankix tom nie.

ZAKHARIX 8:23

“Siyiex cao kru naing raoma ah nin, ka daux singaix ankix, pui kao kaux khaing pa chix sikah lox ceu pui khankix kuceu, tak sang bluh caong sibex pui Yudax tix kaux ah nin, “Kieh yix hu tau mai maix liak! Mawh kheu mhong yix ot Siyiex tau mai maix heue.”

MALAKHIX 1:11

Grawh grawng nawh jah khaing baoh dee lih singaix, tom hoek ka baoh dee klip singaix, ceu kaux Aux tak sang mawh pa ting lhaong ka daux sinax ceu pui tang ceu, ka baoh dee an kix kudah tak sang tan nyawng bhawng ka ceu kaux Aux mai khawm krax tan pa singax, grawh grawng nawh, ceu kaux Aux, tak sang mawh pa ting lhaong ka daux sinax ceu pui khankix. Siyiex cao kru naing raoma ah nan heue.

MALAKHIX 1:14

“Kieh krax jhax lawg koe ka piang pui pie lhen an, pa koe yung mhaing ka daux cub phung yung nawh, pa hoik yuh lox mukheu mai tieh ti tan pa laux maung ka Siyiex grawh grawng nawh, Aux mawh simiang pa ting lhaong, “Ceu kaux Aux mawh pa sang koe krax pa lhat graung, ka daux sinax ceu pui khankix heue. “Siyiex cao kru naing raoma ah nan heue.

PINGNYAP 32:38

Pui mawx pa hoik ih ka pa appong kix mai pa hoik nyaux ka rawm plix siiet krax tan pa nyaux kix ot dee mawx? Kieh kix yaog ti kaoh mai teem ka pex mai kieh mawh dee peung pex.

1 TIMOSE 2:8

Mawh kheu nan aux simie ti kieh simex khankix rawg bwan kudah kudee mai yaog taix pa singax singeh, pa ang koe krax song rhawm songrhi mai krax thung thiang heue.

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”