ZAKHARIX 9:12 - Wa Common Language Translation

¹² Pex pa mawh pui pa giex laung pa kawn koe krax keud pot jun pot khankix eue, Deeh ing ka nyiex tab lhaong dee pa kaux cong heue. Ka daux in singaix, Aux pao ti krai, grawng tak sang baox tawx bwanson ka pex ra son heue.

ZAKHARIX 9:12 Iomraidhean Croise

YAWBAX 42:10

Siyiex deeh tawx can pa hoik som nai Yawbax khankix, khaix hoik rawg nawh bwan ka son paox grawm tix heue. Siyiex hoik tawx lheu khaing pa koe nawh glang ka an ra son heue.

ISAYAX 24:22

Kix tak sang mawh pa khrawm tix tau, awm hoik kraix khrawm pui pa laig daux thawng khankix ti ot ka daux tiex mai tak sang mawh pa laung tix ka daux thawng heue. Khaix hoik luan singaix an kix tom nie, kix tak sang mawh pa yaox tix chawk cheng heue.

ISAYAX 38:18

Mawh kheu meung yum ang chix ting bwanson ka Maix Cao, meung yum ang chix yaogyaw ka Maix Cao; pui pa lih hu ka meung yum ang chix koe krax keud pot jun pot ka pa kaux sijax Maix Cao.

ISAYAX 40:2

Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix.

ISAYAX 49:9

Ah nin ka pui pa laung khankix, hoek heue mai ka pui pa ot ka daux pa faik, “Jhi tokaux tix heue, “Kix tak eei ju tix hawt krax laux, ka dee koe rib ka piang dee lhaong mawh dee sawg kix ti ih.

ISAYAX 52:2

Veng Yerusaliem eue, khruah ti tik phawng tiex khaing maix, yaog ti kaoh mai ngawm ka dee lhaong heue. Kawn bun veng Zion, pa mawh pui pa giex laung eue, yah maox ceng khaing ngawg maix heue.

ISAYAX 61:7

Tang krax kaig tua pex, pex tak deeh pon min pakngai ra son mai tang krax pa laux pakngai, kix tak koe krax gaux rhawm ka daux nyum cie kix heue. Mawh kheu nan, kix tak pon ti cie sinngao ra son khaing ka daux haktiex kix, krax gaux rhawm leeing ju, tak mawh cie kix heue.

YERAMIX 14:8

Krax keud pot ceu pui Isarelax khankix, pa mawh cao taoh kix ka daux bawg yam koe krax pa kha rhawm eue, Maix Cao lai yuh tix awm nyo sinie ka daux haktiex mai awm pui pa hu krax singai, pa sang peung been tix sawm khaing yuh ka mawx lie?

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

YERAMIX 17:13

Siyiex pa mawh dee keud pot ceu pui Isarelax eue, pui pa tik vud ka Maix Cao khankix tak pon krax kaig tua khawmuik heue. “Pui pa lih hu khaing Aux, tak mawh pa tiiem ti deuh carang piang tiex. Mawh kheu kix hoik tik vud ka Siyiex pa mawh dee lih rawm im ju heue.”

YERAMIX 31:17

Siyiex ah nin, sivoe ngai krax keud pot koe son maix, kawn praix maix khankix tak deeh hoek ka haktiex cao tix heue.

YERAMIX 31:6

Grawh grawng nawh, singaix yam tak sang kok yo pui pau veng khaing piang gawng Epharem, kaoh heue mai kieh ex haok piang gawng Zion, ka dee koe Siyiex pa mawh Siyiex ex heue.”

YERAMIX 50:28

Lox pui pa to ti glawd khaing haktiex Babulon, krai pao grawng pa pawk Siyiex pa mawh Siyiex ex bix tix ka daux veng Zion mai pa mawh krax pawk bix son nyiex Nawh Cao heue.

YERAMIX 51:10

Siyiex hoik jhi grawng krax pa rahsee ex heue. Hoek mai kieh ex hu krai pao grawng kaing jhaw Siyiex pa mawh Siyiex ex, ka daux veng Zion heue.

YEZAKELAX 37:11

Nawh Cao ah nin ka aux, “Kawn pui eue, si-ang inkix mawh cub nyiex ma pui Isarelax khankix, jhak heue, kix ah nin, si-ang yix hoik mawh pa kroh mai krax keud pot jun pot yix hoik grai, mai tokaux yix hoik laux leeing heue.”

HOSE 2:15

Kaoh khaing tan Aux tak sang tawx sipeem plix siiet ka nawh mai tawx daux lung Akhaw mawh siviex pa koe krax keud pot jun pot, nawh tak sang ah lai rhax tan, awm ka baux singaix yam kawn awn ju nawh, awm ka daux singaix yam lih hoek nawh khaing daux meung Ejiptux heue.

YOLAX 3:16

Siyiex tak briah lox tix khaing piang gawng Zion mai yo lox tix lih khaing veng Yerusaliem, raoma mai haktiex tak sang yung yiang, viang mawh nan, Siyiex tak mawh dee peung ka son pui Nawh Cao mai mawh dee cong ceu pui Isarelax khankix heue.

MIKHA 4:8

Maix pa mawh nyiex pau dee lhaong cub phung yung khankix mai dee pa kaux cong ot kawn bun Zion eue, tak sang deeh hoek ka maix krax kwang krax pang pa dawg koe glang ka an, pa mawh meung haktiex kawn bun veng Yerusaliem heue.

NAHUM 1:7

Siyiex pon mawh pa mhawm, dee pa kaux cong ka daux singaix pa kha rhawm mai Nawh Cao tawng ka pui an kix ka pui pa een rhawm tix ka Nawh Cao heue.

HEBRIE 6:18

Kheu ra ceu pa ang chix tieh loh, pa ang doh chix kieh Siyiex pie lhen kah, ex pa hoik to son dee peung ti giex ka krax keud pot jun pot pa hoik deuh sivoe ex, tak sang pon pa baox thiien riang ka ex heue.

HEBRIE 6:19

Krax keud pot jun pot an mawh awm rhiem ngak ngaw ka son ju ex, pa kaux cong mai hoek tom plak daux man kang,