ZAKHARIX 7:3 - Wa Common Language Translation

³ sonsang chawk tix ka cao giex kaing li khankix, pa koe ka daux nyiex bwan Siyiex cao kru naing raoma mai ka cao jhai khankix ah nin. “Mawh kawn sang ot ex ti yiiem ka daux khix num pa hoik luan khankix tom nie lie? Awm krax pa hoik yuh ex daux num pa hoik luan khankix tom nie lie?

ZAKHARIX 7:3 Iomraidhean Croise

EZARAX 3:10

Yam yaog cao sum nyiex khankix jaong num nyiex bwan Siyiex, cao giex kaing li khankix cung khawm kraung ceep tix mai teettawng khankix, pui Lewix mai kawn praix Asapha khankix, hoik cung tan tau mai tauh chiang sonsang yaogyaw ka Siyiex awm koe been phing beenli pa hoik deuh Davit simiang ceu pui Isarelax heue.

SIDIEX 3:4

koe bawg yam yiiem mai koe bawg yam nyiah, koe bawg yam khi rhawm mai koe bawg yam graoh,

HOSE 4:6

Pui Aux khankix hoik laux leeing kheu ang kix koe pingnya cuyi mawh kheu maix hoik thiang ti tik pingnya cuyi, Aux kawx tak sang thiang ti tik maix khaing pa mawh maix cao giex kaing li Aux, mawh kheu hoik piawm maix ka beenli Siyiex Cao maix, Aux tak sang piawm ka kawn praix maix khankix heue.

YOLAX 2:17

Kieh cao giex kaing li pa yuh kaing jhaw Siyiex khankix, yiiem sinax sidub nyiex mai dee koe khu dee tan mai ah nin “Siyiex eue, caux rhawm ka pui Maix liak lox salao, son ang pui tang ceu pon ti kwang piang kix, maix lai sang grham pui tang meung ah nin, Siyiex kix koe dee mawx lie?”

HAGIE 2:11

Siyiex cao kru naing raoma ah nin, mhaing ti yaox cao giex kaing li ka son grawng gumlox beenli ah nin,

ZAKHARIX 7:4

Gumlox Siyiex cao kru naing raoma hoik hoek ka aux ah nin.

ZAKHARIX 7:5

“Maix krai pao ka pui haktiex khankix khawmuik mai ka cao giex kaing li khankix ah nin, yam hoik twah pex pa ih mai yam khi rhawm pex ti yiiem ka daux khix phwan mai khix aliah glang daux atixgliah num khankix, khex ruk mawh hoik twah pex pa ih ka son Aux tete lie?”

ZAKHARIX 8:19

Krax twah pa ih ka daux khix pon mai khix phwan, krax twah pa ih ka daux khix liah mai khix kao, tak sang mawh krax nyawm rhawm mai krax pa gaux rhawm, mawh pawie krax gaux rhawm son nyiex ma ceu pui Yudax khankix heue. Mawh kheu nan, moh ka pa mawh meh mai krax pa nhim heue.”

MALAKHIX 2:7

“Siyieb jheeh cao giex kaing li, khaw ti koe krax priex rien ka pingnya mai pui khankix tak sang sawg ti yaox gumlox been khaing daux jheeh nawh, mawh kheu nan mawh cao cau Siyiex cao kru naing raoma heue.

MATHIEX 9:15

Yesux ah nin ka kix, “Nyo ka paox khankix, sang chix ngau kix yam kawn ot kix mai kaw pa yuh kapaox lie? Viang mawh nan, singaix tak sang teei hu ka kaw pa yuh kapaox khaing kix tak sang hoek mai yam an kix tak twah pa ih heue.

1 KAWRINTHUX 7:5

Paw vi yuh ti ang cu ti tawx ka paox tix phan ang mawh ka pa hoik caw rhawm khawm ra kaux, ti yuh nan tix vong, sonsang teei bawg yam tix rawg bwan mai baox deeh ot mai paox tix khaix, phan ang mawh nan, ha Satan kox pon nyaw glaw pex, kheu ang pex pon ti priex rhawm tix heue.

PINGNYAP 33:10

Kix tak gau ceu pui Yakop khankix, ka lox tat jhawm prawng Maix Cao mai gau pui Isarelax khankix ka gumlox beenli Maix Cao, kix tak deuh nyawng bhawng plak sivoe Maix Cao mai pa appong kix son krax tan pa gleeing piang khu dee tan Maix Cao.