ZAKHARIX 7:14 - Wa Common Language Translation

¹⁴ “Aux tak prung prang ti tik kix ka bhaung kanglux, ka daux sinax ceu pui khankix pa ang kix nyang sax tawng heue. Mawh kheu nan, haktiex kix lih ti mawh dee hoik yiien grai hu pui khankix, tom ang pui tix kaux kawx lailing ing tiang ka dee an, grawh grawng nawh, kix hoik kieh haktiex pa mhawm an mawh dee pa laux leeing heue.”

ZAKHARIX 7:14 Iomraidhean Croise

2 GRAWNG BEEN 36:21

Sonsang grum naog gumlox Siyiex pa lih khaing jheeh Yeramix tom hoek sidah laux lee haktiex tix daux singaix twah nawh heue. Glang bawg yam kawn prah grham pui ka haktiex an, nawh pon ti twah klaung grum naog atixgliah num heue.

YAOGYAW 58:9

Kieh kix awm khix braw pa phlu ngu mai aw pa ang tien tawng yam hax tix, yam im kix ang ah, yam hax kix ang ah, kieh bhaung tah kix hu liak.

ISAYAX 17:13

Pui kuceu khankix tak sinum awm pa kied ting riang kawx; viang mawh nan, Siyiex tak sidiex kix mai kix tak to tom hoek dee singai mai tak pheet kix awm kam ka piang gawng pa phlu bhaung mai awm phawng tiex pa phlu bhaung keu kang lu heue.

ISAYAX 21:1

Grawng gumlox pa plak jhi ka daux tiagtu hawt rawm sigrit sigra awm tah bhaung keu kang lux khaing plak seh, mawh kheu nan an hoek khaing daux tiag mhaik khaing haktiex pa kied koe krax pa lhat kah heue.

ISAYAX 60:15

Viang maix mawh pa hoik dawg tik vud mai pa hoik koeng, son ang pui tix kaux kawx hu laig ka maix, Aux tak yuh maix mawh ceu pa kied blon mhawm leeing ju, son krax gaux rhawm pui khankix ku ju heue.

ISAYAX 66:15

Jhak heue, Siyiex tak hoek awm ngu mai ling lawx naing bhaung Nawh, awm bhaung keu kang lux, sonsang jhi krax pa song rhawm Nawh awm taox ngu mai krax pa sivied gau Nawh awm rao ngu heue.

YERAMIX 12:10

“Cao liang yung khankix tom nie hoik laux yuh sipeem plix siiet Aux, kix hoik dik daux nyum cie Aux ka greem caong tix, kix hoik yuh nyum pa khaw rhawm Aux mawh dee yiien yawg daux tiagtu heue.”

YERAMIX 23:19

Jhak heue, bhaung keukanglux Siyiex hoik lih ka daux pa meet rhawm pa mawh bhaung keukanglux pa kied kin, An tak sang tah piang kaing pui caox caig heue.

YERAMIX 30:23

Jhak heue, bhaung keukanglux pa song rhawm Siyiex tak phlu tix hu sijheeng mai keukanglux an tak sang taih piang kaing pui pa caox caig khankix sigrien sigre heue.

YERAMIX 36:19

Khaix an cao kaing khankix ah nin ka Baruk, “Hu mai mox tix tau mai Yeramix mai paw kieh pui tix kaux kawx tawng ka dee ot maix heue.”

YERAMIX 44:6

Mawh kheu nan, krax meet rhawm meet rhi Aux mai krax song rhawm aux hoik klup lih mai hoik gleeing veng pa koe daux haktiex Yudax mai pa koe piang krax veng Yerusaliem khankix mai an khankix laux leeing mai mawh dee yiien pui awm pa hoik lih ti mawh ka daux in singaix heue.

YERAMIX 5:15

Siyiex ah nin, “Ceu pui Isarelax khankix eue, jhak heue, Aux tak sang viex ceu pui tix cub hoek khaing ka dee pa kied singai tix puing kix ka pex mawh ceu pui pa kied ting riang mai mawh ceu pui pa dawk koe tom dixdix, mawh pui ang pex tawng lox sikah kix mai ang tawng ka ceu pa krai kix heue.

YERAMIX 52:30

Ka daux num kwang Nebukhaneza ka haktiex daux tixnga loe num tix num, Nebuzaradan cao kaing naing piang pui naing pa pau simiang khankix, hoik viex pui Yudax khankix aliah yieh tixpon phwan kaux heue. Pui pa viex nawh khawmuik koe pui pon rheng liah yieh kaux heue.

YEZAKELAX 12:19

Ka pui haktiex khankix, Siyiex ah nin ka can pui pa ot ka daux veng Yerusaliem mai ka haktiex Isarelax.” Kix tak ih blah tau mai pa yaoh yee tix, nyaux tau mai pa daox am tix sonsang pon haktiex nawh ti luat luan khaing pa yiien si briem, kheu jao grawng pa kin yuh pui pa ot ka daux nawh khawmuik heue.

YEZAKELAX 22:15

Aux tak kieh maix prawng sinax ceu pui mai kieh maix tah hu ku sidah haktiex mai teei ti tik pa caox caig khaing maix heue.

YEZAKELAX 5:10

Mawh kheu nan, keeing khankix tak ih kawn simex tix ka sigreung pex mai kawn simex khankix tak ih ka keeing tix heue. Can pex pa kawn deuk khankix, Aux tak prung prangti tik pex ka bhaung pa hoek khaing ku plak heue.

DANYELAX 8:9

Khaing ka daux an kix tix mu, hoik baox kuah rung pa iak tix mu mai hoik lhaong hu sinyek sinyek ka plak seh mai ka plak lih singaix mai ka plak dee pa kied mhawm haktiex heue.

HOSE 9:17

Siyiex aux tak sang tik kix luan, kheu ang kix koe krax cu nghiet ka Nawh Cao mai kix tak sang mawh pui pa vung viang ti hu ka daux sinax ceu pui tang meung khankix heue.

YOLAX 2:3

Ngu proe ka plak sivoe kix mai rao ngu hax ka plak khaix kix, haktiex mawh pa awm sipeem Edin ka sivoe sang hoek kix mai ka khaix hoik hoek kix, hoik lih mawh daux tiagtu pa hoik laux leeing heue. Tak ang lai koe tix ceu kawx pa pon glawd khaing kix heue.

KRUB 26:22

Aux tak ploi totiag pa vao khankix, laig daux sinax pex mai kieh yuh laux ka kawn praix pex mai tobrie pex mai kieh ceu pui pex nie iak hu si pie mai krax lawng pex tak yiien.

KRUB 26:33

Aux tak kieh pex prung prang ka daux sinax ceu pui tang ceu, lawm vaig hawt pheet khaix pex, haktiex pex tak mawh pa yi mai veng pex tak hoek krax laux leeing.

AMOT 1:14

Aux tak sang keeig ngu ka piang guh veng Raba, pa tak sang proe ti tik nyiex haw nawh khankix ka daux singaix koe naing pa riag yo mai yam phlu bhaung ting kang lux heue.

NAHUM 1:3

Siyiex mawh pa ang yie song rhawm mai mawh pa kied ting sibrawm mai tak ang pluat phimap pui pa caox caig khawmuik heue. Siyiex hoik hu daux krax Cao Nawh, ka daux bhaung kang lux mai ka daux lhiex ting mai paiawm khankix mawh pa awm phawng tiex ka greem caong Nawh Cao heue.

HABAKUK 3:14

Maix teei pliah blung phlat ka kaing pa mawh cao kaing pui naing nawh khankix heue. Kix hoik lih hoek awm bhaung kang lux sang kieh aux prung prang, krax gaux rhawm kix, mawh krax pa sang jawm kiied kix ti ih pui hot shia ka daux pa glip heue.

ZEPHANIX 3:6

Aux hoik tat ti tik ceu pui khankix kuceu, nyiex tab lhaong kix mawh pa hoik laux, Aux hoik kieh daux krax daux laux kix mawh pa yiien grai hu pui, pa ang pui tix kaux kawx tiang ti hu heue. Veng kix mawh pa hoik laux leeing, pui tix kaux kawx ang lai koe ka daux mai pui pa ot kawx ang lai koe heue.

ZAKHARIX 2:6

“Kaoh heue, Kaoh heue, to ti lih hoek khaing haktiex plak blaong heue. “Siyiex ah nin heue. “Grawh grawng nawh, Aux hoik kieh pex prung prang awm bhaung pon plak daux raoma khankix heue. “Siyiex ah nan heue.

ZAKHARIX 8:1

Gumlox Siyiex cao kru naing raoma hoik hoek ka aux ah nin,

ZAKHARIX 9:14

Siyiex tak sang plak jhi tix ka piang kix mai te Nawh tak sang lih hu awm pluk plak praix heue. Siyiex tak sang phlu teettawng mai hu tau mai bhaung kang lux khaing plak seh heue.

PINGNYAP 28:33

Ceu pui pa ang maix sax tawng, tak teei ti ih plix khaox plix ox haktiex maix, khawm can ceu pa pon maix khaing riang tokaux ti mai maix tak mawh pa kham geu krax pa khin pa thux pui jheung jheung.

PINGNYAP 28:49

Siyiex tak viex ceu pui tix ceu khaing dee singai dee sidah haktiex mai kieh kix hoek puing ka maix, awm phai pu klang ting, pa mawh ceu pui pa ang maix sax tawng ka lox sikah kix.

PINGNYAP 28:64

Simiang Siyiex tak kieh pex prung prang rairuat sinax ceu pui khankix, jah ka haktiex plak in tom sidah hoek ka haktiex plak an mai maix tak yuh kaing jhaw siyiex tang kaux pa ang tokaux maix mai keeing maix sax tawng, pa mawh siyiex khaox mai siyiex simaox tan.

PINGNYAP 4:27

Simiang Siyiex tak kieh pex prung prang rairuat ka sinax ceu pui khankix mai pex tak deuk ka sinax pui tang ceu ceeix khaing ka dee grheu Simiang Siyiex ka pex.