ZAKHARIX 9:9 - Wa Common Language Translation

⁹ Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

ZAKHARIX 9:9 Iomraidhean Croise

1 SIMIANG 1:38

Cao giex kaing li Zadok mai cao jhai Natan mai Beneyax kawn simex Yehawyadax mai pui Kheretix, pui Peletix lih hu mai kieh Sawlamon brug piang law cie simiang Davit mai viex nawh hu ka veng Gihon heue.

YAOGYAW 149:2

Kieh ceu pui Isarelax gaux rhawm ka daux Cao pa phan pa deuh pex liak. Mai kieh pui Zion khankix gaux rhawm ka daux Simiang kix liak.

YAOGYAW 2:6

“Aux hoik deuh Simiang cie Aux, ka piang gawng Zion pa singax singeh cie Aux heue.”

YAOGYAW 45:1

Lai pa tiiem aux, ah lox rhax ka paox plak sivoe ngai Simiang, rhawm rhi aux kied naog krax gaux rhawm heue. Dak aux kawx sidaing chix ah awm gawng nameug pui pa chix tiiem lai tix kaux heue.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 30:6

Grawng plak jhi ka piang totiag pa ot baoh plak seh khankix mawh inkix heue. “Khaing daux haktiex pa koe krax kha rhawm mawh inkix, sivai sangsi mhaing, sivai sangsi shiang, siuing lung mai siuing ngu pa chix po khankix, hoik mawh pa kaoh khaing an heue. Kix tak tang ti viex kraung tix khankix ka piang blawg kawn la awn mai tang kraung sinngao tix ka piang ka la uk, hu ka pui pa ang pon tawx krax pa koe bwanson ka piang kix heue.

ISAYAX 33:22

Siyiex mawh cao prawng see ka ex, Siyiex mawh cao kwang ka ex, Siyiex mawh simiang ex, Nawh Cao tak taoh ex.

ISAYAX 40:9

Pui viex lox bwan mhawm hoek ka Zion eue, haok piang gawng lhaong, pui viex lox bwan mhawm hoek ka Yerusaliem eue, sau riang tix mai yo lox sinum, yo lox tix paw lhat mai ah nin ka meung Yudax, “Jhak ka Siyiex pex.”

ISAYAX 43:11

Aux mawh Siyiex, lheu khaing Aux, ang koe cao taoh.

ISAYAX 43:3

Aux Siyiex, pa mawh Siyiex maix, Siyiex pa singax singeh pui Isarelax, Aux hoik tawx meung Ejiptux, mawh ngawh riang taoh ka maix mai Ethiopia mai Sebax sonsang loh maix ka,

ISAYAX 45:21

Krai mai viex grawng see maix hoek, kieh kix ra lai teei krax keud ka paox tix, mawh pui mawx pa hoik krai grawng in khaing tom yam jah, Ang hoik mawh Aux pa mawh Siyiex lie? Lheu khaing Aux ang lai koe siyiex tang kaux tang hak, Siyiex pa rahsee mai cao taoh, lheu khaing Aux ang lai koe pui tang kaux tang hak.

ISAYAX 52:7

Pui pa krai pao krax pa nhim, pui pa viex lox bwan gaux rhawm ceu pa mhawm khankix hoek, pui pa pao grawng krax taoh, ah nin, veng Zion, Siyiex maix hoik mawh simiang pa kwang. Caong kix pa viex lox bwan gaux rhawm, mawh pa mhawm grang ti yaox ka piang gawng khankix miex ding!

ISAYAX 57:15

Grawh grawng nawh, cao dee lhaong mai cao pa kied lhaong, pa koe leeing ju, pa ceu kaux mawh pa singax singeh, ah nin, “Aux ot ka dah dee lhaong mai dee pa singax, ot tau mai pui pa koe krax pa kied laux rhawm mai pa koe rhawm awn rhawm tiiem, sonsang kieh khwan pa koe krax pa awn rhawm khankix deeh im ju mai sonsang kieh rhawm pui pa laux rhawm khankix deeh im ju heue.

ISAYAX 62:11

Jhak heue, Siyiex hoik krai pao tom hoek ka dee sidah sidu haktiex mai ah nin ka kawn bun veng Zion, cao taoh maix hoik hoek, jhak heue, totaix koe tau mai Nawh Cao mai krax pa deeh viex ti tawx koe ka plak sivoe Nawh Cao heue.

YERAMIX 30:9

Viang mawh nan, kix tak sang yuh kaing jhaw Siyiex, pa mawh Siyiex kix mai Davit, pa mawh simiang kix, ka pui pa tak sang yaog Aux ka son kix heue.

YEZAKELAX 21:32

Maix tak mawh khix taung ka ngu, nham maix tak ot ka daux sigreung haktiex, pui tix kaux kawx tak ang lai krai lox in heue.

HOSE 1:7

Aux tak sang koe krax caux rhawm ka nyiex ma ceu pui Yudax mai tak sang taoh kix ka Siyiex pa mawh Siyiex leeing ju kix mai ang mawh taoh kix ka ak mai ka vaid mai ka naing, ka brung khankix mai ka pui naing brung khankix heue.

MIKHA 4:8

Maix pa mawh nyiex pau dee lhaong cub phung yung khankix mai dee pa kaux cong ot kawn bun Zion eue, tak sang deeh hoek ka maix krax kwang krax pang pa dawg koe glang ka an, pa mawh meung haktiex kawn bun veng Yerusaliem heue.

MIKHA 5:2

Veng Bieliehiem, Epharat eue, viang maix mawh veng pa iak ka daux sinax veng meung Yudax khankix kawx, kheu cao giex kaing tak sang lih khaing maix tix kaux ka son Aux, pa sang mawh cao pa kwang ka daux ceu pui Isarelax, pa hoik dawg koe tom yam jah yam kaw dix heue.

ZAKHARIX 2:10

Kawn bun Zion eue, ah lai rhax mai koe krax gaux rhawm kah heue. Grawh grawng nawh, jhak heue, Aux hoik hoek ot ka daux sinax pex heue. “Siyiex ah nan heue.

MATHIEX 1:21

Nawh tak keh kawn Simex mai maix tak kok ceu kaux Nawh mawh Yesux,mawh kheu Nawh tak sang taoh pui cie Nawh khaing phimap kix heue.”

MATHIEX 11:29

Teei ti klawm khaox glawm Aux mai hoek ti gau ka Aux, kheu Aux koe rhawm pa awn pa tiem mai ju pex tak yaox dee laux lee tix heue.

MATHIEX 2:2

chawk ah nin, “Kaw pa hoik keh mawh Simiang pui Yudax koe dee mawx? Mawh kheu hoik yaox ex simuing Nawh lih plak lih singaix, ex tom hoek ti krub ka Nawh Cao heue.”

MAKUX 11:7

Kiex viex kawn la an hu ka Yesux mai teei kraung ceep tix sau piang kawn la an mai Nawh Cao ngawm piang la an heue.

LUKAX 24:27

Nawh Cao teei lox Phuk lai sigang khri khawmuik jah ka lai Mose, lai cao jhai khawmuik, plak tix nih nai krai lao grawh grawng tokaux tix heue.

YOHAN 1:49

Nasanilax baox pawk lox ah nin ka Nawh, “Rabi eue, Maix mawh Kawn Siyiex, Simiang pui Isarelax heue.”

YOHAN 19:15

Mawh kheu nan kix tom kok yo ah nin, “Teei ti tik Nawh. Teei ti tik Nawh. Tawk Nawh piang khaox lhak heue.” Pilat baox ah nin ka kix, “Aux tak sang teei ti tawk Simiang pex piang khaox lhak lie?” Cao giex kaing li pa ting khankix pawk lox ah nin, “Lheu khaing simiang Kiesa ex ang lai koe simiang tix kaux kawx heue.”

CAO PRAWNG 10:4

Nawh hoik koe kawn simex tixngoe kaux, pa hoik brug la tixngoe mu, kix baox koe veng tixngoe veng mai kok ceu kaux veng an mawh Havot Ya-irax tom in singaix mai veng an kix hoik koe ka daux haktiex Gilat heue.