ZEPHANIX 1:11 - Wa Common Language Translation

¹¹ Pex pa ot ka baoh haktiex Matesha khankix eue, koe krax pa riag yo kah heue. Grawh grawng nawh, cao lai geu meung Khanan khankix khawmuik hoik grai, pui ankix khawmuik pa viex mau kawx, hoik mawh pa tat ti tik heue.

ZEPHANIX 1:11 Iomraidhean Croise

YAWBAX 27:16

viang nawh pum tix priex mau awm phawng tiex mai khrawm ti deuh kraung ceep awm glaox kawx,

YAWBAX 27:17

viang nawh khrawm ti deuh an khankix kawx, pui rahsee tak sang ceep ka mai pui pa ang koe dee lud tak sang gwieh tix cai ka mau an heue.

YERAMIX 25:34

Cao pa liang yung khankix eue, yiiem grai riag yo heue. Pex pa mawh cao thong cao bung ka cub phung yung khankix eue, lu lieh pex ka daux nyaox. Grawh grawng nawh, bawg yam singaix pa sang pah ka pex mai singaix pa sang prung prang rairuat pex hoik grum hoik naog; pex tak sang goh awm kawn yung mhaing pa mhawm kluing tix mu heue.

YERAMIX 4:8

Mawh kheu grawng in, ceep ka kraung chee rhix mai yiiem riag yo ka heue. Grawh grawng nawh, krax pa kied song rhawm Siyiex ang nyang bax luan hu khaing ex heue.”

YEZAKELAX 21:12

Kawn pui eue, yiiem grai mai ngia ngheeik ka, mawh kheu in mawh grawng pa sang yuh pui Aux khankix laux leeing mai yuh laux ka cao kaing cao kap pui Isarelax, ceu pa lhat graung khaing vaig an tak hoek ka piang pui Aux, mawh kheu nan tub ka ba viang heue.

HOSE 9:6

Jhak heue, kix hoik lih hu khaing pa laux leeing, pui meung Ejiptux tak sang deeh kha rhawm ti deuh kix, pui veng Miemphi tak sang sipaung kix heue. Pang kat heeik khankix tak kheem piang mau pa koe ngawh jum kix, pang kat khankix tak sang koe ka daux nyiex gox kix heue.

YOLAX 1:13

Cao giex kaing li khankix eue, rawd nyoi pex ka man chee rhix koe krax khi rhawm mai yiiem heue. Pex pa yuh kaing jhaw ka plak sivoe khu dee tan khankix eue, koe krax riag yo heue. Hoek mai ceep man chee rhix it leeing sawm, mawh kheu krax tan phawng nghox ca im mai krax tan pa nyaux mawh pa hoik jud khaing daux nyiex bwan Siyiex pex heue.

YOLAX 1:5

Pui pa nyaux tom yoek tix khankix eue, siduad mai yiiem heue. Pex pa brax nyaux rawm plix siiet khankix eue, riag yo heue, kheu rawm plix siiet pa khien hoik jud khaing daux jheeh pex heue.

ZEPHANIX 2:5

Pui ankix pa ot hawt praok rawm sigrit sigra, pa mawh ceu pui Kheratix khankix eue, koe krax kha rhawm heue. Haktiex Khanan pa mawh haktiex dee ot pui Philitix khankix eue gumlox Siyiex tieh feen ka pex ah nin, Aux tak sang yuh maix laux leeing, son ang pui lai ot tan tix kaux kawx heue.”

ZAKHARIX 14:21

Can aw tawng pa koe ka daux veng Yerusaliem mai haktiex Yudax, tak sang mawh pa singax singeh ka son Siyiex cao kru naing raoma heue. Can pui pa hoek ti tan krax pa appong tix, tak sang hoek teei ankix mai ngaik nex ka daux ankix heue. Ka daux singaix an, pui Khananix, tak ang lai koe tix kaux kawx ka daux nyiex bwan Siyiex cao kru naing raoma heue.

YOHAN 2:16

Nawh ah nin ka pui pa coh sikaux khankix, “Teei ceu in lih heue, paw kieh nyiex Keeing Aux mawh dee coh kraung”

YAKOP 5:1

Pui pa mi pa koe khankix eue, hoek yam in mai yiiem grai mai riag yo, kheu ceu pa kha rhawm khankix pa tak sang hoek ka piang pex heue.