ZAKHARIX 8:16 - Wa Common Language Translation

¹⁶ Inkix mawh ceu pa tak sang caw pex ti yuh, pex ku kaux krai lox pa mawh meh ka paox plawg tix khankix, yuh krax pa nhim ka daux diang siviex veng pex khankix heue.

ZAKHARIX 8:16 Iomraidhean Croise

YAOGYAW 15:2

Pui pa hu ka daux krax pa rahsee mai pui pa yuh pa mhawm mai pui pa krai lox pa kaux sijax ka daux rhawm tix.

YAOGYAW 34:15

Grawh grawng nawh, ngai Siyiex jhak ka piang pui rahsee khankix mai yhaok Nawh nghiet ka lox pa rawg pa mhaing kix heue.

LOX KAB 12:17

Pui pa sikah lox pa mawh meh, chix jhi ka pa rahsee mai pui kham sakse pa ang mawh meh khankix, chix jhi ka ceu pa pie kheem heue.

LOX KAB 12:19

Siyieb jheeh pui pa kaux sijax, mawh pa kaux cong jheung jheung. dak pui pie lhen, mawh pa kaux tivud khaing.

ISAYAX 9:7

Krax pa haok hwan ting lhaong sibrawm Nawh mai krax pa nhim Nawh, tak ang koe dee sidah, ka piang dang ngeung simiang Davit mai ka piang meung haktiex Nawh, sonsang khre ti deuh mai pang ti deuh an kaux cong mai prawng ca ka daux krax pa rahsee, jah yam in hu sivoe ngai, tom hoek leeing ju heue. Krax pa kied koe rhawm koe rhi Siyiex Cao kru naing raoma tak yuh tix tawx in heue.

YERAMIX 22:3

Siyiex ah nin, “Prawng ca ka daux pa rahsee mai deeh taoh ka pui pa kham krax tud rhim khankix lih khaing daux tawm taix pui pa yeen ya. Paw yuh krax lud krax loe mai paw yuh krax pa kin ka nyo sinie mai ka pa ang koe miex koe keeing mai miexmai khankix mai paw kieh nham pui pa ang koe map koe grham jauh ka dee in heue.

YEZAKELAX 18:8

nawh ang sax tawx pui yaog mau sonsang pon rao, phan ang mawh nan, deeh ghaok rao mau mai hoik yoi taix tix ka pa lud mai pa prawng see ka paox kawn pui tix ka daux pa mawh pa meh,

YEZAKELAX 45:9

“Siyiex ah nin, cao kaing Isarelax khankix eue, fah rhawm heue, tik ceu pa yuh krax khin mai pa tud rhim mai prawng ca rahsee ka pa mawh pa meh, mai paw lai baox yuh krax kha rhawm ka piang pui Aux khankix, Siyiex ah nan heue.”

KRUB 19:11

Maix ang pon ti briex, ang pon ti sikah lox pa ang mawh ang meh mai ang pon tix pie lhen ka paox tix, tix kaux hoik tix kaux.

AMOT 5:15

Koeng ka pa caox, moh ka ceu pa mhawm, yuh ti deuh pa rahsee ka daux diang siviex veng heue. Phan yuh nan Siyiex pa mawh Siyiex cao kru naing raoma, tak sang koe krax caux rhawm ka ceu pui Yosiep, pa kawn deuk an khankix heue.

AMOT 5:24

Kieh ngie krax pa rahsee lih hu awm rawm mai kieh krax pa mawh meh awm rawm klawng pa kied riex riang heue.

MIKHA 6:12

Pui pa mag mi daux veng in mawh pa naog ka krax pa kin, pui pa ot ka daux veng an khankix hoik ah lox pie lhen mai dak daux jheeh kix mawh pa pie lhen heue.

MIKHA 6:8

Kawn pui eue, Nawh Cao hoik jhi maix yaox ka ceu pa mhawm mai mhaing Siyiex ceu patix khaing maix lie? Mawh son pa yuh maix krax pa rahsee mai sonsang moh ka krax pa caux rhawm mai sonsang koe krax pa tiem rhawm mai hu tix tau mai Siyiex ang mawh lie?

ZEPHANIX 3:13

Ceu pui Isarelax pa kawn deuk khankix, tak ang lai yuh pa ang rahsee mai ang lai sikah lox pie lox lhen mai dak pa luk liak luk le tak ang lai koe ka daux jheeh kix heue. Grawh grawng nawh, kix tak yaox ti ih nyaux mai yaox ti it nyawm mai tix kaux kawx, tak ang lai pon kieh kix koe krax lhat graung heue.”

ZAKHARIX 7:9

“Siyiex Cao kru naing raoma ah yuh nan, “Prawng ca ka daux krax pa mawh pa meh, jhi krax caux rhawm mai yuh ti tawx krax pa koe bwanson, ka puxaik tix ku kaux daux pui heue.

ZAKHARIX 8:19

Krax twah pa ih ka daux khix pon mai khix phwan, krax twah pa ih ka daux khix liah mai khix kao, tak sang mawh krax nyawm rhawm mai krax pa gaux rhawm, mawh pawie krax gaux rhawm son nyiex ma ceu pui Yudax khankix heue. Mawh kheu nan, moh ka pa mawh meh mai krax pa nhim heue.”

ZAKHARIX 8:3

“Siyiex ah nin, Aux deeh ing ka gawng Zion mai ot ka daux sigreung veng Yerusaliem heue. Veng Yerusaliem tak sang kok mawh veng pa kaux sijax, gawng Siyiex cao kru naing raoma tak kok mawh gawng pa singax heue.”

MATHIEX 5:9

Pui pa chix kieh raw pa simah simiang ka paox tix kieh yiien khankix, koe bwanson heue, kheu tak kok kix mawh kawn Siyiex.

EFESUX 4:17

Mawh kheu nan aux tom ah nin mai kham mhai ruk ka daux Simiang, son ang pex lai baox hu awm pa hu pui tang ceu ka pa nieb keud kix ceu pa giex going daux rhawm tix.

EFESUX 4:25

Mawh kheu nan tik ceu pa pie lhen, tix kaux lai tix kaux ah lox pa mawh meh ka paox plawg paox nyhawm tix, grawh grawng nawh ex tix kaux lai tix kaux hoik ra lai mawh kraung pak peung ka paox tix heue.

1 THESALONIX 4:6

pui tix kaux kawx, tak ang sang nieb nie luan yuh mai lud ka puxaik tix ka daux grawh grawng in, mawh kheu Simiang mawh cao pa ciyang ka ceu in khankix khawmuik, awm hoik grux krai ex mai hoik kham ex mhai ruk ka pex heue.

PLAK JHI 21:8

Viang mawh nan ka son pa lhat pa graung mai pa ang yum rhawm mai pa greeing mai pa mawh pa pah pui yum mai pa mawh pa lud vao mai pa mawh pa yuh simeed yuh sat mai pa mawh pa krub riang grang khankix mai can pa mawh pie lhen khawmuik, nyum cie kix tak mawh ka daux nhawng pa gleeing ka ngu mai mhat, pa mawh krax yum ra bawg tix bawg heue.”