ZAKHARIX 7:10 - Wa Common Language Translation

¹⁰ Paw yuh krax kha rhawm ka miexmai kawn doe, ka pui haktiex tang meung mai ka pui pa hot sia khankix awx! Paw kieh tix kaux kawx, koe krax pa sang yuh tix pa caox ka daux rhawm tix ka piang puxaik nawh heue.”

ZAKHARIX 7:10 Iomraidhean Croise

YAOGYAW 140:2

Kix keud ceu pa ang mhawm ka daux rhawm tix, kix cheeik naing koe ku singaix jheung jheung heue.

YAOGYAW 21:11

Grawh grawng nawh, kix keud ti yuh pa ang mhawm tang plak ka Maix, viang mawh nan, ceu pa nieb keud kix ti yuh khankix, lih ti mawh pa giex going heue.

YAOGYAW 36:4

Nawh keud ceu pa caox caig pa ang mhawm ka dee it tix mai nawh hawt ka daux krax pa seeing brai mai nawh ang seeing brai ka ceu pa caox khankix heue.

YAOGYAW 72:4

Kieh nawh prawng ca rahsee ka pui pa hot pa sibhawm mai teem ka pui pa ang kub ih khankix mai yuh laux leeing ka pui pa tuktiaktukte ka pui heue.

LIH HU 23:9

“Pex tak ang pon ti yuh pa khin ka nyo sinie, kheu hoik mawh pex nyo sinie ka daux haktiex Ejiptux, pex tawng rhawm rhi nyo sinie heue.”

LOX KAB 3:29

Phan ang tie koe ceu pa khi rhawm paw lai keud tix ceu pa ang mhawm, ka paox plawg pa ot dex maix awx.

LOX KAB 6:18

Rhawm pa chix keud pa ang mhawm tix ceu, caong pa phai to dee yuh phimap tix ceu.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

YERAMIX 18:18

Khaix an kix ah nin, “Hoek mai kieh ex keud grawng pa sang yuh tix ka Yeramix, mawh kheu nan, gumlox tat jhawm prawng ang lai grai khaing cao giex kaing li mai krax keud ang grai khaing pui koe pingnya cuyi mai lox jhai ang chix grai khaing cao jhai, hoek mai kieh ex puing nawh ka dak tix, paw lai kieh ex nghiet ka lox pie tix gum kawx heue.

YERAMIX 21:12

Nyiex ma simiang Davit eue, Siyiex ah nin, “Prawng ca rahsee plak ponngawb mai deeh taoh ka pui pa kham tud rhim, lih khaing daux tawm taix pui pa yeen ya, phan ang yuh nan, krax pa meet rhawm Aux tak sang lih awm ngu mai gleeing tom ang pui tix kaux kawx pon preet ka, kheu pa caox caig pa yuh pex khankix heue.

YERAMIX 49:11

Prah ka kawn nyawm pa ang koe miex keeing maix khankix, Aux tak sang priex kix im ju mai kieh miexmai khankix een rhawm tix ka Aux heue.”

YERAMIX 5:28

Kix hoik kluing mai plang ngai baoh, mawh heue. Kix baox nie lheu yuh kaing pa caox caig, kix ang prawng rahsee ka grawh grawng pui pa ang koe miex keeing khankix. Viang yuh nan kawx, kix ca kawn koe krax hwan mai kix ang tiebtie ka pa khaw caw pui pa cud cha khankix tix pon ka heue.

YERAMIX 7:6

phan pex ang nunai ka nyo sinie mai kawn nyawm ang koe miex keeing mai ka miexmai mai ang kieh nham pui pa ang koe phimap khankix jauh nham ka dee in mai ang hawt khaix siyiex tang kaux tang hak sonsang som nai bwanson tix ang ah,

YEZAKELAX 18:12

pa yuh krax khin ka pui pa hot sibhawm mai pui pa cud cha mai pa rhim ka kraung khrai pui ka daux pa kin mai pa ang lai deeh tawx ka kraung pa tang pui ka tix mai pa yaog ngai ti krub ka riang grang mai yuh ceu pa seeing brai,

YEZAKELAX 22:12

Ka daux maix koe pui rieb mau cun praok sonsang kieh nham jauh, maix tawx paox plawg tix yaog mau mai teei rao tom nie ka daux pa khin tix mai maix hoik piawm ka Aux, Siyiex ah nan heue.

YEZAKELAX 22:29

Pui haktiex kawx hoik yuh pa khin, hoik yuh con, mai hoik gut kheem ka pui pa hot sibhawm, pa cud cha, mai kix tuktiak tukte ka nyo sinie daux pa ang rahsee heue.

YEZAKELAX 22:7

Ka daux veng ang lai koe pui pa yungyi ka miex keeing tix daux sigreung maix tix kaux kawx, kix hoik yuh krax tuktiak ka daux sigreung maix, kix hoik yuh pa ang khaw ang caw ka kawn doe mai ka miexmai heue.

AMOT 4:1

Pex pa awm miex mawie Bashan khankix, pa ot ka piang gawng Samarix eue, pa yuh krax kha rhawm pui hot shia, pa yuh krax kha rhawm pui cud cha pa ah nin ka mex pex viex rawm plix siiet hoek! kieh ex nyaux liak! nghiet ka gumlox in heue.

ZAKHARIX 8:17

Paw kieh pex tix kaux kawx keud pa caox ka daux rhawm tix ka paox plawg pex mai paw moh ti yuh krax pa tiextu pie lhen, grawh grawng nawh, inkix mawh ceu pa koeng Aux kah heue. Siyiex ah nan heue.

MALAKHIX 3:5

Aux tak sang hoek dex pex, son krax ciyang, Aux tak sang mawh cao pa kham mhai rug pa kied phai, ka pui pa chix yuh phi yuh simeed khankix, ka pui pa phit vao, ka pui pa tiextu pie lhen, ka pui an kix, pa kheem ti ih ngawh kaing cao pa pon mau khankix mai ka pui pa yeen ya ti ih ka miexmai kawn doe mai ka pui an kix, pa nieb yuh ka nyo sinie khankix, kheu ang kix koe krax lhat graung ka aux heue. “Siyiex cao kru naing raoma ah nan heue.

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.

1 KAWRINTHUX 6:10

Pui briex ang ah, pui pa ghoing ang ah, pui pa yoek ka plai ang ah, pui pa salao ang ah, pui pa tud rhim ang ah, tak ang pon ti cie sin pa mawh meung Siyiex heue.

PINGNYAP 27:19

Kieh pa jhax lawg koe piang pui pa tieh lox prawng pa rahsee piang nyo sinie mai piang miexmai kawn doe khankix mai pui khawmuik deeh pawk lox mai ah Amen!

YAKOP 5:4

Jhak heue, mau riang pui pa hoik vawg ma kaung pex, pa hoik nieb pie pex ti ang tawx, kok yo heue. Lox yo pui vawg khankix, hoik laig ka yhaok Simiang cub kru naing raoma heue.

1 YOHAN 3:15

Pui mawx ang ah pa koeng ka puxaik tix, mawh pui pa pah pui yum heue. Pex tawng grawh grawng ju leeing ju ang ot ka daux pui pa pah pui yum tix kaux kawx heue.