ZAKHARIX 8:21 - Wa Common Language Translation

²¹ Pui pa ot daux veng in, tak sang hu ka daux pawie an mai ah nin “Kieh niied ti hu rawg bwan ka plak sivoe Siyiex mai sawg ka Siyiex cao kru naing raoma tokaux Aux kawx tak sang hu heue.”

ZAKHARIX 8:21 Iomraidhean Croise

2 GRAWNG BEEN 11:16

Khaix hoik lih hu cub pui Lewix, can pui khaing daux ru ceu pui Isarelax khawmuik, hoik tat rhawm ti sawg ka Siyiex ceu pui Isarelax, kix hoek ka veng Yerusaliem, sonsang appong kix krax tan ka Siyiex keeing kix dix heue.

YAOGYAW 103:22

Can pa phan pa deuh Nawh kudah kudee khawmuik eue, yaogyaw ka Siyiex heue. Ju aux eue, yaogyaw ka Siyiex heue.

ISAYAX 2:3

Pui khankix tom nie, tak hoek ah nin, “Hoek mai kieh ex haok ka piang gawng Siyiex, ka nyiex bwan Siyiex Yakop; Nawh Cao tak sang gau ex ka daux krax Nawh Cao mai ex tak lawng ka daux krax Nawh Cao heue. “Mawh kheu gumlox beenli tak lih khaing gawng Zion mai gumlox Siyiex tak lih hoek khaing veng Yerusaliem heue.

YERAMIX 31:6

Grawh grawng nawh, singaix yam tak sang kok yo pui pau veng khaing piang gawng Epharem, kaoh heue mai kieh ex haok piang gawng Zion, ka dee koe Siyiex pa mawh Siyiex ex heue.”

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

ZAKHARIX 7:2

Yam an pui veng Betelax hoik ploi ka Shareza mai Reganmeliet mai pui nawh khankix hu sonsang rawg tix bwan ka plak sivoe Siyiex,

ZAKHARIX 8:22

Pui khankix tom nie mai ceu pui tang meung pa kied ting riang rao khankix, tak sang hoek ti sawg Siyiex cao kru naing raoma ka daux veng Yerusaliem mai sonsang rawg tix bwan ka plak sivoe Siyiex heue.”

YOHAN 1:37

Kawncau ra kaux an mhong lox pa ah nawh mai kiex hawt khaix Yesux heue.