ZEPHANIX 1:7 - Wa Common Language Translation

⁷ Ot yiien yawg ka plak sivoe ngai Siyiex, grawh grawng nawh, singaix Siyiex hoik dex hoek, Siyiex hoik khre rien krax pa appong, Nawh cao hoik kieh nyo sinie pa ghaok tix hoek khankix singax heue.

ZEPHANIX 1:7 Iomraidhean Croise

YAWBAX 24:1

“Bawg yam khankix ang mawh pa ang mox khaing cao pa ting sibrawm, yuh ka mawx pui khankix pa tawng ka Nawh Cao, ang yaox ka singaix prawng Nawh Cao see lie?

YAOGYAW 46:10

Ot yiien yawg mai kieh pex tawng, grawng mawh Aux Siyiex awx. Aux mawh Siyiex pa ting sibrawm piang kawn pui mai piang haktiex khawmuik heue.

ISAYAX 13:3

Aux hoik tawm lox ka pui pa hoik singax yuh Aux khankix, Aux hoik baox deeh kok ka can pui pa koe rhawm cong rhawm kwa son krax pa song rhawm song rhi aux, ka can pui an kix, pa koe krax gaux rhawm ka daux krax pa ting lhaongheue.

ISAYAX 13:6

Yiiem yo heue, mawh kheu singaix Siyiex hoik dex, an tak sang hoek, awm krax pa laux leeing pa ciyang cao pa ting sibrawm heue.

ISAYAX 2:12

Grawh grawng nawh, singaix Siyiex cao kru naing raoma, tak hoek ka piang kuceu, pa ting rhawm mai pa lhaong jhak pa tak yaox tix ka piang kuceu mai tak kieh mawh pa tiem.

ISAYAX 29:2

Aux tak kieh veng Arelax khi rhawm, laux rhawm mai ngia ngheeik mai veng an tak awm veng Arelax sivoe ngai Aux.

ISAYAX 34:5

Mawh kheu vaig lawm Aux, hoik nyaux tom sak ka piang raoma, jhak heue, an lih hoek sonsang ci yang ka Edommai ka piang pui pa jhax lawg Aux ka.

ISAYAX 34:6

Vaid lawm Siyiex hoik sak ka nham mai hoik kluing ka klon bee mai ka nham kawn yung mai pex mai ka klon bee sok lax yung mhaing. Mawh kheu Siyiex yuh krax tan pa appong ka veng Bawzarax mai yuh krax pah pa kied ting ka Edom.

ISAYAX 6:5

Khaix an aux ah nin “Krax kha rhawm koe ka piang aux, krax keud pot ang lai koe son aux, grawh grawng nawh, aux mawh pui pa ang singax siyieb jheeh tix kaux, mai aux ot sinax pui tix cub pa ang koe krax pa singax siyieb jheeh, mawh kheu ngai aux hoik yaox ka Simiang, pa mawh Siyiex cao kru naing raoma heue.”

YERAMIX 46:10

Mawh kheu singaix in mawh singaix Siyiex Cao kru naing raoma, singaix pa deeh pawk bix, sonsang pawk Nawh Cao bix tix ka pui koeng Nawh khankix, lawm vaig Nawh kiied tix ih tom sak mai nyaux tom yoek ka nham kix heue. Mawh kheu Siyiex Cao kru naing raoma, hoik yuh krax tan pa appong ka haktiex plak laong, hawt rawm klawng Yupharitix heue.

YEZAKELAX 7:10

Jhak heue, singaix an, jhak heue, singaix an hoik hoek heue. Krax ciyang maix hoik hoek, khaox gix pa hoik pruh tai, pa ca nyhau ting rhawm hoik naog hoik kreh heue.

YEZAKELAX 7:7

Pex pa ot ka daux haktiex in khankix eue, krax ciyang hoik bleeh ka pex heue. Bawg yam hoik hoek, singaix krax pa kha rhawm an hoik dex mai ang lai mawh pa ah lox gaux rhawm ka piang gawng lua khankix heue.

YOLAX 1:15

Koe krax kha rhawm ka singaix an heue. Grawh grawng nawh, singaix Siyiex hoik dex heue. An tak sang hoek awm krax pa laux leeing khaing cao pa kied ting sibrawm heue.

YOLAX 2:11

Siyiex tawx lox tix, plak sivoe cub kru naing Nawh Cao, kheu mawh cub tab Nawh pa kied ting lhaong heue. Pa pon hawt ti yuh awm gumlox tawx Nawh Cao mawh kaw pa ting sibrawm heue. Grawh grawng nawh, singaix Siyiex mawh pa ting lhaong mai mawh pa kied koe krax lhat kah, mawh pui mawx pa pon thiang kah lie?

YOLAX 2:31

Singaix tak tieh loh ti mawh pa faik mai khix tak deeh tieh ti mawh nham, sivoe sang hoek singaix pa ting lhaong Siyiex mai singaix pa koe krax lhat graung kah heue.

AMOT 6:10

Yam teei paox nyiex kaw pa yum an ti gleeing tokaux yum an khankix mai pui pa sang gah tokaux yum an khankix lih khaing daux nyiex, nawh tak chawk ka pui pa ot ka daux nyiex ah nin “Mawh kawn koe pui tix kaux kaux mai maix lie? “Khaix an, nawh tak ah nin “Ang lai koe pie tix kaux kawx heue. “Nawh baox ah nin paw lai nye, grawh grawng nawh, ex ang lai koe akhwang ti krai ceu kaux Siyiex heue.

AMOT 8:3

Siyiex ah nin, “Lox lai rhax daux nyiex bwan, lox pa riag yo ka daux singaix an. Tak koe tokaux yum pui tom nie ku dah ku dee, kix tak sang tik an kix lih ka dee pa hoik yiien pui heue.”

HABAKUK 2:20

Siyiex ot ka daux nyiex bwan singax singeh Nawh Cao heue. Kieh pui haktiex khawmuik ot yiien yawg tix ka plak sivoe Nawh Cao heue.”

ZEPHANIX 1:14

Singaix pa ting lhaong Siyiex hoik dex, hoik dex mai kied phai, mawh lox satang Siyiex, pui pa ting riang rao khankix tak sang riag yo lox tix ka daux singaix an heue.

ZAKHARIX 14:1

Jhak heue, singaix Siyiex hoik dex hoek mai kraung pa tud rhim maix khankix, tak sang mawh pa hoik gwieh tix ka daux sinax pex heue.

ZAKHARIX 2:13

Can pa koe nex koe nham khankix eue, Koe krax pa yiien yawg, ka plak sivoe ngai Siyiex, mawh kheu Nawh Cao hoik yaog ti kaoh khaing dee ot pa singax singeh Nawh Cao heue.

MALAKHIX 4:1

“Jhak heue, Singaix an dex hoek mai awm ngu pa rup ka daux glah ngu mai can pui pa ting rhawm ting rhi an kix khawmuik, pa yuh kaing ceu pa caox caig, tak sang mawh nyhee pa kroh kroing. Singaix pa sang hoek an, tak gleeing ti tik kix, ang lai deuh khawm num khawm rao heue. Siyiex cao kru naing raoma ah nan heue.

MATHIEX 22:4

Nawh baox deeh ploi kawncau nawh tang kaux ah nin, krai ka kix pa hoik ghaok, aux hoik cox khre pa ih mai hoik pah mawie, tobrie pa kluing khankix mai hoik cox khre ti deuh kuceu, hoek ih pawie ku paox liak.

ROMAX 3:19

Ex tawng grawng can pa ah lox lai beenli, sang ah ka kix pa ot greem lox lai beenli. Kheu sonsang thox jheeh ku mu mai sonsang viex pui haktiex khawmuik hoek greem pa prawng ca Siyiex heue.

ROMAX 9:20

Pui pa deeh pawk lox thiang ka Siyiex, “Siyiex eue, maix mawh mawx?” Ceu pa hoik phan hoik yuh, tak sang ah ka Kaw pa phan pa yuh tix, “Maix lai yuh aux awm in yuh ka mawx lie?”

PHILIPPIX 4:5

Ceu pa awn rhawm pex kieh pui khawmuik tawng kah heue. Simiang Siyiex ot dex heue.

KAWLAWSIE 1:12

yaogyaw bwanson Keeing Cao, Kaw pa hoik yuh ex mawh pa keung ti rom ti pon sin pui pa singax singeh ka daux pa riang,

1 SAMOELAX 16:5

Samoelax pawk ah nin, “Hoek daux pa nhim, aux hoek sonsang yuh krax tan ka Simiang Siyiex, kieh tokaux pex singax mai hoek ka aux, ka dee yuh krax tan.” Nawh yuh kieh Yessie mai kawn simex nawh khankix singax mai ghaok kix hoek ka krax tan.

1 SAMOELAX 20:26

Mai Sawlux ang lai ah lox tidtix ka daux singaix an, mawh kheu hoik keud nawh, Tee koe grawng tix ceu ka Davit, nawh tee ang singax, nawh tee ang singax.