ZAKHARIX 8:22 - Wa Common Language Translation

²² Pui khankix tom nie mai ceu pui tang meung pa kied ting riang rao khankix, tak sang hoek ti sawg Siyiex cao kru naing raoma ka daux veng Yerusaliem mai sonsang rawg tix bwan ka plak sivoe Siyiex heue.”

ZAKHARIX 8:22 Iomraidhean Croise

YAOGYAW 68:30

Sidiex gau ka totiag pa caox pa vao, pa ot ka daux tiag priem ang ah mai cub phung mawie praix mai kawn mawie pa awn ju pa eei pui khankix, viex bliah mau mai krub ka Maix ka daux pa viex rhawm awn rhawm tiiem liak. Ceu pui pa simie ti yuh naing khankix, kieh prung prang hu kudah dee liak.

ISAYAX 2:2

Ka daux singaix bawg phao khaix, nyiex bwan Siyiex, tak sang pang tix ka piang choek gawng khankix mai tak sang yaog tix lhaong ka piang ton khankix mai can pui khawmuik tak lih hu ka tan heue.

ISAYAX 2:3

Pui khankix tom nie, tak hoek ah nin, “Hoek mai kieh ex haok ka piang gawng Siyiex, ka nyiex bwan Siyiex Yakop; Nawh Cao tak sang gau ex ka daux krax Nawh Cao mai ex tak lawng ka daux krax Nawh Cao heue. “Mawh kheu gumlox beenli tak lih khaing gawng Zion mai gumlox Siyiex tak lih hoek khaing veng Yerusaliem heue.

ISAYAX 25:7

Ka piang gawng in Nawh Cao tak sang yuh laux leeing ka ceu pa kheem ka pakngai pui khankix mai man tieb pa hoik lhop tix ka piang ceu pui khankix heue.

ISAYAX 49:22

Siyiex ah nin, “Jhak heue, Aux tak yaog taix tix, ka piang haktiex ku meung mai pak chix tix, son pui kuceu, kix tak klien kawn simex maix hoek mai kix tak pux kawn bun maix hoek ka piang klip tix.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

ISAYAX 55:5

Maix tak kok ceu pui pa ang maix sax tawng hoek mai ceu pui pa ang sax tawng ka maix khankix, tak to ti hoek ka maix, kheu jao Siyiex, pa mawh Siyiex maix, pa mawh Siyiex pa singax singeh ceu pui Isarelax heue. Mawh kheu Nawh Cao hoik yaog min pakngai maix heue.

ISAYAX 66:23

“Ngaix haok khix khraox ku ngaix mai ngaix twah ku twah, can pui khawmuik tak hoek ti krub ka sivoe ngai Aux.” Siyiex ah nin heue.

YERAMIX 4:2

Maix tak tiextu ti ah nin, ‘Awm im ju Siyiex,’ ka daux krax pa mawh meh mai ka daux krax prawng ca mai ka daux krax pa rahsee, ceu pui khankix tak nawb bwan ka daux Nawh Cao mai kix tak yaw rangdi ka daux Nawh Cao heue.”

MIKHA 4:2

Ceu pui tom nie tak sang hoek ah nin, “Hoek mai kieh ex haok ka piang gawng Siyiex, ka nyiex bwan Siyiex ceu pui Yakop heue. Nawh Cao tak sang gau ex ka daux krax Nawh mai ex tak sang hawt ti hu ka daux krax Nawh Cao heue. Grawh grawng nawh, gumlox beenli tak sang lih khaing gawng Zion mai gumlox Siyiex tak sang lih khaing daux veng Yerusaliem heue.”

MIKHA 4:3

Nawh Cao tak sang prawng ca ka daux sinax pui khankix tom nie mai sidiex gau ka ceu pui pa kied ting riang rao an pa koe ka dee singai heue, kix tak sang tawk vaig lawm tix deeh mawh to thai mai yuh pliah kix deeh mawh sivawg heue. Meung in tak ang lai yaog vaid tix puing ka meung an mai kix tak ang lai gau ti puing naing khaix in tibawg kawx heue.

HAGIE 2:7

“Aux tak sang yung yiang ceu pui khankix khawmuik mai ceu pui khawmuik tak sang yaox ti hoek ka krax pa koe rhawm rhi mai Aux tak sang kieh nyiex bwan in naog ka min pakngai heue. “Siyiex cao kru naing raoma ah nin.

ZAKHARIX 14:16

Pui pa kawn deuk khaing ceu pui khankix pa hoik hoek ti puing ka veng Yerusaliem, tak ang haok hu ku num sonsang krub tix ka Siyiex pa mawh Siyiex cao kru naing raoma mai sonsang yuh tix ka pawie nyiex gox bang heue.

ZAKHARIX 8:21

Pui pa ot daux veng in, tak sang hu ka daux pawie an mai ah nin “Kieh niied ti hu rawg bwan ka plak sivoe Siyiex mai sawg ka Siyiex cao kru naing raoma tokaux Aux kawx tak sang hu heue.”

KALATIX 3:8

Phuk lai sigang khri hoik grux yaox grawng Siyiex tak sang kieh pui tang ceu khankix hoek ka krax rahsee kheu krax yum rhawm, tom hoik grux sidiex lox bwan gaux rhawm ka Abraham ah nin, “Ceu pui khawmuik tak sang pon bwanson ka daux maix heue.”

PLAK JHI 15:4

Simiang eue, mawh mawx pa tak ang lhat mai ang yaogyaw ka ceu kaux Maix, mawh kheu mawh ngie Maix khaing pa singax singeh heue. Mawh kheu ceu pui khawmuik tak sang hoek mai krub ka sivoe Maix heue. Mawh kheu jhawm pa rahsee yuh Maix hoik sidawng heue.”

PLAK JHI 21:24

Ceu pui khawmuik tak sang hu ka greung pa riang veng an mai simiang haktiex khankix kawx tak sang viex min pakngai kix ka daux nawh heue.