ZAKHARIX 7:11 - Wa Common Language Translation

¹¹ “Kix ang cu ti nghiet mai hoik veeh klip tix mai hoik thox yhaok tix son ang sang mhong heue.

ZAKHARIX 7:11 Iomraidhean Croise

2 GRAWNG BEEN 33:10

Siyiex sikah mai Manashe mai cub pui nawh khankix, viang mawh nan, kix ang cu ang nghiet heue.

NEHAMIX 9:17

Kix hoik thiang mai ang nghiet mai ang doh keud ka pa daox deng pa hoik yuh Maix Cao ka daux sinax kix, viang mawh nan kix kieh ngawg tix cong mai ka daux pa tieh feen kix, kix hoik yaog ka cao kaing tix kaux, sonsang deeh ing ka dee yuh tix siliex ka daux meung Ejiptux, viang mawh nan, Maix Cao mawh Siyiex pa chix pluat ploi phimap mai pa chix tawx bwanson mai krax caux rhawm mai nhim ka daux pa song rhawm, pa grum naog ka daux krax caux rhawm mai ang lai tik lai vud ka kix heue.

NEHAMIX 9:26

Viang mawh nan kix ang cu nghiet mai hoik tieh feen ka Maix Cao mai tik vud ka lox tat jhawm prawng Maix Cao plak khaix tix mai hoik pah ka cao jhai Maix Cao khankix, pa sidiex gau kix sonsang veeh tix ing ka Maix Cao mai kix hoik yuh kaing pa salao pa kied ting lhaong heue.

NEHAMIX 9:29

Viang Maix Cao tawx satix sonsang deeh hoek kix ka lox tat jhawm prawng Maix Cao kawx, viang mawh nan, kix kawn koe krax ting rhawm ca nyhau mai ang cu nghiet ka lox tawm pingnyap Maix Cao khankix mai hoik lud ka grawng krax prawng krax ciyang Maix Cao khankix, awm pa khaw pui tix kaux, hawt jawh ti yuh mai im ju, kix hoik reek reen klip tix hoik kieh ngawg tix cong mai ang lai nghiet ka heue.

LIH HU 10:3

Mawh kheu nan, Mose mai Arun hoek ka Pharaw ah nin, “Mawh kheu Siyiex ceu pui Hebrie khankix ah nin maix ang cu ti deuh rhawm tiem sivoe ngai Aux, sang rheung miex ding? Kieh pui Aux lih hu, sonsang krub kix ka Aux.”

ISAYAX 28:12

Nawh Cao ah nin ka kix, in mawh ceu pa laux lee tix, pa sang kieh pui pa taug pa mao laux lee tix mai in mawh pa nyawm rhawm, viang mawh nan kix ang lai nghiet kah.

ISAYAX 46:12

“Pex pa kiien rhawm pa singai khaing krax taoh eue, “Nghiet ka lox Aux.

ISAYAX 6:10

Yuh rhawm rhi ceu pui inkix sivix mai yuh yhaok kix ang hiex mhong mai yip ngai kix phan ang yuh nan, kix tak chix yaox ka ngai tix mai chix mhong ka yhaok tix mai koe krax pa chix tawng, daux rhawm rhi tix mai deeh tieh tix sonsang cox moi heue.

ISAYAX 65:12

Mawh kheu nan Aux tak simin ti ap pex ka lawm vaig mai pex khawmuik tak gum kaing tix kham krax pa pah heue. Grawh grawng nawh, yam hoik kok Aux, pex hoik ang tie pawk heue. Yam sikah Aux pex ang tie nghiet. Pex hoik yuh ceu pa caox ka plak sivoe ngai Aux mai hoik laug ti teei ka pa ang Aux khaw rhawm ka heue.”

YERAMIX 11:10

Kix deeh veeh tix ing plak khaix ka pa lud yuh tax du kix pa thiang ti tik ka gumlox Aux mai ang nghiet mai kix lih hu hawt khaix siyiex tang kaux tang hak sonsang yuh kaing jhaw kix heue. Nyiex ma ceu pui Isarelax khankix mai nyiex ma ceu pui Yudax khankix hoik lieh ka gumlox sijax mukheu Aux, ka pa hoik yuh Aux ti deuh tau mai keeing kix heue.

YERAMIX 13:10

Ceu pui caox in pa thiang tix ang nghiet ka gumlox Aux khankix, pa hu awm rhawm keud cao tix mai pa hawt khaix Siyiex tang kaux tang hak khankix, sonsang yuh kix kaing jhaw mai krub ka ankix, tak sang mawh awm maox rawd nyoi keei in, pa ang lai chix tix shiao ka heue.

YERAMIX 17:23

Viang mawh nan, kix ang cu ang nghiet mai ang daong yhaok tix ka, viang mawh nan, hoik yuh ngawg tix kiien, son ang kix sang mhong mai ang rieb ka lox sidiex gau heue.

YERAMIX 17:27

“Phan pex ang cu nghiet ka Aux, ang deuh singaix twah mawh pa singax singeh mai viang ang viex beeh pa cien laig ka daux diang siviex veng Yerusaliem singaix twah kawx, khaix an Aux tak sang keeig ngu ka diang siviex veng khankix mai ngu an tak sang proe yuh nyiex haw simiang pa koe ka daux veng Yerusaliem mai ngu an tak ang lai chix yeet heue.”

YERAMIX 19:15

Siyiex Cao kru naing raoma, Siyiex ceu pui Isarelax ah nin, jhak heue, Aux tak sang viex krax kha rhawm pa krai pao Aux hoek, piang veng in mai piang veng pa kwang nawh khawmuik, kheu jao hoik kiien ngawg kix mai ang nghiet ka gumlox Aux heue.”

YERAMIX 35:15

Aux kaoh caocao mai baox ploi kawncau mau soi pa mawh cao jhai Aux khankix hoek ka pex ah nin, deeh veeh khaing krax pa caox yuh tix mai deeh cox jhawm tix mai paw lai hawt hu khaix siyiex tang kaux tang hak mai paw yuh kaing jhaw kix, khaix an pex tak yaox ti ot ka daux haktiex pa hoik tawx Aux ka pex mai ka keeing pex Viang mawh nan, pex ang lai daong yhaok tix mai ang cu nghiet ka Aux heue.

YERAMIX 36:31

Aux tak sang ciyang ka nawh, khawm daux nyiex nawh mai kawncau nawh khankix, ka grawng pa lud kix mai Aux tak sang tawx krax kha rhawm pa hoik krai pao Aux hoek piang kix mai ka piang pui pa ot ka daux veng Yerusaliem mai ka piang pui Yudax khankix, viang mawh nan, kix ang nghiet heue.”

YERAMIX 42:21

Aux hoik krai pao grawng an ka pex daux in singaix, viang mawh nan, pex ang lai cu nghiet ka lox Siyiex pa mawh Siyiex pex mai ka can pa hoik tawm Nawh Cao hoek ka pex khaing aux heue.

YERAMIX 44:16

“Awm gumlox pa hoik krai maix ka yix ka daux min ceu kaux Siyiex, yix tak ang lai nghiet heue.

YERAMIX 5:21

Pui caox caig mai pa ang koe krax tawng yung khankix eue, koe ngai ang chix yaox mai koe yhaok ang chix mhong heue.

YERAMIX 5:3

Siyiex eue, ngai Maix Cao mawh pa simi ti jhak piang pa mawh meh ang mawh lie? Maix Cao hoik siviet tix gau ka kix, viang mawh nan, kix cu tix tieh loh rhawm tix, Maix Cao hoik yuh kix laux leeing, viang mawh nan, kix hoik thiang ti tik ka ceu pa sidiex gau maix heue. Kix hoik kieh pakngai tix lheu kiien khaing simaox, kix hoik thiang tix ang deeh ing heue.

YERAMIX 7:24

Viang mawh kix hoik ang cu tix nghiet mai ang veeh yhaok tix, viang mawh nan, kix hu ka daux krax pa keud cao tix mai rhawm pa caox caig kix mai hoik deeh plak khaix mai ang hu plak sivoe heue.

YERAMIX 7:26

Viang mawh nan, kix ang cu tix nghiet ka lox Aux mai ang veeh yhaok tix, kieh ngawg tix kiien. Kix hoik nie lheu yuh pa caox khaing keeing kix heue.

YERAMIX 8:5

Kheu pui in pa mawh pui veng Yerusaliem khankix hoik tieh feen ka daux pa tieh feen tix leeing ju kheu jao grawng pa yuh ka mawx lie? Kix kawn cong ka daux pie lhen tix mai kix ca thiang tix ang lai deeh ing heue.

YEZAKELAX 14:5

sonsang pon aux ti giex awm pa koe rhawm rhi nyiex ma ceu pui Isarelax. Mawh kheu kix mawh pa hoik singai hu khaing Aux, kheu jao grawng riang grang krub kix heue.”

YEZAKELAX 3:7

“Viang mawh nan, ceu pui Isarelax khankix tak ang nghiet ka lox maix mawh kheu jao ang kix nghiet ka gumlox Aux heue. Mawh kheu ceu pui Isarelax, mawh pa pu ngai mai pa kied kiien rhawm heue.

YEZAKELAX 5:6

Veng Yerusaliem tieh feen ka grawng krax prawng ca Aux mai nie lheu yuh ceu pa caox caig khaing ceu pui an khankix mai nie lheu tieh feen ka lox lai beenli pa deuh Aux khaing haktiex pa koe hawt vung viang nawh khawmuik, mawh kheu kix hoik thiang ka grawng krax prawng ca Aux khankix mai ang lai hawt lawng ka lox lai beenli pa deuh Aux heue.”

DANYELAX 9:5

“Ex hoik lud mai koe phimap. Ex hoik yuh ceu pa caox mai hoik tieh feen ka Maix Cao mai hoik singai hu khaing daux been pa deuh Maix Cao mai khawm lox tat jhawm prawng Maix Cao khankix heue.

HOSE 4:16

Ceu pui Isarelax khankix mawh pa ang cu ti sug awm pheuk ka mawie shiang heue. Siyiex tak sang liang kix, awm liang kawn yung iak ka haktiex dee vieh va heue.

ZEPHANIX 3:2

Nawh ang nghiet ka gumlox Siyiex, nawh ang rieb ti teei krax pa sidiex gau ceu pa mhawm, nawh ang een rhawm tix ka Siyiex, nawh ang greed tix dex mai Siyiex tix heue.

ZAKHARIX 1:4

“Paw lai yuh awm keeing pex khankix, pa hoik kok cao jhai khankix ka phao voe ah nin, Siyiex cao kru naing raoma ah nin, deeh veeh tix yam in khaing daux krax pa caox caig yuh pex khankix heue.” Viang mawh nan, kix ang nghiet mai ang lai koe krax nghiet ka Aux heue. “Siyiex ah yuh nan heue.

MATHIEX 13:15

Kheu rhawm pui ceu in hoik mumi, mai yhaok kix hoik du, mai ngai kix, hoik tawb tix, yuh ka mawx son ang kix sang yaox. Kheu son ang yhaok kix chix mhong, mai rhawm kix chix tawng mai deeh tieh hoek plak Aux, ti cox kix moi heue.

KAWNCAU 7:51

“Pui pa cong ngawg mai pa ang pat hak ka daux rhawm mai yhaok eue, pex sidien ka Khuan Singax Singeh jheung jheung, pex yuh awm pa sax yuh tax du pex heue.

KAWNCAU 7:57

Viang mawh nan kix kok yo lox sinum mai thox yhaok tix mai kix khrawm paox tix tau mai hu plab ka nawh.

HEBRIE 12:25

Rien rhawm tix son ang pex lai mawh pa ang cu ti nghiet ka Kaw pa sikah heue. Grawh grawng nawh phan kix pa ang cu ti nghiet ka lox kaw pa tawx lox ne ka kix ka piang haktiex, ang pon ti luan kah, ex tak nie lheu ang pon ti luan phan ex veeh tix ang nghiet ka Kaw pa tawx lox ne khaing meung raoma,