ZAKHARIX 4:6 - Wa Common Language Translation

⁶ Nawh krai ka aux ah nin, in mawh gumlox Siyiex pa hoek ka Zerubabelax, ang tie mawh khaing ka daux pa kied ting riang rao mai khaing ka daux krax pa koe sibrawm, viang mawh nan, mawh pa kaoh khaing Khuan Aux heue. Siyiex cao kru naing raoma ah nan heue.

ZAKHARIX 4:6 Iomraidhean Croise

YAM JAH 41:16

Yosiep pawk lox Pharaw ah nin, “Ang mawh aux pa tang pon krai, Siyiex tak pawk ka dee bleeh camaox maix heue.”

1 SIMIANG 19:12

mai khaix hoik tok kla reem koe ngu, viang mawh nan, Simiang Siyiex ang ot ka daux ngu, mai khaix ngu koe lox koi sikah heue.

2 GRAWNG BEEN 14:11

Asa kok yo ka Siyiex ah nin “Siyiex eue, ka daux simex pui pa ting riang rao mai pui pa iak riang rao, lheu khaing Maix ang koe pui pa sang teem ka yix heue. Siyiex ex eue, Teem coi ka yix liak! mawh kheu yix een rhawm tix ka Maix Cao mai ka daux min ceu kaux Maix Cao yix tak hu puing pui pa hun in khankix heue. Siyiex eue, Maix Cao mawh Siyiex ex heue. Paw doh kieh pui pex ka Maix Cao liak!”

EZARAX 2:2

Can pui pa hoek tau mai Terubagelax khankix mawh Yawsux Nehamix, Serayax, Relayax, Modekhie, Bilashan, Misapa, Bizava, Rehum mai Banax heue. Carang ceu pui Isarelax khankix mawh awm in,

EZARAX 3:10

Yam yaog cao sum nyiex khankix jaong num nyiex bwan Siyiex, cao giex kaing li khankix cung khawm kraung ceep tix mai teettawng khankix, pui Lewix mai kawn praix Asapha khankix, hoik cung tan tau mai tauh chiang sonsang yaogyaw ka Siyiex awm koe been phing beenli pa hoik deuh Davit simiang ceu pui Isarelax heue.

EZARAX 5:2

Mawh kheu nan Zerubabelax kawn simex Shalatilax mai Yawsux kawn simex Yozadak kaoh mai jah tix sum nyiex bwan Siyiex pa koe ka daux veng Yerusaliem, mai cao jhai Siyiex khankix, hoik ot tau mai kix mai teem ka kix heue.

YAOGYAW 33:16

Simiang kaux pui mawx ang ah, pon krax nyawm rhawm kheu haoh hun pui naing ang mawh mai cao giex kaing naing pa hoek krax taoh mawh kheu ting riang ting rao tix ang mawh.

SIDIEX 9:11

Khaix an aux hoik jhak ti yaox ka greem singaix, pui pa phai to viang silah ti to kawx ang lai pex jheung jheung, pui ting riang ang lai pex ka naing jheung jheung, pui lhak pui haing ang lai yaox tix sak vaig jheung jheung, pui pa koe krax tawng yung ang lai magmi jheung jheung, pui pa min ka kaing jhaw ang lai koe min plakngai jheung jheung, viang mawh nan bawg yam mai akhwang pa chix pon tix ka son khawmuik heue.

ISAYAX 30:1

Siyiex ah nin, “Kieh krax kha rhawm koe ka kawn praix pa thiang lox,” “Pui pa tang yuh awm krax keud tix, ang mawh pa kaoh khaing Aux, pui pa yuh paox pie tau, viang mawh nan, ang mawh pa kaoh khaing rhawm rhi Aux, kix baox phimap ka piang phimap.

ISAYAX 32:15

Tom hoek bawg yam groi khwan singax khaing dee long ka piang ex mai daux tiag tu, dee lih mawh sipeem plix mai sipeem plix an, lih mawh nong khaox.

ISAYAX 34:16

Sawg ti yaox khaing daux phuk lai Siyiex mai phat ti yaox heue. Inkix pie tix mu kawx, tak ang koe krax cud krax cha, ang tix mu kawx tak ang koe krax cud krax cha ka son paox ku tix heue. Grawh grawng nawh, jheeh Aux hoik tawm ti deuh an mai Khwan Nawh Cao hoik kraix khrawm ka kix heue.

ISAYAX 59:19

Mawh kheu nan, jah khaing dee klip singaix pui khankix tak koe krax lhat graung ka cau kaux Siyiex mai jah khaing dee lih singaix kawx pui koe krax lhat graung ka min pakngai Nawh Cao, yam laig pui koeng khankix, awm krax pa kheem rawm ti hoek, bhaung cie Siyiex tak yaog ti hoek phai heue.

DANYELAX 2:34

Yam jhak maix lon simaox tix lon pa ang pui yuh ka taix tix lih dheem piang caong riang grang an, pa mawh rhiem tix plak mai tiex tix plak pot phawng heue.

HOSE 1:7

Aux tak sang koe krax caux rhawm ka nyiex ma ceu pui Yudax mai tak sang taoh kix ka Siyiex pa mawh Siyiex leeing ju kix mai ang mawh taoh kix ka ak mai ka vaid mai ka naing, ka brung khankix mai ka pui naing brung khankix heue.

HAGIE 1:1

Ka daux baux num kwang simiang Darix, ra num tix num daux khix liah, tix ngaix, gumlox Siyiex hoek ka cao jhai Hagie, krai ka Zerubabelax kawn simex Shelatilax, cao kwang veng Yudax mai ka Yawsux kawn simex Yehawzadax, cao kaing ting cub cao giex kaing li khankix mai ah nin heue.

HAGIE 2:21

Krai ka Zerubabelax pa mawh cao kwang veng Yudax ah nin, “Aux tak sang yung yiang raoma mai haktiex heue.”

ZAKHARIX 6:12

Siyiex cao kru naing raoma ah nin, “Jhak heue, Pui pa kok ceu kaux mawh nyoek kak khaox Davit, nawh tak sang yaog ti lih khaing dee ot tix mai nawh tak sang sum nyiex bwan Siyiex heue.

SIMIN 27:16

“Kieh Simiang Siyiex pa mawh Khwan ka piang kawn pui khankix laug pui tix kaux thung ka pui hun,

EFESUX 6:17

Teei mhok rhiem pa mawh ceu pa taoh, vaig Khuan Cao pa mawh gumlox Siyiex,

1 PETRUX 1:12

Hoik plak kieh kix tawng grawh grawng pa yuh kix ang mawh son tokaux tix, viang mawh nan mawh son pex, yam grux krai kix grawh grawng ceu pa hoik krai sidawng ka pex yam in, ka pui pa hoik sidiex gau lox bwan gaux rhawm ka pex, ka daux pa teem Khuan Cao pa hoik ploi lih khaing raoma heue. Grawh grawng ceu an khankix kawncau Siyiex mie ti jhak mai tawng heue.

1 SAMOELAX 14:6

Mai Yawnasan ah nin ka pui awn ju pa viex kraung naing tix, “Hoek heue, kieh ax tiang ka tab pau veng pa ang pat hak, tee rien Simiang Siyiex ti yuh tix ceuceu ka son ax, mawh kheu Simiang Siyiex tak ang mox tiebtie krax pa taoh Simiang Siyiex, viang pui nie ang ah, viang pui tux ang ah.”

1 SAMOELAX 17:47

Pui hun tak tawng Simiang Siyiex ang taoh pui ka vaig lawm mai pliah, mawh kheu pa yuh naing mawh cie Simiang Siyiex mai Nawh tak ap maix ka daux taix yix.”