ZEPHANIX 1:16 - Wa Common Language Translation

¹⁶ singaix pa phlu teettawng mai krax pa riag yo lox tix puing ka veng pa hoik kaux cong khankix mai ka nyiex pau pa lhaong khankix heue.

ZEPHANIX 1:16 Iomraidhean Croise

ISAYAX 27:13

Ka daux singaix an tak phlu lox teettawng pa ting sinum mai kix pa tak sang grai grup ka daux haktiex Asurix khankix mai kix pa hoik tik vud tix ka daux meung Ejiptux, tak bleeh tix hoek mai kix tak krup Siyiex ka piang gawng singax singeh pa koe ka daux veng Yerusaliem heue.

ISAYAX 32:14

Mawh kheu nyiex haw tak tik grham tix, veng pa khu pui kawx tak riem, grawng Awphelax mai nyiex tab lhaong, tak riem leeing ju mai mawh dee gaux rhawm la tiag mai mawh tiag rib ka son yung khankix.

ISAYAX 59:10

Ex pupi ti sawg ding nyiex awm pui pa dug ngai, awm ang ex koe ngai heue. Ex sideeing tix ka bawg yam jung singaix, awm bawg yam faik praix. Ex awm pui pa yum ka daux sigreung pui pa kluing pa bee khankix heue.

YERAMIX 6:1

Pex pa mawh kawn praix Benyamin khankix eue, khrawm paox pex to khaing sigreung veng Yerusaliem sonsang glawd tix heue, phlu teettawng ka daux yaong Tekaw mai yaog ti deuh rong ngu mhai rug ka daux yaong Biethararim, mawh kheu pa caox caig mai khawm krax laux leeing pa kied ting lhaong hoek khaing plak laong heue.

YERAMIX 8:16

Mhong lox bhawm sileet brung meeh tix tom khaing haktiex Dan an heue. Haktiex khawmuik hoik sikua rhawm ka mhong tix lox riag brung pa kied ting riang an heue. Grawh grawng nawh, kix hoik hoek mai bleet tix ih haktiex mai can pa koe ka daux an khawmuik, khawm veng mai pui pa ot ka daux an heue.”

YEZAKELAX 7:7

Pex pa ot ka daux haktiex in khankix eue, krax ciyang hoik bleeh ka pex heue. Bawg yam hoik hoek, singaix krax pa kha rhawm an hoik dex mai ang lai mawh pa ah lox gaux rhawm ka piang gawng lua khankix heue.

HOSE 5:8

Phlu teet luah ka daux veng Gibax mai phlu teettawng luah ka daux raoma, Riag yo lox tix ting lhaong ka daux veng Bietavin, ceu pui Benyamin eue, “Deeh jhak ka plak khaix maix heue.”

HOSE 8:1

Phlu teettawng ka jheeh maix heue, pui koeng tak sang hoek awm klang krih mai puing ka nyiex Siyiex, grawh grawng nawh, kix hoik lud ka gumlox sijax mukheu aux mai hoik deeh tieh feen ka lox beenli Aux heue.

YOLAX 2:1

Phlu teettawng piang gawng Zion mai lox sinum pa tawx satix piang gawng singax singeh Aux heue. Kieh pui pa ot ka daux haktiex koe krax si yaung khawmuik heue. mawh kheu singaix Siyiex hoik hoek mai hoik dex heue.

AMOT 3:6

Phan teettawng hoik phlu tix ka dau veng, khex ang pui khankix yaoh yeu kah lie? Phan preng krax kha rhawm hoek bleeh ka daux veng tix veng, khex ang mawh pa yuh Siyiex lie?

HABAKUK 3:6

Nawh Cao cung mai kieh haktiex yung yiang, Nawh Cao jhak mai kieh ceu pui kuceu sikua heue. Gawng lua pa koe sijheung hoik bih hoik laux, ton pa kaux sijheung hoik grhup heue. Daux krax pa yuh Nawh mawh pa awm paox tix leeing ju heue.

PINGNYAP 28:52

Kix tak lai lawm ka maix hawt diang siviex maix, tom hoek bawg yam grhup guh veng pa lhaong pa kaux pa cong maix, ka piang tiex khawmuik, ka dah dee pa een maix rhawm tix ka mai kix tak lai lawm maix hawt diang siviex veng pex, pa koe ka daux haktiex pex, ka dee pa hoik tawx Simiang Siyiex pex ka maix.

YAWSUX 6:20

Mawh kheu nan pui khankix yo lox tix mai phlu teettawng. Yam hoik mhong pui ka lox teettawng mai pui yo lox tix tau mai pa kied ting sinum, guh veng khankix hoik khrup khawmuik heue. Khaix an pui khankix hu laig ka daux veng ku kaux daux pui, see ka plak sivoe mai kix hoik rhim ti teei veng an heue.