ZAKHARIX 9:15 - Wa Common Language Translation

¹⁵ Siyiex Cao kru naing raoma tak sang tieb tie ti priex kix, kix tak sang kiied ti ih pui koeng kix mai dig lon simaox pa hoik sivuat tix khankix heue. Kix tak sang nyaux mai lawh maw, awm hoik sak nyaux ka rawm plix siiet, kix tak sang naog ka nham awm tawg klong khankix, awm daog khu dee tan heue.

ZAKHARIX 9:15 Iomraidhean Croise

YAWBAX 41:28

Te ang pon kieh nawh to, simaox puing ka ak maox vuh vied kawx awm sibroe ka son nawh heue.

YAOGYAW 78:65

Yam an Siyiex siduad awm pui pa siduad khaing it tix mai ting riang rao awm pui pa nyaux rawm plix siiet heue.

LIH HU 27:2

Maix tak yuh rung koe pon mu ka piang daog pon daog, mai rung ankix tak kieh mawh khaox Akashax tix ceu ngie. Maix tak om nawh ka tawng khawmuik.

SAWLAMUN 1:4

Thong aux luan liak, Ex tak sang to ti hawt khaix maix heue. Simiang viex aux laig ka daux lawg ot nawh heue. Yix tak nie lheu doh keud krax moh maix khaing rawm plix siiet heue. Kix moh ka maix tete heue.

SAWLAMUN 5:1

Pux nan aux, moeng aux eue, aux hoik hoek ka daux sipeem aux, aux hoik khrawm ti teei Muran mai taux sioe bhawng aux, aux hoik yaox ti ih sigleem rawm hia, pa koe rawm hia cie aux, aux nyaux rawm plix siiet mai rawm teeih heue. Paox grawm aux khankix eue, ih heue. Nyaux heue. Rhawm moh dud pa moh aux khankix eue, Nyaux tom sak awx.

SAWLAMUN 7:9

moing jheeh maix, awm rawm plix siiet pa sidaing nyawm heue.

ISAYAX 37:35

Aux tak tiebtie ka veng in kheu jhak Aux pakngai tix mai pakngai siliex Aux Davit.

ISAYAX 55:1

Can pui pa sang nyaux nie rawm khankix eue, Hoek ka dee koe rawm. Pex pa ang koe mau khankix eue, hoek liag maix ih nyaux heue. Mawh heue, hoek liag rawm plix siiet mai rawm teeih ka daux pa ang tix viex mau mai ka pa ang tix tawx ngawh heue.

KRUB 4:18

Nawh tak sau nham tiblah piang rung khu krub dee tan, pa koe sivoe Simiang Siyiex, ka daux nyiex gox bwan man bang kum mai nham pa kawn deuk an tak hieh ka caong khu dee tan krax tan pa gleeing, pa koe hawt diang siviex nyiex gox bwan man bang kum.

KRUB 4:25

Cao giex kaing li tak teei nham tiblah khaing krax tan pa pluat ploi phimap ka giien taix tix mai sau piang rung khu dee tan pa gleeing mai nham pa kawn deuk an tak hieh ka caong khu dee tan krax tan pa gleeing.

KRUB 4:7

Cao giex kaing li tak sau nham tiblah piang rung khu dee tan nyawng bhawng ka sivoe Simiang Siyiex, pa koe ka daux nyiex gox bwan man bang kum mai nham mawie pa kawn deuk an nawh tak hieh ka caong khu dee tan krax tan pa gleeing pa koe ka diang siviex nyiex gox bwan man bang kum.

MIKHA 5:8

Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

ZAKHARIX 10:5

Kix tak sang mawh pa awm pui pa kied ting riang ting rao khankix, pa dig ka pui koeng kix, ka daux ung glaox pa koe ka daux krax khankix ka daux naing heue. Kix tak sang puing naing, mawh kheu Siyiex ot tau mai kix mai pa brug brung khankix, tak sang mawh pa kaig pa tua heue.

ZAKHARIX 10:7

Pui Epharem khankix tak sang mawh pa awm pui pa kied ting riang ting rao mai rhawm rhi kix tak sang koe krax gaux rhawm awm pa hoik sak ka rawm plix siiet heue. Kawn praix kix tak sang yaox ka ankix mai koe krax gaux rhawm ka daux Siyiex heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 12:8

“Ka daux singaix an, Siyiex tak sang tieb tie ti priex pui pa ot ka daux veng Yerusaliem khankix mai pui pa iak riang rao daux sinax kix ka daux singaix an, tak sang mawh pa awm Simiang Davit mai nyiex ma Simiang Davit tak sang mawh pa awm Siyiex mai pa awm kawncau Siyiex ka plak sivoe kix heue.

ZAKHARIX 14:20

Ka daux singaix an, ngai lai Son Pa Singax Singeh Siyiex tak sang mawh pa hoik tiiem ka piang hing tauk brung khankix heue. Aw tawng pa koe ka daux nyiex bwan Siyiex khankix, tak sang mawh pa awm tawg klong pa koe plak sivoe khu dee tan heue.

ZAKHARIX 14:3

Yam an, Siyiex tak sang lih hu mai puing ka ceu pui khankix, awm puing Nawh Cao naing ka daux singaix koe naing heue.

ZAKHARIX 2:9

Jhak heue, Aux sang sau taix tix ka kix mai kix tak sang lih mawh kraung pa hoik tud rhim ti laux leeing son siliex kix heue. Khaix an, pex tak tawng ka hoik ploi Siyiex cao kru naing raoma Aux hoek heue.

ZAKHARIX 9:17

Ceu pa mhawm kix mawh pa kied ting kied lhaong miex ding, krax pa mhawm grang kix kied ting kied lhaong miex ding, nghox tak sang kieh pui awn ju khankix haok hwan ting lhaong mai rawm plix siiet khraox tak sang kieh bunkrih khankix haok hwan ting lhaong heue.

1 KAWRINTHUX 1:18

Grawh grang nawh gumlox pa dex mai khaox lhak mawh pa daox aw ka kix pa hoek krax laux leeing, viang mawh nan ka ex pa hoek krax taoh mawh lox sibrawm Siyiex heue.

EFESUX 5:18

Paw kieh yoek ka plai rawm plix siiet, pa nieb chix kieh luan yuh cuci, viang mawh nan kieh naog ka Khuan Cao,

1 SAMOELAX 17:45

Davit ah nin ka pui Philitix, “Maix hoek ka aux tau mai vaig pliah mai plah rhiem tiebtie, viang mawh nan, aux hoek ka maix ka daux min ceu kaux Simiang Siyiex Cao kru naing raoma, Siyiex pui Isarelax, pui pa silah maix kah, ”