ZEPHANIX 2:10 - Wa Common Language Translation

¹⁰ Grawng in hoek ka piang kix, kheu krax pa lhaong rhawm kix, kheu hoik ah kix lox pa ting ca nyau mai hoik salao ka pui Siyiex cao kru naing raoma heue.

ZEPHANIX 2:10 Iomraidhean Croise

1 GRAWNG BEEN 16:21

Nawh Cao ang lai kieh pui tix kaux kawx nunai map grham ka kix, mawh heue, Nawh Cao hoik sidiex gau ka simiang khankix kheu jao kix,

LIH HU 10:3

Mawh kheu nan, Mose mai Arun hoek ka Pharaw ah nin, “Mawh kheu Siyiex ceu pui Hebrie khankix ah nin maix ang cu ti deuh rhawm tiem sivoe ngai Aux, sang rheung miex ding? Kieh pui Aux lih hu, sonsang krub kix ka Aux.”

LIH HU 9:17

Tokaux maix kawn kiien rhawm mai nunai ka pui Aux mai ang ploi kix hu.

ISAYAX 16:6

Ex hoik mhong krax pa ting rhawm pui haktiex Mawbax, nawh mawh pa kied ting rhawm, ka daux pa lhaong rhawm nawh mai ka daux krax pa song rhawm nawh mai lox pie lhen nawh khankix tak ang lai pon ti mawh tidtix heue.

YERAMIX 12:14

Siyiex ah nin, “Ka piang pui caox caig paox plawg Aux khankix pa krox teeh ka sinngao, pa hoik tawx Aux ka pui Aux ceu pui Isarelax khankix pon tix cie, jhak heue, Aux tak sang reeig kix lih khaing daux tiex cie kix mai reeig nyiex ma pui Yudax lih khaing daux sinax kix heue.

YERAMIX 48:14

Pex tak sang pon ah, ex mawh pa kied ting riang rao mai mawh pui pa kaux cong son naing yuh ka mawx lie?

YERAMIX 48:29

Ex hoik mhong ka koe min ting rhawm Mawbax mai ka daux pa kied ting rhawm nawh mai krax pa ca nyhau nawh, ka daux pa koe min tix mai pa kied blon lhaong rhawm nawh heue.”

YIIEM DOE 1:9

Krax pa seeing nawh hoik koe ka piang sibex dhah nawh heue. Nawh ang lai keud ka dee sidah ju tix, mawh kheu nan, krax pa laux leeing nawh hoik mawh pa daox am pui ka mai nawh ang lai koe cao pa tawx krax nyawm rhawm pie tix kaux kawx heue. Siyiex eue, jhak ka krax pa kha rhawm aux liak! Mawh kheu pui koeng hoik tang yaw tokaux cao tix heue.

YEZAKELAX 25:6

Siyiex ah nin, mawh kheu dieh pex taix caong tix mai koe krax gaux rhawm tau mai pa boh rhawm boh rhi tix ka haktiex Isarelax,

DANYELAX 4:37

Yam in, aux Nebukhaneza hoik tawx krax pa yaogyaw bwanson mai krax pa yungyi nab yam tix ka simiang daux raoma mai can kaing pa yuh Nawh khankix mawh ceu pa mawh meh khawmuik mai daux krax Nawh khankix kawx, mawh pa rahsee heue. Can pui ankix pa hu ka daux krax ting rhawm khankix, Nawh Cao pon yuh ti kieh tiem tom hoek ka plak greem heue.”

AWBADIX 1:11

Ka daux singaix yam cung maix ti ot ka praok plak an ka daux singaix yam hoik teei pui tang ceu khankix sinngao Yakop hu yam hoik laig pui tang ceu khankix ka daux siviex veng nawh mai yuh nieb ka son veng Yerusaliem maix kawx hoik mawh pa awm pui ankix heue.

AWBADIX 1:3

Maix pa ot ka daux doh rang khankix, pa yuh dee ot dee koe tix ka dee pa lhaong khankix eue, Maix ah nin ka daux rhawm tix, mawh pui mawx pa tak sang pon bluh aux lih ka piang tiex lie? Krax lhaong rhawm maix hoik deeh pie lhen ti ih maix heue.

ZEPHANIX 2:8

Aux hoik mhong lox salao ceu pui Yudax mai grawng pa tang ceu pui Amon phimap, ka pa hoik salao kix ka pui Aux khankix mai ah lox ting ca nyhau mai laig baox ka mee haktiex kix heue.

1 PETRUX 5:5

Awm an pex pa awn ju khankix eue, kieh cu nghiet ka kuad song ceu cao heue. Lheu khaing an, pex khawmuik rawd nyoi tix ka pa awn rhawm ti sang yuh son paox tix, tix kaux lai tix kaux, mawh kheu, “Siyiex tiebtie ka pui pa ting rhawm, viang mawh nan Nawh tawx bwanson ka pui pa awn rhawm heue.”