ZAKHARIX 7:5 - Wa Common Language Translation

⁵ “Maix krai pao ka pui haktiex khankix khawmuik mai ka cao giex kaing li khankix ah nin, yam hoik twah pex pa ih mai yam khi rhawm pex ti yiiem ka daux khix phwan mai khix aliah glang daux atixgliah num khankix, khex ruk mawh hoik twah pex pa ih ka son Aux tete lie?”

ZAKHARIX 7:5 Iomraidhean Croise

2 SIMIANG 25:23

Yam hoik mhong cub cao kaing kru naing khankix mai pui kix khawmuik, ka hoik yaog simiang Babulon ti kieh Gedaliyax mawh cao pa kwang haktiex, kix hoek ka Gedaliyax ka daux veng Mizapa, tau mai Ishamelax, kawn simex Netaniyax, Yohanan kawn simex Khareyax mai Serayax kawn simex Tanhumiet pa mawh ceu pui Netawphah mai Yazaniyax kawn simex ceu pui Makhatix tix kaux, kix mai pui kix khawmuik heue.

2 SIMIANG 25:25

Ka daux khix aliah Ishamelax kawn simex Netaniyax, pa mawh kawn simex Elishama khaing daux nyiex ma doeh simiang hoek tau mai pui kao kaux nawh pah ka Gedaliyax yum, khawm pui Yudax mai pui Khaladie khankix pa ot tau mai nawh ka daux veng Mizapa heue.

ISAYAX 43:23

Pex ang lai viex yung, sonsang yuh krax tan pa gleeing ka Aux mai ang lai tawx min ka Aux ka daux krax tan pa yuh tix, Aux ang tie kieh pex nyhap mao mai yuh krax tan mai ang lai taug mao kheu tok nyawng bhawng.

ISAYAX 58:3

Kix ah nin, “Ex hoik twah pa ih mai Maix Cao ang yaox yuh ka mawx lie? Ex hoik gun rhawm rhi tix mai Maix Cao ang tie deuh tix tawng yuh ka mawx lie? Jhak heue, ka daux singaix twah maix pa ih maix yuh krax pa nyawm rhawm tix mai cau ti ih pui yuh kaing maix khankix ka daux krax pa taug pa mao heue.

YERAMIX 25:11

Haktiex in khawmuik khawm leeing, tak sang mawh dee yiien pui mai ceu pa daox deng ka mai ceu pui in khankix tak yuh kaing jhaw simiang Babulon atixgliah num heue.

YERAMIX 29:10

Grawh grawng nawh, Siyiex ah nin, khaix hoik naog atixgliah num ka daux veng Babulon, Aux tak sang hoek kia ngien mai yuh lox sijax mukheu pa mhawm Aux naog ka pex mai kieh pex deeh hoek ka dee in heue.

YERAMIX 52:12

Ka daux khix phwan kao singaix, num kwang simiang Nebukhaneza veng Babulon kao dim num tix num, Nebuzaradan cao kaing naing piang pui naing pa pau simiang, Babulon khankix hoek bleeh ka veng Yerusaliem heue.

DANYELAX 9:2

ka daux num jah nawh kwang ka haktiex, aux pa mawh Danyelax hoik tawng grawng phuk lai gumlox Siyiex pa hoik tawx ka cao jhai Yeramix, sonsang grum naog yuh Nawh Cao grawng ceu ankix ka daux atixgliah num, ka daux dee pa laux leeing veng Yerusaliem an khankix heue.

HOSE 7:14

Kix ang tie kok yo ka Aux khawm rhawm tix, yam ngia kix ka piang ku it kix. Kix kraix khrawm paox tix tau son nghox koi mai rawm plix siiet pa khraox mai kix deeh yaog ti deeh tieh feen ka Aux heue.

ZAKHARIX 1:12

Khaix an, kawncau Siyiex hoik deeh pawk lox ah nin “Siyiex kru naing raoma eue, Mawh ang Maix lai koe krax caux rhawm ka veng Yerusaliem mai ka veng Yudax khankix, ka piang hoik koe krax pa song rhawm Maix atixgliah num inkix rheung miex ding lie?”

ZAKHARIX 7:3

sonsang chawk tix ka cao giex kaing li khankix, pa koe ka daux nyiex bwan Siyiex cao kru naing raoma mai ka cao jhai khankix ah nin. “Mawh kawn sang ot ex ti yiiem ka daux khix num pa hoik luan khankix tom nie lie? Awm krax pa hoik yuh ex daux num pa hoik luan khankix tom nie lie?

ZAKHARIX 7:4

Gumlox Siyiex cao kru naing raoma hoik hoek ka aux ah nin.

ZAKHARIX 7:6

Pex ih mai nyaux mawh ang pex ih mai nyaux son tokaux pex lie?

ZAKHARIX 8:19

Krax twah pa ih ka daux khix pon mai khix phwan, krax twah pa ih ka daux khix liah mai khix kao, tak sang mawh krax nyawm rhawm mai krax pa gaux rhawm, mawh pawie krax gaux rhawm son nyiex ma ceu pui Yudax khankix heue. Mawh kheu nan, moh ka pa mawh meh mai krax pa nhim heue.”

MATHIEX 23:5

Pa yuh kix khawmuik kix yuh sonsang yaox kawn pui khaing heue. Kheu ceep kix sibex pa vieh hau, pa sau ti deuh lai Siyiex, pa mawh sibex ting ciem tai ka heue.

MATHIEX 6:16

“Lheu khaing in, yam twah pex pa ih, paw kieh voi pakngai awm pui pie lhen khankix, mawh kheu kix yuh pakngai kix ang nyawm ti jhak, sonsang kieh pui yaox kix twah priex tix heue. Aux krai lox tete ka pex, kix hoik pon bwanson cie kix heue.

MATHIEX 6:2

Mawh kheu nan, yam yuh pex pa tan, paw phlu teettawng hu sivoe pex, awm pa yuh pui pie lhen khankix ka daux nyiex sidiex khankix mai ka daux krax khankix, sonsang pon kix min plakngai khaing kawn pui. Aux krai lox tete ka pex, kix hoik pon bwanson kix heue.

MATHIEX 6:5

“Yam rawg pex bwan, pex paw yuh awm pui pie lhen khankix, kheu moh kix ti cung mai rawg bwan ka daux nyiex dee sidiex khankix mai ka gah krax, sonsang kieh pui yaox ka tix heue. Aux krai lox tete ka pex, kix hoik pon bwanson kix heue.

1 KAWRINTHUX 10:31

Mawh kheu nan pex ih ang ah, nyaux ang ah, pex yuh ceu patix ang ah, yuh sonsang koe min pakngai Siyiex kah heue.

2 KAWRINTHUX 5:15

Nawh Cao hoik yum son khawmuik, kix pa im tak ang lai baox im ka tokaux tix tiru, son sang im ka Nawh Cao pa hoik yum son kix mai pa hoik deeh kaoh im heue.

KAWLAWSIE 3:23

Pex yuh patix ang ah, viex rhawm coca ti yuh, awm pa yuh son Simiang Siyiex, paw yuh awm pa yuh son kawn pui heue.