ZAKHARIX 9:1 - Wa Common Language Translation

¹ Gumlox pa plak jhi Siyiex hoik sidah ka piang haktiex Hadarok mai ka piang veng Damase, ngai pui khankix mai doeh ceu pui Isarelax khankix maong ti jhak ka Siyiex heue.

ZAKHARIX 9:1 Iomraidhean Croise

YAM JAH 14:15

Nawh gwieh cub kru naing tix ra cub daux plak ponsawm, hawt puing kix tom hoek veng Hawbax, pa koe plak laong veng Damase heue.

2 GRAWNG BEEN 20:12

O, Siyiex eue, Mawh ang Maix koe rhawm ti sang ciyang ka kix lie? Mawh kheu yix ang lai koe riang rao sibrawm ti sang puing ka cub pui pa kied haoh hun inkix, pa sang hoek ti puing ka yix mai yix ang lai tawng ka ceu pa sang yuh tix, viang mawh nan, ngai yix maong ti jhak ka Maix Cao heue.

YAOGYAW 145:15

Ceu pa phan pa deuh pa im ju khankix khawmuik, maong ti jhak ka Maix mai yam hoek bawg yam, Maix tak tawx kix ih heue.

YAOGYAW 25:15

Ngai aux jhak ka Siyiex jheung jheung, grawh grawng nawh, Nawh Cao hoik taoh caong aux lih khaing kie heue.

ISAYAX 13:1

Grawng pa hoik yaox Isayax kawn simex Amok ka grawng veng Babulon

ISAYAX 52:10

Siyiex hoik jhi plawng taix pa singax singeh Nawh, ka plak sivoe ngai ceu pui khawmuik mai pui deeh sidah haktiex khawmuik tak yaox ka bwanson krax taoh Siyiex ex heue.

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

YERAMIX 32:19

Krax keud Maix Cao mawh pa kied ting riang rao mai mawh pa kied ting sibrawm ka daux kaing jhaw pa yuh tix, grawh grawng nawh, ngai Maix Cao mawh pa simi ti jhak ka daux krax hu kawn pui khawmuik, sonsang tawx bwanson ka pui ku kaux awm kaing jhaw plix pa yuh nawh khankix heue.

AMOT 1:9

Siyiex ah nin, “Mawh kheu lud veng Turux, ang joeng mawh loe ceu mawh pon ceu, Aux tak ang lai yoi krax song rhawm aux ka piang kix heue. Grawh grawng nawh, kix hoik ap ti tawx pui khawmuik ka haktiex Edom mai ang koe krax doh keud ka sijax mukheu pa yuh paox pie puxaik tix heue.

AMOT 3:12

Siyiex ah nin, awm rhim cao liang yung caong yung ra khawn, phan ang mawh nan, plah yhaok tix plak khaing daux jheeh sivai sangsi, awm an ceu pui Isarelax khankix pa ot ka daux veng Samarix, ka pa it daog ku mai pa tawm ti it ka piang bi tawm pa mhawm, tak sang pon krax taoh yuh nin heue.

NAHUM 1:1

Ka grawng pa plak jhi son veng Nineve pa mawh lai riang susai pa yaox Nahum pa mawh pui yaong Elakawsha.

ZAKHARIX 4:10

mawh pui mawx pa hoik ah lox salao ka singaix pa ting in mawh singaix pa iak lie? Ngai inkix aliah mu mawh ngai Siyiex pa tah jhak ka piang haktiex khawmuik khawm leeing, pui pa yaox ka maox tiag pa koe ka daux taix Zerubabelax tak koe krax gaux rhawm heue.

ZAKHARIX 5:4

Siyiex cao kru naing raoma ah nin “Aux tak sang ploi bua lai in lih hu mai tak sang laig ka daux nyiex pui pa briex pa lak mai ka daux nyiex pui pa pie ti yuh krax tiextu ka daux ceu kaux Aux heue. Tak sang ot ka daux nyiex nawh mai ih ti tik nyiex an mai khaox nyiex khankix khawm lon simaox khankix heue.

MALAKHIX 1:1

Gumlox pa plak jhi Siyiex ka ceu pui Isarelax khankix khaing ka Malakhix.