ZAKHARIX 9:8 - Wa Common Language Translation

⁸ Aux tak sang pang ti deuh tab hawt vung viang nyiex Aux, son ang kru naing pui koeng pon tiang ti hu hawt baoh an, pui pa nieb yuh krax kha rhawm ang lai yaox ti tiang ka daux hawt baoh an khaix in pie tix bawg kawx heue. Grawh grawng nawh, Aux hoik jhak inkix ka ngai aux daux yam in heue.

ZAKHARIX 9:8 Iomraidhean Croise

2 SAMOELAX 16:12

Kheu pa jhax lawg in singaix, ha mawh Simiang Siyiex pa sang kia ngien piang pa khaw aux rhawm tix mai tak deeh tawx pa mhawm ka aux pleue.”

2 SIMIANG 19:34

Grawh grawng nawh, Aux tak tiebtie mai taoh ka veng in son min tokaux Aux mai son min pakngai kawncau Aux Davit heue”

2 SIMIANG 23:29

Ka daux baux ju mawh Yosiyax simiang, Pharaw Nekhaw simiang haktiex Ejiptux haok puing simiang haktiex Asurix, tom hoek ka rawm klawng Upharat mai simiang Yosiyax hu sipub ka nawh mai Pharaw Nekhaw yaox ka Yosiyax mai pah nawh yum ka daux veng Megidaw heue.

2 SIMIANG 24:1

Ka daux baux yam kwang simiang Yehoyakim ka haktiex Nebukhaneza simiang haktiex Babulon hoek ti yuh naing mai Yehoyakim hoik kham ti mawh siliex nawh loe num, khaix an mai nawh deeh pon tieh feen ka nawh heue.

YAOGYAW 34:7

Kawncau Siyiex cie Simiang, deuh tab rob vung viang kix pa lhat graung ka Nawh mai taoh ka kix heue.

YAOGYAW 72:4

Kieh nawh prawng ca rahsee ka pui pa hot pa sibhawm mai teem ka pui pa ang kub ih khankix mai yuh laux leeing ka pui pa tuktiaktukte ka pui heue.

LIH HU 3:7

Siyiex ah nin, “Aux hoik yaox ka yeen ya kix ceu pui Aux, pa ot daux meung Ejiptux, Aux mhong lox riag yo kix ka cau cao kaing ka kix, mawh kheu Aux hoik tawng krax kha rhawm kix,

LIH HU 3:9

“Yam in, jhak heue, krax yiiem kawn praix Isarelax khankix hoik hoek ka Aux mai Aux hoik yaox ka pa yeen ya ceu pui Ejiptux ka kix.

LOX KAB 3:25

Paw lhat graung ka ceu pa caox pa phai mai ceu pa laux leeing, pa yaox pui caox kix heue.

ISAYAX 26:1

Ka daux singaix an, lai rhax in tak sang mawh pa rhax tix ka daux meung Yudax ah nin, ex hoik koe veng pa kaux cong, Siyiex tak sang yuh ti deuh bwanson krax taoh pa mawh guh veng khankix mai son pa tieb tie naing khankix heue.

ISAYAX 31:5

Awm awm u sim kawn tix, awm an Siyiex cao kru naing raoma tak tieb tie ka veng Yerusaliem, Nawh Cao tak tieb tie mai taoh kah, Nawh Cao tak priex rien mai teem kah.

ISAYAX 4:5

Khaix an Siyiex tak phan ti deuh paiawm mai taox ngu ka plak ponngaix mai rao ngu pa jhan riang ka plak ponsawm, ka piang dee ot dee koe kudauh kudee piang gawng Zion mai ka piang dee khrawm pui tix kum heue. Ka piang an khawmuik min sibrawm Nawh tak kheem kah heue.

ISAYAX 52:1

Veng Zion eue, siduad heue, siduad kaoh mai teei riang rao maix heue. Veng Yerusaliem, pa mawh veng pa singax singeh eue, ceep kraung pa mhawm grang maix khankix heue. Grawh grawng nawh, pui pa ang nyang pat hak tix mai pui pa ang nyang singax singeh khankix, tak ang lai hoek ka maix khaix in heue.

ISAYAX 52:12

Pex tak ang pon ti lih hu ka daux pa nied tix mai ang pon ti to hu heue. Grawh grawng nawh, Siyiex tak hu ka plak sivoe pex mai Siyiex ceu pui Isarelax tak mawh pa pau plak khaix maix heue.

ISAYAX 54:14

Maix tak mawh pa kaux cong ka daux krax pa rahsee maix tak mawh pa singai khaing krax pa yeen ya, grawh grawng nawh maix tak ang lai koe krax lhat graung mai singai khaing krax pa glhat, grawh grawng nawh, krax pa glhat tak ang lai hoek dex maix heue.

ISAYAX 60:18

Krax pa kin tak ang lai mhong tix ka daux haktiex maix khaix in, krax pa nai pa nawk mai krax pa laux leeing kawx, tak ang lai koe ka daux sinax mee haktiex maix khankix heue. Viang mawh nan maix tak kok guh veng maix mawh krax taoh mai siviex veng maix mawh krax yaog yaw heue.

YERAMIX 31:12

Mawh kheu nan, kix tak sang hoek mai pa rhax lai rhax piang gawng lhaong Zion mai lih hu tau mai pon bwanson pa mhawm khaing pa mawh Siyiex, nghox ca, rawm plix siiet pa khraox mai rawm bee, cub kawn yung mai tobrie, khwan ju kix tak awm sipeem pa see ka rawm mai kix tak ang lai koe krax laux rhawm khaix in tix bawg kawx heue.

YERAMIX 46:13

Gumlox pa krai Siyiex ka cao jhai Yeramix, sonsang hoek Nebukhaneza simiang Babulon ti sang puing ka haktiex Ejiptux, ka daux pa ah nin heue.

YERAMIX 46:2

grawng haktiex Ejiptux pa dex dawd mai cub kru naing Pharaw Nekhaw, simiang haktiex Ejiptux pa ot hawt rawm klawng Yupharitix, ka baoh haktiex Rakhamix mai pa hoik pex Nebukhaneza simiang Babulon ka daux num kwang Yehoyakim kawn simex Yosiyax, simiang Yudax ka haktiex pon num tix num heue.

YEZAKELAX 39:29

Siyiex ah nin, mawh kheu hoik rauk Aux khwan lih ka piang nyiex ma ceu pui Isarelax mai Aux tak ang lai veeh pakngai khaing kix tix bawg kawx heue.

AMOT 9:15

Aux tak sum ti deuh kix ka daux haktiex cao kix mai kix tak ang lai mawh pa deeh reeig tix baox tix bawg khaix in, khaing daux haktiex pa hoik tawx Aux ka kix heue. “Siyiex pa mawh Siyiex maix ah nan heue.

ZAKHARIX 12:4

Siyiex ah nin, “Ka daux singaix an, Aux tak sang tawx krax kham geu mai pa kieh brung khankix yaoh mai kieh cao pa brug brung yhot kah heue. Aux tak sang blah ngai tix kia ngien ka nyiex ma ceu pui Yudax mai tak sang tawx krax kham geu pa dug ngai ka brung cie pui tang ceu khankix heue.

ZAKHARIX 12:8

“Ka daux singaix an, Siyiex tak sang tieb tie ti priex pui pa ot ka daux veng Yerusaliem khankix mai pui pa iak riang rao daux sinax kix ka daux singaix an, tak sang mawh pa awm Simiang Davit mai nyiex ma Simiang Davit tak sang mawh pa awm Siyiex mai pa awm kawncau Siyiex ka plak sivoe kix heue.

ZAKHARIX 14:11

Pui khankix tak sang ot ka daux an mai krax pa jhax lawg tak ang lai koe khaix in heue. veng Yerusaliem tak sang mawh dee pa yiien yawg ot pui kah heue.

ZAKHARIX 9:7

Aux tak sang teei ti tik nham khaing jheeh nawh mai khawm ceu pa seeing brai khankix khaing daux sinax rhang nawh heue. Nawh tak sang mawh son pui pa kawn deuk son Siyiex ex mai tak sang mawh pa awm cao kaing ka daux haktiex Yudax mai pui veng Ekaron, tak sang mawh pa awm pui Yebusix heue.

KAWNCAU 7:34

Aux hoik yaox pui cie Aux pa kha rhawm, pa ot ka daux meung Ejiptux tete mai hoik mhong lox riag lox ngia kix mai Aux hoik lih hoek sonsang kieh kix luan heue. Hoek yam in heue, Aux sang ploi maix hu ka daux meung Ejiptux.

PLAK JHI 20:9

Kix haok hu ka plak vieh haktiex khawmuik mai rob ka bang dee ot pui pa singax singeh khankix mai veng pa moh an mai ngu lih khaing raoma mai gleeing ti tik kix heue.