ZEPHANIX 2:1 - Wa Common Language Translation

¹ Pui pa ang tawng ti kaig tua khankix eue, khrawm pex tau heue.

ZEPHANIX 2:1 Iomraidhean Croise

2 GRAWNG BEEN 20:4

Mawh kheu nan, pui Yudax khankix hoik khrawm paox tix sonsang rawg mhaing kix krax teem khaing Siyiex mai pui khaing veng meung Yudax khankix khawmuik, hoek sawg ka Siyiex heue.

NEHAMIX 8:1

Yam hoek ka daux khix aliah, kawn praix ceu pui Isarelax khankix hoik ot ka daux veng cao kix heue. Yam an pui hun khawmuik kraix khrawm paox tix tau awm pui tix kaux, ka daux bing pak pa koe plak sivoe siviex rawm mai kix nhie Ezarax cao tiiem lai viex phuk lai lox tat jhawm prawng Mose pa hoik tawm Siyiex ka ceu pui Isarelax khankix hoek heue.

NEHAMIX 9:1

Yam hoik hoek khix in tixnga pon ngaix, kawn praix ceu pui Isarelax khankix krawk khrawm paox tix ot tau mai tawx pa ih mai ceep ka man chee rhix mai rhuat phawng tiex piang kaing tix heue.

ISATA 4:16

“Hu heue, kraix khrawm ceu pui Yudax pa koe ka daux veng Shushan khankix mai twah pa ih son aux, paw ih paw nyaux son daux loe ngaix loe sawm, kawncau bun aux khankix mai aux kawx tak twah ka pa ih awm an mai khaix an aux tak hu ka simiang, ka daux krax pa tieh feen been, mai phan mawh pa yum, aux tak kham tix yum ka.

YERAMIX 3:3

Mawh kheu nan, lhiex ang lai lih mai rawm lhiex kawx ang koe ka heue. Maix mawh pa koe dong re bun coh kaux maix hoik thiang ka ceu pa kaig tua heue.

YERAMIX 6:15

Siyiex ah nin, “Mawh hoik kaig kix khaix yuh tix ka ceu pa seeing brai lie? Ang mawh, kix pon ang koe krax kaig ceeix kawx, mai kix ang tawng tix laux pakngai heue. Mawh kheu nan, kix tak goh piang paox tix, tix kaux lai tix kaux, yam tawx Aux krax kham krax geu ka kix mai kix tak hoek ka daux pa yeen kix tiem heue.

YOLAX 1:14

Pex tat ti deuh singaix pa singax singeh mai twah pa ih, krai pao pawie pa singax singeh, kraix khrawm kuad song mai khawm can pui pa ot ka daux hakiex khawmuik, laig ka daux nyiex bwan Siyiex, pa mawh Siyiex pex mai kok yo ka Siyiex heue.

ZEPHANIX 3:5

Siyiex mawh pa rahsee, ka daux sigreung nawh, Nawh Cao ang yuh krax pa ang rahsee tix ceu kawx, ka daux plak ponngawb ku ngawb, Nawh Cao jhi krax pa rahsee tix sidawng mai ang koe ngaix tang siyox, viang mawh nan, pui pa ang rahsee ang tawng ti koe krax kaig tua heue.

ZAKHARIX 11:8

Aux hoik pluat ti tik cao liang yung khankix loe kaux, ka daux tix khix heue. Rhawm rhi Aux hoik meu ka kix mai rhawm rhi kix kawx, hoik seeing ka Aux heue.

MATHIEX 18:20

Mawh kheu ka dee khrawm pui ra loe kaux, ka daux ceu kaux Aux, Aux tak ot sinax kix heue.”