ZAKHARIX 8:8 - Wa Common Language Translation

⁸ Aux tak sang deeh viex kix hoek mai kix tak sang yaox ti ot ka daux sigreung veng Yerusaliem heue. Kix tak sang mawh pui Aux mai Aux tak sang mawh Siyiex kix, ka daux krax pa kaux sijax mai ka daux krax pa rahsee heue.”

ZAKHARIX 8:8 Iomraidhean Croise

YAM JAH 17:8

Lheu khaing an, Aux tak tawx haktiex in, pa mawh maix nyo sinie mai khawm doeh ru maix khaix maix sax heue. Baoh haktiex Khanan in khawmuik tak mawh cie maix leeing ju mai Aux tak mawh Siyiex ka kix heue.”

YERAMIX 11:4

pa tawm Aux ti deuh ka keeing pex, ka daux singaix yam viex Aux kix lih khaing daux meung Ejiptux, khaing daux glah taox ngu rhiem, daux pa hoik ah nin, ‘Cu nghiet ka lox Aux mai yuh awm pa tawm Aux ka pex; mawh kheu nan, pex tak mawh pui Aux mai Aux tak mawh Siyiex pex,’

YERAMIX 23:8

Viang mawh nan, tak tiextu ti ah nin, Siyiex pa im ju hoik teei doeh ru nyiex ma ceu pui Isarelax khankix, lih khaing haktiex plak laong mai khaing ka daux haktiex an khawmuik, pa hoik grheu Aux kix to kix tak sang yaox ti ot ka daux haktiex cao tix heue.”

YERAMIX 24:7

Khaix an Aux tak sang tawx rhawm pa tawng kix ka Aux mai grawng mawh Aux Siyiex, kix tak sang mawh pui Aux mai Aux tak sang mawh Siyiex kix, grawh grawng nawh, kix tak sang deeh hoek ka Aux tau khawm rhawm tix heue.

YERAMIX 30:22

Pex tak sang mawh pui Aux mai Aux tak sang mawh Siyiex pex heue.”

YERAMIX 31:1

Siyiex ah nin, “Ka daux bawg yam an, Aux tak mawh Siyiex paox nyiex ma ceu pui Isarelax khankix mai kix tak mawh pui Aux heue.”

YERAMIX 31:33

Viang mawh nan, in mawh sijax mukheu, pa sang yuh Aux tau mai nyiex ma ceu pui Isarelax khankix heue. Siyiex ah nin, khaix hoik luan singaix bawg yam khankix Aux tak sang sau lox tat jhawm prawng cie Aux ka daux dee keud kix mai tiem piang rhawm kix mai Aux tak mawh Siyiex kix mai kix tak mawh pui Aux heue.

YERAMIX 32:41

Mawh heue, Aux tak sang gaux rhawm sonsang yuh tix bwanson ceu pa mhawm piang kix mai Aux tak sang sum kix kaux cong ka daux haktiex in, khawm rhawm mai khawm ju khwan Aux khawmuik heue.

YERAMIX 4:2

Maix tak tiextu ti ah nin, ‘Awm im ju Siyiex,’ ka daux krax pa mawh meh mai ka daux krax prawng ca mai ka daux krax pa rahsee, ceu pui khankix tak nawb bwan ka daux Nawh Cao mai kix tak yaw rangdi ka daux Nawh Cao heue.”

YEZAKELAX 11:20

sonsang pon hu kix ka daux lox lai beenli pa deuh Aux khankix mai priex tix hawt ka lox tat jhawm prawng Aux khankix mai hawt ti yuh mai kix tak sang mawh pui Aux mai Aux mawh Siyiex kix heue.

YEZAKELAX 36:28

Pex tak yaox ti ot ka daux haktiex pa hoik tawx Aux ka keeing pex, mai pex tak mawh pui Aux mai Aux tak mawh Siyiex pex.

YEZAKELAX 36:33

Siyiex ah nin “Ka daux ngaix kieh Aux pex singax khaing pa seeing brai yuh tix khawmuik, Aux tak kieh pex ot ka daux veng mai deeh cox sum can pa laux leeing khawmuik heue.

YEZAKELAX 37:25

Kix tak yaox ti ot ka daux haktiex tawx Aux ka kawncau Aux Yakop, pa mawh dee pa hoik ot keeing kix mai kix tak sang yaox ti ot tau mai kawn praix kix mai khawm kawn saux kawn sex kix leeing ju mai kawncau Aux Davit tak mawh simiang kix leeing ju heue.

YEZAKELAX 37:27

Nyiex bwan Aux tak koe tau mai kix mai Aux tak mawh Siyiex kix mai kix tak mawh pui Aux heue.

HOSE 11:11

Kix tak nied ti hoek, awm sim sai khaing meung Ejiptux, awm sikaux pa hoek khaig haktiex Asurix heue. Aux tak kieh kix ot ka daux nyiex kix heue. Siyiex ah nin heue.

YOLAX 3:20

Viang mawh nan haktiex Yudax, tak sang mawh pa koe leeing ju mai veng Yerusaliem tak sang mawh pa koe ku ju leeing ju heue.

KRUB 26:12

Aux tak lailing daux sinax pex mai mawh Siyiex pex mai pex tak mawh ceu pui Aux.

ZAKHARIX 10:10

Aux tak sang deeh baox viex kix ing khaing daux meung Ejiptux mai kraix khrawm kix lih khaing haktiex Asurix, Aux tak sang viex kix laig ka daux haktiex Gilat mai haktiex Lebanon, tom ang dee ot dee koe lai kub ka son kix heue.

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

ZAKHARIX 13:9

Aux tak sang kieh loe son tix son in cheu ka daux ngu mai tak sang thi kix awm thi lon mau mai cheuk ti yaox kix awm hoik cheuk ka khri heue. Kix tak kok yo ka ceu kaux Aux, Aux tak sang deeh pawk lox kix heue. Aux tak sang ah nin, “In mawh pui Aux! “Mai kix tak sang ah nin, “Siyiex mawh Siyiex ex heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

PLAK JHI 21:3

Aux mhong lox pa ting pa sinum pa lih khaing daux dang ngeung ah nin, “Jhak heue, nyiex gox bwan man Siyiex koe tau mai kawn pui mai Nawh Cao tak sang ot tau mai kix mai kix tak sang mawh pui cie Nawh khankix mai tokaux Siyiex tak sang ot tau mai kix mai mawh Siyiex kix heue.

PLAK JHI 21:7

Kaw pa pex, tak sang pon tix cie sin ceu in khankix heue. Aux tak sang mawh Siyiex nawh mai nawh tak sang mawh kawn Aux heue.