ZAKHARIX 9:7 - Wa Common Language Translation

⁷ Aux tak sang teei ti tik nham khaing jheeh nawh mai khawm ceu pa seeing brai khankix khaing daux sinax rhang nawh heue. Nawh tak sang mawh son pui pa kawn deuk son Siyiex ex mai tak sang mawh pa awm cao kaing ka daux haktiex Yudax mai pui veng Ekaron, tak sang mawh pa awm pui Yebusix heue.

ZAKHARIX 9:7 Iomraidhean Croise

1 GRAWNG BEEN 1:14

Ceu pui Yebusix, ceu pui Amawrix mai ceu pui giragashix khankix,

1 GRAWNG BEEN 21:15

Siyiex ploi kawncau tix hu ka veng Yerusaliem, sonsang yuh veng an laux leeing heue. Yam tak sang yuh kawncau Siyiex veng an laux leeing, Siyiex jhak ti yaox mai koe krax pa voi rhawm mai Nawh Cao ah nin ka kawncau Siyiex, “Ding heue paw lai yuh krax pa laux leeing an, yoi taix maix heue. “kawncau Siyiex cung hawt biang glah nghox Aronax ceu pui Yebusix heue.

YAOGYAW 3:7

Siyiex eue, kaoh heue, mai Siyiex aux eue, taoh ka aux heue. Nawh Cao simang sibax pui pa koeng ka aux khankix mai raig rhang pui pa caox khankix heue.

YAOGYAW 58:6

Siyiex eue, laoh ti tik rhang kix khaing jheeh kix liak, Siyiex eue, laoh ti tik rhang gieb sivai sangsi pa awn ju khankix liak.

ISAYAX 65:4

Pa ngawm ka daux sinax simeeig mai pa it ka daux tiag simeeig mai pa ih nex lig mai pa koe rawm rheep ceu pa seeing brai khankix ka daux aw tawng kix,

YERAMIX 48:47

Viang mawh nan, Aux tak sang deeh viex pui pa giex laung haktiex Mawbax khankix deeh ing, ka daux singaix pa sang hoek khankix, Siyiex ah nan heue. Mawh kheu nan, in mawh grawng pa prawng ca piang haktiex Mawbax heue.”

YERAMIX 49:39

Viang mawh nan, khaix singaix an, Aux tak sang deeh viex pui haktiex Elam pa giex laung an khankix deeh hoek, Siyiex ah nan heue.”

YERAMIX 49:6

Viang mawh nan, khaix an, Aux tak sang deeh viex pui Amon pa giex laung khankix hoek heue. Siyiex ah nan heue.”

AMOT 3:12

Siyiex ah nin, awm rhim cao liang yung caong yung ra khawn, phan ang mawh nan, plah yhaok tix plak khaing daux jheeh sivai sangsi, awm an ceu pui Isarelax khankix pa ot ka daux veng Samarix, ka pa it daog ku mai pa tawm ti it ka piang bi tawm pa mhawm, tak sang pon krax taoh yuh nin heue.

ZAKHARIX 8:23

“Siyiex cao kru naing raoma ah nin, ka daux singaix ankix, pui kao kaux khaing pa chix sikah lox ceu pui khankix kuceu, tak sang bluh caong sibex pui Yudax tix kaux ah nin, “Kieh yix hu tau mai maix liak! Mawh kheu mhong yix ot Siyiex tau mai maix heue.”

ZAKHARIX 9:6

“Doeh pui tang ceu tak sang pang ti ot ka daux veng Ashadok mai Aux tak sang tat ti tik krax pa lhaong rhawm pui Philitix khankix heue.

ZAKHARIX 9:8

Aux tak sang pang ti deuh tab hawt vung viang nyiex Aux, son ang kru naing pui koeng pon tiang ti hu hawt baoh an, pui pa nieb yuh krax kha rhawm ang lai yaox ti tiang ka daux hawt baoh an khaix in pie tix bawg kawx heue. Grawh grawng nawh, Aux hoik jhak inkix ka ngai aux daux yam in heue.

KALATIX 3:28

Ang doh lai pon koe pui Yudax phan ang mawh nan, pui Helasax, ang doh lai pon koe siliex, phan ang mawh nan pui ploi, ang doh lai pon koe simex, phan ang mawh nan bun, mawh kheu pex khawmuik mawh ngie tix kaux khaing ka daux Yesux Khrit heue.