ZAKHARIX 9:16 - Wa Common Language Translation

¹⁶ Daux singaix an, Siyiex, pa mawh Siyiex kix, tak sang taoh kix awm cub phung yung pui Nawh Cao heue. Grawh grawng nawh, kix tak sang mawh pa awm siang simaox khankix pa koe ka piang mhok khri mai pa hoik yaog tix, awm man chix tix pheen ka piang haktiex Nawh Cao heue.

ZAKHARIX 9:16 Iomraidhean Croise

YAOGYAW 100:3

Pex deuh ti tawng, Siyiex mawh Siyiex leeing ju awx. Nawh mawh Cao pa phan pa yuh ka ex mai mawh Siyiex ex, ex kawx mawh pui Nawh mai cub yung sawm dex Nawh heue.

LIH HU 28:21

Ka piang siang simaox ankix, tak kieh ceu kaux kawn praix Isarelax khankix koe kah awm koe ceu kaux kix kao ra kaux. Ka piang siang simaox an tix mu, tak kieh kix saik ti deuh ceu kaux cum kao ra mu. Siang simaox ankix tak kieh koe awm doeh ru kix kao ra cub.

LIH HU 28:9

Maix tak teei simaox siang bawd raoh ra mu mai saik ti deuh ceu kaux kawn simex Isarelax khankix ka piang an.

ISAYAX 40:10

Jhak heue, Siyiex hoek mai sibrawm mai plawng taix Nawh Cao tak kwang son Nawh Cao mai bwanson koe ka Nawh Cao mai totaix koe sivoe Nawh Cao.

ISAYAX 54:12

Aux tak yuh ka piang guh veng maix khankix ka siang simaox pa raoh mai siviex maix ka siang simaox yi mai guh veng maix khawmuik ka siang simaox pa laoh lie heue.

ISAYAX 60:14

Kawn simex pui pa hoik yuh krax kha rhawm ka maix khankix, tak hoek num kaing tix ka maix mai pui khawmuik pa hoik nu nai ka maix, tak krub hawt caong maix, kix tak kok maix, mawh veng Siyiex, veng Zion cie Siyiex pa singax singeh ceu pui Isarelax heue.

ISAYAX 60:3

Pui tang ceu khawmuik tak hoek ka pa riang maix mai simiang tak hoek ka krax jhan riang pa lih khaing maix heue.

ISAYAX 62:3

Maix tak baox mawh mhok khri, ka daux taix Siyiex mai mawh ciiem mhok khri pa mhawm grang ka daux tawm taix Siyiex maix heue.

YERAMIX 23:3

Aux tak deeh khrawm cub kawn yung Aux pa kawn deuk khankix khaing haktiex pa hoik grheu Aux kix lih mai deeh viex kix hoek ka daux kawg yung kix mai kix tak baox pre nie haoh hun heue.

YERAMIX 31:10

“Ceu pui khankix eue, nghiet ka gumlox Siyiex mai krai pao grawh grawng an ka daux klawn tiex piang rawm sigrit sigra, pa koe ka dee pa kied singai ah nin, Nawh Cao pa hoik prung prangti tik ceu pui Isarelax khankix tak sang deeh kraix khrawm ka nawh mai priex rien nawh, awm pa yuh cao liang ka cub phung yung tix heue

YERAMIX 31:11

Grawh grawng nawh, Siyiex hoik laug ti teei ceu pui Yakop mai hoik taoh nawh khaing daux tawm taix pui pa nie lheu ting riang khaing nawh heue.

YEZAKELAX 34:11

Siyiex ah nin, “Tokaux Aux tak sang hu sawg ka yung tix mai taoh ka kix,”

YEZAKELAX 34:12

“Awm sawg cao liang yung tix khrawm ka cub yung tix daux sinax yung pa hoik prung prang khankix, awm an Aux tak sawg yung Aux khankix mai deeh taoh ka kix, khaing dee pa hoik prung prang kix ka daux singaix ceep paiawm mai singaix koe pa kied faik heue.”

YEZAKELAX 34:31

“Pex mawh cub yung Aux, pa sawm dee klai rib Aux, pex mawh pui Aux mai Aux mawh Siyiex pex, Siyiex ah nan heue.

MIKHA 5:4

Nawh tak sang cung kaux cong mai liang ka cub phung yung nawh, ka daux riang rao Siyiex, ka daux min sibrawm kwang ceu kaux Siyiex, pa mawh Siyiex nawh mai kix tak sang ot kaux cong kah heue. Grawh grawng nawh, nawh tak sang mawh pa ting lhaong, tom hoek ka dee sidah sidu haktiex heue.

MIKHA 7:14

Liang pui Maix ka khaox gix maix, pa mawh cub phung yung sinngao Maix Cao, pa ot nong nong ka daux nong tiag khaox sinax gawng Kharamelax heue. Liang kix ka daux haktiex Bashan mai haktiex Gilat, awm ka daux baux singaix pa prim dix liak.

ZEPHANIX 3:20

Ka daux bawg yam an, Aux tak sang deeh viex pex hoek, kraix khrawm pex tau heue. Grawh grawng nawh, aux tak sang tawx maix koe krax pa ao min mai krax pa yaog yaw, ka daux sinax pui piang haktiex khawmuik, yam dee viex Aux pui pa giex laung pex khankix hoek ka daux plak sivoe ngai maix. Siyiex ah nan heue.

HAGIE 2:23

Pa ah Siyiex leeing ju cao kaing kru naing raoma ah nin, “kawn simex Aux Zerubabelax kawn simex Shelatilax eue, ka daux singaix an Aux tak sang deeh teei maix mawh cum jhup giien Siyiex leeing ju ah nin, mawh kheu hoik laug Aux ti teei maix.”

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

ZAKHARIX 8:23

“Siyiex cao kru naing raoma ah nin, ka daux singaix ankix, pui kao kaux khaing pa chix sikah lox ceu pui khankix kuceu, tak sang bluh caong sibex pui Yudax tix kaux ah nin, “Kieh yix hu tau mai maix liak! Mawh kheu mhong yix ot Siyiex tau mai maix heue.”

LUKAX 12:32

Cub yung iak eue, paw lhat graung, mawh kheu Keeing pex koe rhawm ti tawx meung an ka pex heue.

YOHAN 10:27

Yung Aux nghiet lox Aux mai Aux tawng ka kix, kix hawt khaix Aux heue.