ZAKHARIX 7:12 - Wa Common Language Translation

¹² Kix hoik kieh rhawm tix kiien awm siang simaox mai ang nghiet ka gumlox beenli mai ka gumlox pa hoik ploi Siyiex cao kru naing raoma hoek khaing khuan ka cao jhai khankix phao voe heue. Mawh kheu nan, krax pa kied song rhawm hoik hoek khaing Siyiex cao kru naing raoma heue.

ZAKHARIX 7:12 Iomraidhean Croise

2 GRAWNG BEEN 36:13

Nawh baox deeh tieh feen ka simiang Nebukhaneza, pa hoik yuh nawh krax pa tiextu ka Siyiex heue. Viang mawh kaw nan, nawh kieh ngawg tix kiien mai kieh rhawm tix kiien song sang deeh veeh nawh tix ing ka Siyiex ceu pui Isarelax heue.

2 GRAWNG BEEN 36:16

Viang mawh nan, kix nyiah ka cao cau Siyiex khankix, ang een gumlox Nawh Cao koe ceu mai nunai ka cub cao jhai Nawh Cao khankix tom hoik lih pa song rhawm Siyiex piang pui Nawh Cao khankix, tom ang lai pon pai ka heue.

YAWBAX 9:4

Siyiex mawh pa koe pingnya pa daox deng, koe sibrawm mai ting riang rao heue. Mawh pui mawx pa sang pon tiextu mai pon pex ka Nawh Cao?

YAOGYAW 50:17

Maix koeng ka lox pa sidiex gau Aux mai tik lox Aux plak khaix tix ang mawh lie?

LIH HU 7:13

Pharaw ca kawn koe rhawm kien mai nawh ang nghiet ka lox kix, awm pa hoik krai Siyiex heue.

ISAYAX 46:12

“Pex pa kiien rhawm pa singai khaing krax taoh eue, “Nghiet ka lox Aux.

ISAYAX 48:4

Mawh kheu Aux hoik tawng maix kiien rhawm mai ngawg maix mawh rhiem mai dongre maix mawh tawng lheung;

ISAYAX 6:10

Yuh rhawm rhi ceu pui inkix sivix mai yuh yhaok kix ang hiex mhong mai yip ngai kix phan ang yuh nan, kix tak chix yaox ka ngai tix mai chix mhong ka yhaok tix mai koe krax pa chix tawng, daux rhawm rhi tix mai deeh tieh tix sonsang cox moi heue.

ISAYAX 65:12

Mawh kheu nan Aux tak simin ti ap pex ka lawm vaig mai pex khawmuik tak gum kaing tix kham krax pa pah heue. Grawh grawng nawh, yam hoik kok Aux, pex hoik ang tie pawk heue. Yam sikah Aux pex ang tie nghiet. Pex hoik yuh ceu pa caox ka plak sivoe ngai Aux mai hoik laug ti teei ka pa ang Aux khaw rhawm ka heue.”

YERAMIX 17:1

Phimap ceu pui Yudax hoik tiiem tix ka gawng nam meug tiiem mai ka toeh siang simaox piang plah dieb rhawm kix mai piang rung khu dee tan khankix.

YERAMIX 17:23

Viang mawh nan, kix ang cu ang nghiet mai ang daong yhaok tix ka, viang mawh nan, hoik yuh ngawg tix kiien, son ang kix sang mhong mai ang rieb ka lox sidiex gau heue.

YERAMIX 26:19

Mawh hoik pah Hezakiyax simiang meung Yudax mai pui Yudax khankix nawh yum lie? Mawh ang Hezakiyax lhat graung ka Siyiex mai khyox khaw tix ka sivoe ngai Siyiex lie? Siyiex hoik deeh doh keud ka grawng pa dex dawd pa hoik krai pao Nawh Cao tix sang ciyang piang kix. Viang mawh nan, ex kawn ca yuh ceu pa caox pa kied ting piang tokaux tix heue.

YERAMIX 42:21

Aux hoik krai pao grawng an ka pex daux in singaix, viang mawh nan, pex ang lai cu nghiet ka lox Siyiex pa mawh Siyiex pex mai ka can pa hoik tawm Nawh Cao hoek ka pex khaing aux heue.

YERAMIX 5:3

Siyiex eue, ngai Maix Cao mawh pa simi ti jhak piang pa mawh meh ang mawh lie? Maix Cao hoik siviet tix gau ka kix, viang mawh nan, kix cu tix tieh loh rhawm tix, Maix Cao hoik yuh kix laux leeing, viang mawh nan, kix hoik thiang ti tik ka ceu pa sidiex gau maix heue. Kix hoik kieh pakngai tix lheu kiien khaing simaox, kix hoik thiang tix ang deeh ing heue.

YERAMIX 7:20

Mawh kheu nan, Siyiex ah nin, “Jhak heue, Aux rawg krax pa song rhawm tix mai krax meet rhawm tix piang baoh dee in, piang pui, piang tobrie, piang khaox daux tiagtu mai piang simie tiextug khankix. An tak proe mai ang lai chix yeet heue.”

YEZAKELAX 11:19

Aux tak tawx kix koe rhawm pa awm paox tix mai tak sau rhawm pa khraox ka daux kix mai teei rhawm pa kiien awm simaox lih khaing daux tokaux kix mai tawx rhawm nex pa awn ka daux kix,

YEZAKELAX 14:5

sonsang pon aux ti giex awm pa koe rhawm rhi nyiex ma ceu pui Isarelax. Mawh kheu kix mawh pa hoik singai hu khaing Aux, kheu jao grawng riang grang krub kix heue.”

YEZAKELAX 2:4

Kheu mawh kix kawn praix pa pu ngai mai pa kiien rhawm heue. Aux sang ploi maix hu ka kix mai maix tak ah nin ka kix, Siyiex ah nin heue.

YEZAKELAX 36:26

Aux tak tawx rhawm rhi pa khraox ka pex mai sau khwan pa khraox ka daux pex, Aux tak teei rhawm pa kiien awm simaox lih khaing daux nex pex mai tawx rhawm pa awn awm nex nham ka pex heue.

ZAKHARIX 1:2

“Siyiex hoik dawg kied song rhawm ka keeing pex khankix heue.”

ZAKHARIX 7:7

Mawh ang pex khaw ti koe krax cu nghiet ka gumlox pa hoik pao Siyiex ti krai khankix, khaing ka cao jhai khankix phao voe, yam veng Yerusaliem mai veng pa koe hawt vung viang nawh khankix hoik koe pui ot mai hoik haok hwan mai yam hoik ot pui ka baoh plak seh mai dee tiem tiex khankix lie?”

MATHIEX 13:15

Kheu rhawm pui ceu in hoik mumi, mai yhaok kix hoik du, mai ngai kix, hoik tawb tix, yuh ka mawx son ang kix sang yaox. Kheu son ang yhaok kix chix mhong, mai rhawm kix chix tawng mai deeh tieh hoek plak Aux, ti cox kix moi heue.

MAKUX 4:12

Mawh kheu nan viang kix yaox kawx, kix yaox mai ang yaox mai viang kix mhong kawx, kix mhong mai ang pon ti tawng, phan ang mawh nan ha kix kox deeh tieh hoek mai luan khaing phimap kix.”

LUKAX 8:12

Kix pa cod dex krax, mawh kix pa hoik mhong mai khaix an phicaox hoek mai teei lox bwan khaing daux rhawm kix, yuh ka mawx son ang kix sang yum rhawm mai son ang hoek krax taoh heue.

KAWNCAU 28:27

Kheu rhawm pui ceu in hoik sivix mai yhaok kix ang hiex mhong mai kix hoik yip ngai tix, son ang kix sang yaox mai son ang yhaok kix chix mhong mai son ang rhawm kix chix tawng, deeh tieh hoek sonsang cox Aux ti kieh kix moi heue.

2 PETRUX 1:21

Grawh grawng nawh lox jhai ang sax lih hoek kheu alo kawn pui tix bawg kawx, viang mawh nan Khuan Singax Singeh hoik kieh pui pa singax singeh khankix, krai lox pa kaoh khaing Siyiex heue.