ZEPHANIX 1:13 - Wa Common Language Translation

¹³ Kraung cie kix, tak sang mawh kraung pa sang tud rhim pui ti teei mai nyiex ma kix, tak sang mawh dee yiien hu pui heue. Kix tak sang sum nyiex, viang mawh nan, ang yaox ti ot ka dau nyiex ankix, kix tak sum sipeem plix siiet khankix, viang mawh nan, ang yaox ti nyaux ka rawm plix siiet heue.

ZEPHANIX 1:13 Iomraidhean Croise

ISAYAX 6:11

Khaix an aux ah nin, “Siyiex eue, Mawh sang rheung miex grheung lie? “Nawh deeh pawk lox ah nin, “Hoek tom bawg yam mawh veng khankix pa som nai mai hoek tom yam ang cao pa ot lai koe mai nyiex khankix mawh pa ang pui lai ot kah pie tix kaux kawx, haktiex hoik mawh pa yiien,

YERAMIX 15:13

Sinngao kraung khrai maix khankix Aux tak sang tawx ka pui tud rhim ka daux pa ang koe ngawh koe jum, phimap pa yuh maix khawmuik, ka daux haktiex dee kwang maix khankix heue.

YERAMIX 17:3

Gawng aux pa koe daux tiag khankix eue, Aux tak tawx krax magmi maix mai sinngao maix khankix mai dee lhaong pa lud maix, pa koe ka mee haktiex maix khawmuik ka tawm taix pui tud rhim heue.

YERAMIX 4:20

Riag yo lox ti ah nin, krax pa laux leeing piang pa laux leeing, haktiex khawmuik khawm leeing mawh pa hoik laux leeing heue. Nyiex gox aux khankix kawx hoik laux leeing sijaox mai man tieb aux khankix mawh pa hoik laux leeing dom mawx dom an heue.

YERAMIX 4:7

Sivai sangsi hoik lih khaing daux yeem ot tix mai pui pa sang yuh krax laux leeing haktiex khankix, hoik hoek hawt krax. Nawh hoik lih khaing dee ot tix, sonsang yuh haktiex ot maix mawh pa yiien hu pui ka heue. Veng pex khankix tak mawh pa hoik laux leeing tom ang pui pa ot lai koe ka heue.

YERAMIX 5:17

Kix tak teei ti ih plix nghox plix koi can pa vawg maix mai khawm blah pa sang ih kawn simex kawn bun maix ka. Kix tak teei ti ih cub yung cub mawie maix khankix, kix tak ih nhu plix siiet khawm gawng khaox ruh maix, kix tak yuh veng pa kaux cong pa een maix rhawm tix ka laux leeing ka vaig heue.

YERAMIX 9:11

Aux tak kieh veng Yerusaliem mawh pum nyhee mai dah dee ot sox praix khankix heue. Aux tak kieh veng Yudax mawh dee yiien mai ang koe pui pa ot ka pie tix kaux kawx heue.”

YERAMIX 9:19

Mawh kheu hoik mhong ka lox yiiem grai khaing veng Zion ah nin, “Ex nieb hoik yaox krax tud rhim pa laux leeing yuh nin lie? Ex hoik yaox krax kaig tua pa kied ting lhaong, mawh kheu hoik tik vud ex ka haktiex mai mawh kheu hoik yieh pui ka dee ot ex khankix heue.”

YIIEM DOE 5:2

Sinngao yix hoik deeh veeh ti hu ka ceu pui tang ceu khankix mai nyiex ma yix hoik deeh veeh ti hoek ka daux tawm taix pui tang meung khankix heue.

YEZAKELAX 22:31

Mawh kheu nan, Siyiex ah nin, Aux klup krax song rhawm tix ka piang kix, Aux tak gleeing kix ka ngu pa meet rhawm tix, aux deeh kieh phimap kix hoek ka piang kaing kix heue.

YEZAKELAX 7:19

Kix tak tik mau tix ka piang krax mai khri cie kix tak awm pa seeing brai heue. Mau kix mai khri kix tak ang lai deeh pon taoh kix, ka daux singaix lih pa song rhawm Siyiex heue. Kix ang pon kieh ju tix koe kra pa fah rhawm mai ang lai pon kieh vaig tu tix sak heue. Mawh kheu an hoik lih mawh phimap pa sang sideeing kix tix ka heue.

YEZAKELAX 7:21

Aux tak tawx an kix ka daux tawm taix pui tang praix mai ka pui pa caox caig awm kraung pa tud rhim mai kix tak seeing ka an heue.

YEZAKELAX 7:24

Mawh kheu nan, Aux tak sang viex pui pa kied caox khankix hoek mai pui an kix tak sang rhim ka nyiex ma pex mai kieh pui pa ting rhawm rhi mai pui pa ting riang khankix grai mai kieh dee pa singax singeh kix mawh pa seeing brai heue.

AMOT 5:11

Mawh kheu dig pex pui hot shia mai rhim ti teei gha nghox koi khaing kix, viang pex hoik sum ti ot nyiex ka lon simaox pa hoik saik tix kawx mai pex tak ang lai yaox ti ot ka daux ankix, viang pex hoik sum ti cie sipeem plix siiet pa mhawm kawx mai pex tak ang lai yaox ti nyaux rawm plix siiet ankix heue.

MIKHA 3:12

Mawh kheu jao grawng pex, gawng Zion tak sang mawh pa thai tix awm gwang kaung tix gwang, veng Yerusaliem tak sang lih ti mawh pum tiex pa laux leeing mai gawng nyiex bwan in tak sang awm gawng daux tiagtu heue.

MIKHA 6:15

Maix tak rhuat simie mai ang yaox ti vawg maix biiet plix khaox sanlun khankix mai ang yaox ti awt tokaux tix ka rawm bee mai biiet rawm plix siiet kawx ang yaox ti nyaux ka rawm plix siiet heue.

ZEPHANIX 1:9

Ka daux singaix an, Aux tak sang tawx krax pa kham geu ka kix khawmuik, pa yaox ti luan khaing daux diang siviex mai pa naog yuh nyiex simiang kix ka krax pa lang teung kin mai ka pa pie lhen khankix heue.

PINGNYAP 28:30

Viang maix hoik teei ti koe moeng kawx, pui tang kaux tak it tau mai nawh, viang maix hoik sum sipeem plix siiet kawx maix tak ang yaox ti ih plix khankix,

PINGNYAP 28:39

viang maix sum sipeem plix siiet mai priex rien mhawm mhawm kawx maix tak ang yaox ti nyaux rawm plix siiet mai ang yaox ti khrawm, grawh grawng nawh viag tak ih ankix.

PINGNYAP 28:51

Mai kix tak ih tobrie eei maix mai plix khaox pa lih ka daux haktiex maix khankix, tom hoek maix krax laux leeing, nghox koi ang ah, rawm plix siiet pa khraox ang ah, rawm bee ang ah mai can tobrie pa eei maix ang ah mai kawn yung kawn mawie maix ang ah, kix tak ang lai prah maix cie tom sidah hoik yuh maix laux leeing.