ZEPHANIX 1:12 - Wa Common Language Translation

¹² Ka daux bawg yam an, Aux tak sang viex kawk ngu hu jiang ti yaox ka veng Yerusaliem mai Aux tak tawx krax kham geu ka pui khankix, pa hoik vu vie ti ot ka dah dee pa seeing brai khankix mai pa ah nin ka daux kix, Siyiex tak sang tawx bwanson mai ang tawx ceu pa caox heue.

ZEPHANIX 1:12 Iomraidhean Croise

YAWBAX 21:15

Cao pa ting sibrawm pa sang yuh yix kaing jhaw Nawh Cao mawh pui mawx lie? Phan ex rawg bwan ka Nawh Cao sang pon ex bwan ceu patix?

YAOGYAW 10:4

Pui pa ang rahsee khankix, keud daux rhawm ti ah nin, “Nawh Cao ang lai deeh teei, ” Kheu ang Siyiex koe heue.

YAOGYAW 14:1

Pui pa daox pa aw khankix keud ti ah nin ka daux rhawm tix, “Ang Siyiex koe, ” Mai kix mawh pui pa hoik cux sium mai yuh pa seeing brai heue. Pui pa yuh pa mhawm ang koe tix kaux kawx.

YAOGYAW 94:7

Kix ah nin, “Siyiex ang yaox mai Siyiex ceu Yakop ang lai deuh tix tawng heue.”

ISAYAX 5:19

pa ah nin, kieh Nawh Cao sigleeig ti yuh ka kaing jhaw cie Nawh Cao phai, son tak sang pon ex ti yaox an mai kieh krax pa keud pa sawn Siyiex Cao pa singax ceu pui Isarelax tix kaux an, greed hoek dex, sonsang pon ex ti tawng ka ceu an heue.”

YERAMIX 10:5

Ankix mawh pa jung tix awm khaox jhie yaong mai ang chix sikah, ang chix tang hu, lo tix klawm kix hu heue. Paw lhat graung ka ankix, mawh kheu ankix ang pon yuh pa caox mai ang pon yuh ceu pa mhawm tix ceu kawx heue.”

YERAMIX 48:11

Haktiex Mawbax hoik dawg koe pa yiien yawg tom yam kawn awn ju nawh, Nawh hoik tang sum ti ot piang riang rao cao ti mai ang lai yaox ti lih hu ka daux pa mawh tix pa giex laung heue. Mawh kheu nan, jhawm nawh kawn deuk ka daux nawh mai pa sioe bhawng nawh ang lai tieh loh tix heue.”

YEZAKELAX 8:12

Khaix an Nawh hoik ah nin ka aux, “Kawn pui eue, mawh hoik yaox ka ceu pa yuh kuad song nyiex ma ceu pui Isarelax an khankix ka daux pa faik, ka daux lawg koe riang grang krub cao tix khankix lie? Mawh kheu kix ah nin, Siyiex ang yaox ex, Siyiex hoik tik hoik vud ka haktiex heue.”

YEZAKELAX 9:4

mai Siyiex ah nin ka nawh, “Hu laig ka daux sigreung veng Yerusaliem mai tawk cum ka piang dong re kix, pa ngia ngheeik mai pa hoik yuh tix ka daux veng heue.”

YEZAKELAX 9:9

Khaix an Nawh Cao ah nin ka aux, “Phimap phighram nyiex ma ceu pui Isarelax mai ceu pui Yudax khankix, mawh pa kied ting lhaong mai haktiex hoik mawh pa naog ka nham mai veng hoik naog ka pa ang lai kaux sijax mai kix ah nin, Siyiex hoik tik vud ka haktiex mai Siyiex ang lai jhak ka heue.”

AMOT 6:1

Pa ot nyawm nyiem ka daux veng Zion mai pa een rhawm tix ot kaux cong ka gawng Samarix, ka kaw pa ting min khankix, pa mawh cao kaing ting ka daux ceu pui, ka pa peung nyiex ma ceu pui Isarelax khankix kah, tak koe krax kha rhawm heue.

AWBADIX 1:6

Dee pa glip Esaw tak lai pon yaox yuh ka mawx? Kraung sinngao pa hoik mox nawh ti deuh khankix, tak lai chix pon hoe ti lih yuh ka mawx?

MALAKHIX 2:17

Pex hoik lak lheut Siyiex ka gumlox sikah pex. Pex kawn ah nin, “Mawh hoik lak lheut yix Nawh Cao ka daux grawng ceu patix lie? “Ka daux grawng an pex ah nin, “Can pui pa yuh ceu pa caox, mawh ceu pa mhawm ka plak sivoe ngai Siyiex mai Nawh Cao koe krax khaw rhawm ka daux kix heue. Phan ang mawh nan, Siyiex pa rahsee koe dee mawx lie?”

2 PETRUX 3:4

ah nin, “Lox mukheu grawng pa sang hoek Nawh koe dee mawx? Grawh grawng nawh jah ka singaix pa tax du khankix pa hoik laig it, kuceu khawmuik ca kawn mawh awm yam jah ti phan ti yuh heue.”

PLAK JHI 2:23

Aux tak teei kawn praix kiex yum ka krax yum mai ceucao khawmuik tak tawng grawng mawh Aux kaw pa sawg liiem plak daux pui khawmuik mai daux rhawm rhi mai Aux tak sang tawx pex kaux pui mawx kaux pui an, awm pa khaw mai krax pa twah klaung tix heue.