ZAKHARIX 8:3 - Wa Common Language Translation

³ “Siyiex ah nin, Aux deeh ing ka gawng Zion mai ot ka daux sigreung veng Yerusaliem heue. Veng Yerusaliem tak sang kok mawh veng pa kaux sijax, gawng Siyiex cao kru naing raoma tak kok mawh gawng pa singax heue.”

ZAKHARIX 8:3 Iomraidhean Croise

YAOGYAW 2:6

“Aux hoik deuh Simiang cie Aux, ka piang gawng Zion pa singax singeh cie Aux heue.”

YAOGYAW 48:1

Siyiex mawh pa ting lhaong mai khaw ti yaogyaw ka Siyiex pa ot ka piang gawng dee singax singeh ka daux veng Nawh heue.

LIH HU 29:45

Aux tak ot sinax kawn praix Isarelax khankix mai mawh Siyiex kix.

ISAYAX 1:21

Veng pa kaux sijax hoik lih ti mawh bun pa coh kaux yuh ka mawx lie? An hoik mawh pa naog pa rahsee, krax pa mawh meh hoik ot ka daux nawh glang ka in heue. Viang mawh nan, yam in mawh deeh ot cao pa pah ju pui yum heue.

ISAYAX 1:26

Aux tak sang baox deeh tawx cao prawng see khankix ka maix phao voe mai cao pa tawx krax keud krax tawng khankix ka maix awm pa koe tom yam jah heue. Khaix an tak kok maix mawh veng pa rahsee mai veng pa kaux sijax heue.

ISAYAX 11:9

Kix tak ang pon tix koe krax pa tuktiak tukte ka paox tix mai ang pon ti yuh laux leeing ka paox tix khawmuik ka piang gawng singax Aux heue.Mawh kheu haktiex tak sang mawh pa grum naog ka krax pa tawng pa yung ka Siyiex, awm kheem rawm ka rawm sigrit sigra heue.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 32:16

Khaix an pa rahsee tak koe ka daux tiagtu mai pa mawh meh ak koe ka sipeem plix khankix.

ISAYAX 60:14

Kawn simex pui pa hoik yuh krax kha rhawm ka maix khankix, tak hoek num kaing tix ka maix mai pui khawmuik pa hoik nu nai ka maix, tak krub hawt caong maix, kix tak kok maix, mawh veng Siyiex, veng Zion cie Siyiex pa singax singeh ceu pui Isarelax heue.

ISAYAX 65:25

Sox la mai kawn yung tak sawm tau, sivai sangsi tak ih rib awm mawie, phawng tiex tak mawh pa ih siuing heue. Kix tak ang koe krax mat yuh paox tix mai ang koe krax laux leeing ka piang gawng pa singax singeh Aux khawmuik, Siyiex ah nin heue.

ISAYAX 66:20

Kix tak sang viex puxaik pex khankix hoek khaing daux haktiex tang meung khawmuik, ka piang brung mai ka daux ling lawx brung mai ka daux khreng klawm khankix mai ka piang la mai ka piang kala uk khankix, bleeh ka gawng pa singax Aux, veng Yerusaliem son krax pa tan ka Siyiex awm viex kawn praix ceu pui Isarelax khankix krax tan hoek ka daux tawg klong pa singax mai laig ka daux nyiex bwan Siyiex. Siyiex ah nin,

ISAYAX 8:18

Jhak heue, aux mai khawm kawn praix pa hoik tawx Siyiex ka aux khankix, mawh mhai pa daox am ka daux ceu pui Isarelax khaing Siyiex Cao kru naing raoma, pa ot ka piang gawng Zion heue.

YERAMIX 14:9

Maix Cao lai yuh tix awm pui pa daox deng tix kaux awm pui pa ting riang rao pa ang pon tawx krax taoh, yuh ka mawx lie? Viang mawh nan, Maix Cao pa mawh Siyiex pa ot ka daux sigreung yix mai yix mawh pa hoik kok tix ka min ceu kaux Maix Cao, paw prah ka yix liak.

YERAMIX 26:18

“Mikha pui yaong Moreshiet hoik gruh krai lox jhai ka daux baux ju singaix Hezakiyax simiang meung Yudax mai krai ka pui haktiex Yudax khankix ka daux pa ah nin, Siyiex Cao kru naing raoma ah nin, gawng Zion tak thai ti awm gwang kaung, veng Yerusaliem tak sang mawh pum tiex khankix mai gawng nyiex bwan kawx tak sang awm nong yu heue.”

YERAMIX 31:23

Siyiex Cao kru naing raoma pa mawh Siyiex ceu pui Isarelax khankix ah nin, “Kix tak sang deeh shiao gumlox in ka daux meung Yudax mai ka daux veng khankix, yam deeh viex Aux kix hoek khaing krax pa giex laung, haktiex dee koe pa rahsee mai gawng pa singax singeh eue, kieh Siyiex nawb bwan ka maix heue.

YERAMIX 33:16

Ka daux singaix an, haktiex Yudax tak sang hoek krax taoh mai veng Yerusaliem tak sang yaox ti ot yiien yawg mai in mawh min ceu kaux pa sang kok ka veng an mawh “Simiang Siyiex mawh pa rahsee ex.”

YEZAKELAX 48:35

Tiag ti yaox hawt vung viang an khawmuik, koe tix mheen daix rheng sawk mai jah daux singaix an ceu kaux veng tak mawh Yehowa Shama, pa koe dee bleeh Siyiex ot tan heue.

DANYELAX 9:16

Siyiex eue, awm koe krax pa rahsee Maix, aux rawg mhaing ti khyox khaw heue. Kieh krax pa song rhawm Maix mai khawm krax pa kied saux rhawm Maix mawh pa veeh ti luan khaing veng Yerusaliem, pa mawh gawng pa singax singeh Maix heue. Grawh grawng nawh, kheu phimap yix mai krax pa lud keeing yix khankix, veng Yerusaliem mai pui Maix khankix hoik lih mawh ceu pa koe lox salao ka can pui pa ot hawt vung viang yix khawmuik heue.

YOLAX 3:17

Pex tak tawng ka mawh Aux Siyiex, pa mawh Siyiex pex, pa ot piang gawng Zion pa mawh gawng pa singax singeh Aux heue. Yam an veng Yerusaliem tak sang mawh pa singax singeh mai pui tang ceu khankix tak ang lai yaox ti tiang ka daux nawh khaix in heue.

YOLAX 3:21

Aux tak sang pawk bix ka nham phimap pa lih yuh kix, ka pui pa ang Aux nyang bax pawk bix ka pui pa koe map koe grham heue. Grawh grawng nawh, Siyiex ot piang gawng Zion heue.

MIKHA 4:1

Ka daux ngaix sidah sidu khankix, gawng nyiex bwan Siyiex, tak sang mawh pa kaux cong khaing gawng khankix mai tak sang mawh pa yaog ti lhaong khaing choek gawng khankix mai pui tak sang simeem ti lih hu ka gawng an heue.

ZEPHANIX 3:13

Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”

ZAKHARIX 1:16

Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 14:10

Haktiex khawmuik tak sang mawh pa hoik deeh tieh ti mawh awm daux lung Arabax, jah khaing veng Gebax tom hoek ka veng Rimmon, pa koe plak seh veng Yerusaliem heue. Veng Yerusaliem tak kawn mawh pa lhaong ot ka dah dee prim nawh, jah khaing ka siviex Benyamin tom hoek ka dee koe siviex phao ka mai hoek ka siviex daog veng mai jah khaing nyiex pau tab Hananelax, tom hoek ka dah dee biiet rawm plix siiet cie simiang heue.

ZAKHARIX 8:16

Inkix mawh ceu pa tak sang caw pex ti yuh, pex ku kaux krai lox pa mawh meh ka paox plawg tix khankix, yuh krax pa nhim ka daux diang siviex veng pex khankix heue.

ZAKHARIX 8:19

Krax twah pa ih ka daux khix pon mai khix phwan, krax twah pa ih ka daux khix liah mai khix kao, tak sang mawh krax nyawm rhawm mai krax pa gaux rhawm, mawh pawie krax gaux rhawm son nyiex ma ceu pui Yudax khankix heue. Mawh kheu nan, moh ka pa mawh meh mai krax pa nhim heue.”

YOHAN 1:14

Gumlox an hoik lih mawh Nex mai ot sinax ex, ex pon yaox min pakngai Nawh, pa awm min pakngai kawn Keeing Cao tix kaux khaing, pa naog bwanson pa mawh meh heue.

YOHAN 14:23

Yesux pawk lox ah nin ka nawh, “Phan pui moh ka Aux nawh tak sang priex ti hawt gumlox Aux, Keeing Aux tak moh ka kaw an, Yiex tak hoek ka nawh mai ot tau mai nawh heue.

2 KAWRINTHUX 6:16

Nyiex bwan Siyiex mai riang grang chix khaw paox tix yuh ka mawx? Grawh grawng nawh ex mawh nyiex bwan Siyiex pa im ju, awm pa khaw mai pa hoik ah Siyiex yuh nin, “Aux tak ot ka daux kix mai hu ka daux kix mai Aux tak mawh Siyiex kix mai kix tak mawh pui cie Aux heue.”

KAWLAWSIE 2:9

Grawh grawng nawh ka daux Nawh Cao hoik ot pa grum naog Simiang Siyiex khawmuik ka daux riang pak peung tokaux,

PLAK JHI 21:10

Nawh viex aux hu ka daux Khwan Cao, ka gawng pa kied ting lhaong tix mu mai jhi aux yaox veng Yerusaliem pa singax singeh, lih hoek khaing daux raoma khaing Siyiex,

PLAK JHI 21:27

Ceu pa seeing brai, phan ang mawh nan kaw pa yuh ceu pa greeing mai pa pie lhen ang pon ti laig tan, viang mawh nan mawh ngie kix pa hoik tiiem ka daux phuk lai pa im ju kawn Yung khaing pa pon ti laig kah heue.

PLAK JHI 21:3

Aux mhong lox pa ting pa sinum pa lih khaing daux dang ngeung ah nin, “Jhak heue, nyiex gox bwan man Siyiex koe tau mai kawn pui mai Nawh Cao tak sang ot tau mai kix mai kix tak sang mawh pui cie Nawh khankix mai tokaux Siyiex tak sang ot tau mai kix mai mawh Siyiex kix heue.