ZAKHARIX 6:5 - Wa Common Language Translation

⁵ Kawncau Siyiex hoik deeh pawk lox ka aux ah nin, “Inkix mawh khuan daux raoma pon mu, pa lih hoek khaing dee cung kix ka plak sivoe Siyiex pa kwang haktiex khawmuik heue.

ZAKHARIX 6:5 Iomraidhean Croise

1 SIMIANG 19:11

Mai Nawh Cao ah nin, “Hu mai cung ka piang gawng sivoe Simiang Siyiex heue.” Simiang Siyiex tak lailing mai bhaung ting phlu ka gawng khankix mai kieh simaox max phawng ka plak sivoe Simiang Siyiex, viang mawh nan, Simiang Siyiex ang ot ka daux bhaung, mai khaix hoik bhaung, kla reem tok, viang mawh nan, Simiang Siyiex ang ot ka daux kla reem,

1 SIMIANG 22:19

Mikha deeh ah nin, “Mawh kheu nan, nghiet ka gumlox Simiang Siyiex, aux hoik yaox ngawm Simiang Siyiex ka piang dangngeung Nawh mai kru naing raoma khankix cung ka plak khawn dawm mai ka plak khawn gwiex Nawh Cao heue.

YAWBAX 1:6

Ka daux an tix ngaix yam hoek kawn simex Siyiex tix khrawm paox tix hoek ka plak sivoe Siyiex mai satan kawx rom ti hoek ka daux sinax kix heue.

YAOGYAW 148:8

ngu mai mu pre, rawm rha mai taox bhawm mai bhaung keu kanglux, nghiet ka lox Nawh.

YAOGYAW 68:17

Ling brung cie Siyiex pa nie lheu khaing kaing mheen kaing sien, lih hoek khaing gawng Sina mai hu ka dee ot pa singax singeh heue.

ISAYAX 54:5

Grawh grawng nawh, cao pa phan pa deuh maix mawh mex maix heue. Ceu kaux Nawh mawh Siyiex cao kru naing raoma mai cao pa taoh maix mawh Siyiex pa singax singeh ceu pui Isarelax heue. Nawh tak kok tix mawh Siyiex piang haktiex khawmuik khawm leeing heue.

YERAMIX 49:36

Aux tak viex bhaung pon ceu khaing pon daog raoma khankix hoek ka haktiex Elam mai prung prang kix luan ka sivoe bhaung an, haktiex dee ang pui Elam pa hoik grheu Aux khankix hoek kah, ang lai koe tix meung kawx heue.

YEZAKELAX 11:22

Yam an Cherubin khankix di pruik tix haok mai jaong ling khankix kawx hoik haok hawt praok kix mai min plakngai Siyiex ceu pui Isarelax hoik koe ka piang kix heue.

YEZAKELAX 37:9

Khaix an Nawh Cao ah nin ka aux, “Krai lox jhai ka bhaung, kawn pui eue, krai lox jhai mai ah nin ka bhaung Siyiex ah nin, bhaung pa kaoh khawm pon plak eue, hoek phlu ka si-ang inkix sonsang im ju pa yum inkix.”

DANYELAX 11:4

Yam yaog nawh ti kaoh, meung nawh tak sang jieh mai gwieh ti hu ka plak raoma pon daog mai ang lai mawh cie doeh ru nawh mai ang lai mawh awm sibrawm ka pa hoik kwang nawh, mawh kheu meung nawh tak sang mawh pa reeig tix lih mawh son pui tang kaux khaing doeh ru nawh heue.

DANYELAX 7:10

Krax jhan riang ngu hoik lih khaing plak sivoe ngai Nawh tix grawng, pui pa yuh ti tawx kaing jhaw ka son Nawh, koe kaing mheen, pui ankix pa cung ti ot ka plak sivoe Nawh koe kaing sien heue. Nawh hoik ngawm ti sang ciyang mai phuk lai grawng see khankix hoik paoh tix heue.

DANYELAX 7:2

Danyelax krai ah nin, “Aux yaox riang susai ka daux pon sawm mai yaox ka kaoh sijaox bhaung pon plak ka raoma, phlu piang rawm sigrit sigra ting heue.

ZAKHARIX 4:10

mawh pui mawx pa hoik ah lox salao ka singaix pa ting in mawh singaix pa iak lie? Ngai inkix aliah mu mawh ngai Siyiex pa tah jhak ka piang haktiex khawmuik khawm leeing, pui pa yaox ka maox tiag pa koe ka daux taix Zerubabelax tak koe krax gaux rhawm heue.

ZAKHARIX 4:14

Nawh deeh ah nin, kak khaox an ra kak, mawh pui pa hoik groi rawm bee ka piang pa cung hawt praok Siyiex, pa kwang ka haktiex khawmuik khawm leeing heue.”

ZAKHARIX 6:1

Aux yaog ngai tix jhak mai yaox ling lawx naing pon lhang hoik hoek khaing sinax gawng ra mu, gawng an hoik mawh gawng tawng lheung heue.

MATHIEX 18:10

“Rien rhawm tix paw nieb pon yuh ka kawn nyawm iak khankix tix kaux kawx, grawh grawng nawh, Aux krai ka pex, daux raoma kawncau Siyiex cie kix tak yaox pakngai pak baoh Keeing Aux pa ot ka daux meung raoma jheung jheung heue.

MATHIEX 24:31

Nawh tak sang ploi kawncau raoma cie tix hu mai lox teet tawng pa kied ting kied luah mai kix tak sang khrawm pui pa hoik laug mawh cie Nawh, khaing pon plak, jah dee sidah daog raoma tix plak, tom sidah hoek daog raoma plak an heue.

LUKAX 1:19

Kawncau Siyiex an deeh pawk lox ah nin ka nawh, “Aux mawh Gabrelax, pa cung sivoe Siyiex mai hoik ploi aux hoek sonsang sikah ka maix mai kieh aux viex lox gaux rhawm ceu in khankix ka maix heue.

HEBRIE 1:14

Kawncau Siyiex khankix khawmuik mawh khuan pa cau, pa hoik ploi ti yuh son kix pa tak sang pon ti cie sin krax taoh ang mawh lie?

HEBRIE 1:7

Nawh Cao ah nin ka grawng kawncau Siyiex khankix, “Nawh Cao yuh ti kieh kawncau Siyiex cie tix mawh bhaung mai kieh pui cau Nawh mawh rao ngu heue.”

YAWSUX 3:11

Jhak heue, khwi bwan sijax mukheu Siyiex leeing ju pa ting siawp sibrawm ka piang haktiex khankix khawmuik tak sang tiang ti hu ka plak sivoe pex ka daux rawm klawng Yawdan heue.”

PLAK JHI 7:1

Khaix ceu an aux yaox kawncau Siyiex pon kaux cung ka daog haktiex pon daog mai giex ka bhaung haktiex pon mu, yuh ka mawx son ang bhaung sang phlu ka piang haktiex mai ka piang rawm sigrit sigra mai ka piang khaox khankix tix gawng kawx heue.