ZAKHARIX 8:13 - Wa Common Language Translation

¹³ Nyiex ma ceu pui Yudax mai nyiex ma ceu pui Isarelax khankix eue, Awm hoik pon pex krax pa jhax lawg khaing ka daux sinax ceu pui khankix, mawh kheu nan, Aux tak sang taoh pex mai pex tak sang mawh pa koe bwanson heue. Paw kieh koe krax khi rhawm, kieh taix pex koe riang rao heue.

ZAKHARIX 8:13 Iomraidhean Croise

YAM JAH 26:4

Aux tak kieh doeh ru maix haoh hun awm simuing ka daux raoma. Aux tak sang tawx doeh ru maix cie haktiex in khawmuik, kheu jao doeh ru maix, can ceu pui piang haktiex in, tak sang pon bwanson ka heue.

YAOGYAW 44:16

Grawh grawng nawh aux mhong lox map, lox pa salao mai lox bak lox viang pui pa koeng khankix heue.

YAOGYAW 72:17

Ceu kaux Nawh tak kaux cong mai ting lhaong haok hwan jheung jheung tom ang singaix grai hu heue. Kawn pui khankix tak pon bwanson Nawh, pui tang ceu tak yaogyaw bwanson khawmuik heue.

YAOGYAW 79:4

Paox plawg paox nyhawm pa ot dex vung viang aux khankix, salao mai nyiah maung aux heue.

ISAYAX 43:28

Mawh kheu nan, Aux tak khlut ti tik ka simiang dee pa singax mai kieh pui Yakop pon krax pa jhax lawg mai pui Isarelax pon pa salao heue.”

YERAMIX 24:9

Aux tak kieh kix koe krax kha rhawm ka daux meung haktiex pui, ka lox salao pui mai ka lox jhax lawg pui, ka can dee hoik grheu Aux kix to heue.

YERAMIX 25:18

pa mawh pui veng Yerusaliem mai pui veng meung Yudax mai simiang mai cub cao kaing, kieh dee an mawh dee yiien pui, dee pa daox deng mai dee koe lox sibriem mai lox jhax lawg awm pa koe ka daux in singaix,

YERAMIX 26:6

Aux tak kieh nyiex bwan in awm Shilaw mai tak kieh veng in mawh dee jhax lawg ceu pui piang haktiex khawmuik.”

YERAMIX 29:18

Aux tak hawt pheet kix ka vaig lawm, ka sibhawm praix mai ka jhawm saux preng khankix mai Aux tak sang ap kix hoek ka daux krax pa kha rhawm daux sinax meung haktiex an khankix khawmuik pa koe piang ca haktiex sonsang mawh pa jhax lawg mai pa daox deng pui ka mai pa sibriem pui ka mai pa ang koe min plakngai, sinax ceu pui khankix, ka dee hoik grheu Aux ti tik kix heue.

YERAMIX 33:24

Mawh ang pex sax keud ti yaox ka lox pa krai pui khankix pa ah nin lie? Siyiex hoik tik vud ka doeh nyiex ma pa hoik laug Nawh Cao ra cub, mawh kheu nunai kix ka ceu pui Aux, kix tak ang lai yaox tix mawh ceu pui ka plak sivoe ngai kix heue.

YERAMIX 42:18

Grawh grawng nawh, Siyiex Cao kru naing raoma pa mawh Siyiex ceu pui Isarelax ah nin, Awm hoik klup Aux krax song rhawm mai krax meet rhawm tix lih piang pui ot ka veng Yerusaliem khankix, awm an, Aux tak sang klup krax meet rhawm tix lih piang kix yam laig ot kix daux meung Ejiptux heue. Pex tak sang yaox ti kham pa jhax lawg, pa daox deng, pa nunai mai lox sibriem mai pex tak ang lai pon ti yaox ka dee in khaix in tix bawg kawx heue.

YERAMIX 44:12

Aux tak teei pui Yudax pa kawn deuk khankix, pa veeh pakngai tix sonsang laig ka daux meung Ejiptux mai sonsang bang tan mai kix tak yaox krax laux leeing mai yum ka daux meung Ejiptux tan heue. Kix tak laux leeing ka vaig mai ka sibhawm praix heue. Jah ka pui iak tom hoek ka pui ting, kix tak yum ka vaig mai sibhawm praix mai kix tak sang yaox ti kham pa jhax lawg pa daox deng mai pa salao mai lox sibriem heue.

YERAMIX 44:22

Mawh kheu nan, Siyiex ang lai pon gun yeung ka an tom rheung, kheu jao pa caox yuh pex mai pa seeing brai pa lud pex heue. Mawh kheu nan, haktiex pex tom mawh dee yiien pui mai dee pa daox deng mai dee jhax lawg mai ang lai koe pui ot ka tix kaux kawx, awm pa koe daux in singaix heue.

YIIEM DOE 4:15

Pui kok yo ka kix ah nin, “Hu dee singai heue. Pex pa ang singax singeh khankix eue, hu luan dee singai heue, paw krox teeh ka yix!” Yam hoik to kix mai yam hoik vung viang kix tix hu, pui ankix pa ot ka daux sinax ceu pui khankix ah nin, “Kix ang lai pon tix ot tin heue.”

YEZAKELAX 34:26

“Aux tak kieh kix ot rawb rim gawng Aux mai pon bwanson pa nawb Aux, mai tak kieh lhiex lih ka daux bawg yam kix mai lhiex bwanson tak sang lih tan heue.”

YEZAKELAX 37:11

Nawh Cao ah nin ka aux, “Kawn pui eue, si-ang inkix mawh cub nyiex ma pui Isarelax khankix, jhak heue, kix ah nin, si-ang yix hoik mawh pa kroh mai krax keud pot jun pot yix hoik grai, mai tokaux yix hoik laux leeing heue.”

YEZAKELAX 5:15

Mawh kheu nan an tak sang mawh pa salao sibriem pui mai krax pa tang pui phimap mai pa tawx krax gau krax sawn mai pa daox am, ka ceu pui pa hawt ot hawt vung viang maix khankix, yam tawx Aux krax ciyang ka piang pex tau mai krax pa song rhawm tix, ti sang koe lox ne ka pex khankix heue. Aux pa mawh Siyiex hoik krai ah nin heue.

DANYELAX 9:11

Mawh heue, ceu pui Isarelax khawmuik hoik lud mai tang hu khaing been Maix Cao mai ang koe krax cu nghiet ka lox Maix Cao heue. Mawh kheu nan, krax pa jhax lawg mai krax pa tiextu, pa hoik tiiem ti ka daux gumlox been Mose, pa mawh kawncau Siyiex hoik glup piang yix, kheu hoik lud yix ka Nawh Cao heue.

MIKHA 5:7

Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

ZEPHANIX 3:16

Ka daux singaix an, tak sang koe lox ka veng Yerusaliem ah nin, paw koe krax khi rhawm mai ka gawng Zion paw kieh taix maix mawh pa awn riang heue.”

ZEPHANIX 3:20

Ka daux bawg yam an, Aux tak sang deeh viex pex hoek, kraix khrawm pex tau heue. Grawh grawng nawh, aux tak sang tawx maix koe krax pa ao min mai krax pa yaog yaw, ka daux sinax pui piang haktiex khawmuik, yam dee viex Aux pui pa giex laung pex khankix hoek ka daux plak sivoe ngai maix. Siyiex ah nan heue.

HAGIE 2:19

“Mawh kawn koe nghox ka daux krao lie? Nhu plix siiet, khaox ruh, khaox plix kla jiang mai khaox sanlun khankix ang nyang bax koe plix heue. Jah ka daux in singaix hu sivoe, Aux tak sang nawb bwanson piang pex heue.

HAGIE 2:5

Awm koe gumlox pa hoik yuh Aux ti deuh sijax mukheu mai pex yam lih pex khaing daux meung Ejiptux, awm an khuan Aux tak ot ka daux sinax pex heue. Paw koe krax lhat graung awx! “

ZAKHARIX 1:19

Aux chawk ka kawncau Siyiex pa hoik sikah tau mai aux “Mawh inkix patix lie? “Nawh deeh pawk ka aux ah nin “Inkix mawh rung pa hoik prung prang ti tik haktiex Yudax, haktiex Isarelax mai veng Yerusaliem khankix heue.

ZAKHARIX 14:11

Pui khankix tak sang ot ka daux an mai krax pa jhax lawg tak ang lai koe khaix in heue. veng Yerusaliem tak sang mawh dee pa yiien yawg ot pui kah heue.

ZAKHARIX 8:15

Awm ka daux singaix inkix, Aux hoik tat rhawm rhi tix, sonsang yuh ceu pa mhawm ka veng Yerusaliem mai ka nyiex ma ceu pui Yudax khankix heue. Paw koe krax khi rhawm kah awx!

ZAKHARIX 8:9

Siyiex cao kru naing raoma ah nin “Kieh taix pex koe riang rao heue. Can pex pa hoik mhong ka gumlox inkix pa kaoh khaing daux jheeh cao jhai khankix, pa hoik krai ka daux singaix sum pex ti deuh num riah nyiex bwan Siyiex cao kru naing raoma heue.

ZAKHARIX 9:13

Aux hoik vaik ak Yudax mai hoik sau ti deuh te ka ak Epharem heue. Zion eue, Aux tak sang khrawh kawn simex maix hu puing ka kawn simex Helasax mai kieh maix awm vaid pui pa kied ting riang rao heue.”

1 KAWRINTHUX 16:13

Pau ti jhak heue, cung kaux cong ka daux krax yum rhawm, yuh kieh awm simex, kieh ting riang awx.

KALATIX 3:14

Son sang pon pui tang ceu khankix bwanson Abraham ka daux Cao Khrit heue. Son sang pon ex sijax mukheu grawng Khuan Cao, kheu krax yum rhawm heue.

PINGNYAP 26:19

Nawh Cao tak deuh maix lhaong piang ceu pui khankix, pa hoik phan hoik deuh Nawh Cao, ka daux krax pa yaogyaw mai ka daux krax pa ao min mai ka daux krax pa koe min plakngai mai sonsang kieh maix mawh ceu pui pa singax singeh, son Simiang Siyiex maix, awm pa hoik koe sijax mukheu Nawh Cao ka maix heue.

PINGNYAP 28:37

Mai maix tak lih ti mawh pa daox deng mai been lox tiag mai ka lox map lox sibriem, ka daux sinax ceu pui khankix, ka dee sang grheu Simiang Siyiex maix hu,