ZAKHARIX 4:14 - Wa Common Language Translation

¹⁴ Nawh deeh ah nin, kak khaox an ra kak, mawh pui pa hoik groi rawm bee ka piang pa cung hawt praok Siyiex, pa kwang ka haktiex khawmuik khawm leeing heue.”

ZAKHARIX 4:14 Iomraidhean Croise

1 SIMIANG 17:1

Eliyax pui veng Tishabix pa ot meung Gilat ah nin ka Ahap, “Awm im ju Simiang Siyiex, Siyiex pui Isarelax pa krub aux kah, phan ang mawh khaing gumlox Aux, rawm ciex mai rawm lhiex tak ang koe ka daux num in heue.”

EZARAX 5:2

Mawh kheu nan Zerubabelax kawn simex Shalatilax mai Yawsux kawn simex Yozadak kaoh mai jah tix sum nyiex bwan Siyiex pa koe ka daux veng Yerusaliem, mai cao jhai Siyiex khankix, hoik ot tau mai kix mai teem ka kix heue.

YAOGYAW 110:4

Siyiex tiextu ti ah nin, “Maix mawh Cao giex kaing li leeing ju, awm pa khaw mai Melakhizediek.” Khaix in, ang koe rhawm pa tieh loh.

YAOGYAW 2:6

“Aux hoik deuh Simiang cie Aux, ka piang gawng Zion pa singax singeh cie Aux heue.”

YAOGYAW 89:20

Aux yaox siliex Aux Davit mai groi rawm bee pa singax singeh mai hoik laug ti deuh nawh heue.

LIH HU 29:7

Maix tak teei bee mai groi ka piang kaing nawh,

LIH HU 40:15

Maix tak groi bee ka kix, awm hoik groi maix ka keeing kix, sonsang yuh kix kaing cao giex kaing li Aux, ka can pa hoik groi maix bee khankix, tak mawh pa kieh kix yuh kaing cao giex kaing li tom sidah doeh ru kix tix ju hoik tix ju leeing ju.”

ISAYAX 5:1

Yam in kieh aux ah lai rhax son paox moh dud aux, lai rhax paox moh dud aux pa dex dawd mai sipeem plix siiet nawh heue. Paox moh dud aux koe sipeem plix siiet tix gwang, ka piang ton gawng pa kied mhawm phon heue.

ISAYAX 54:5

Grawh grawng nawh, cao pa phan pa deuh maix mawh mex maix heue. Ceu kaux Nawh mawh Siyiex cao kru naing raoma mai cao pa taoh maix mawh Siyiex pa singax singeh ceu pui Isarelax heue. Nawh tak kok tix mawh Siyiex piang haktiex khawmuik khawm leeing heue.

YERAMIX 49:19

Jhak heue, nawh tak sang kaoh awm sivai sangsi khaing daux tiag hawt rawm klawng Yawdan mai hoek ka dee ot pui pa kaux cong khankix heue. Viang mawh nan, Aux tak sang kieh nawh to sijaox khaing nawh heue. Aux tak laug mai yaog pui pa sang kwang piang nawh heue. Grawh grawng nawh, mawh pui mawx pa sang awm aux lie? Mawh pui mawx pa pon tat bawg yam piang Aux lie? Mawh cao liang yung mawx, pa pon cung ka plak sivoe Aux lie?”

KRUB 8:12

Nawh groi bee groi piang kaing Arun mai groi nawh ka bee sonsang singax singeh.

MIKHA 4:13

Kawn bun Zion eue, yaog ti kaoh dig ka nghox heue. Aux tak sang yuh rung maix ka rhiem mai Aux tak sang yuh kloh maix ka tawng lheung, maix tak sang tawk pui phawng tom nie mai teei sinngao kix tan ka Siyiex mai teei kraung khrai kix tan ka cao pa kwang ka piang ca haktiex khawmuik heue.

ZAKHARIX 6:13

Nawh tak sang sum nyiex bwan Siyiex, Nawh tak sang koe min pakngai mai tak sang ngawm ti kwang ka piang dang ngeung cao nawh mai krax keud krax sawn pa yuh paox pie ka daux krax pa nhim, tak sang koe ka daux sinax kiex khawm ra heue.”

ZAKHARIX 6:5

Kawncau Siyiex hoik deeh pawk lox ka aux ah nin, “Inkix mawh khuan daux raoma pon mu, pa lih hoek khaing dee cung kix ka plak sivoe Siyiex pa kwang haktiex khawmuik heue.

LUKAX 1:19

Kawncau Siyiex an deeh pawk lox ah nin ka nawh, “Aux mawh Gabrelax, pa cung sivoe Siyiex mai hoik ploi aux hoek sonsang sikah ka maix mai kieh aux viex lox gaux rhawm ceu in khankix ka maix heue.

PINGNYAP 10:8

Yam an Simiang Siyiex tang gwieh pui Lewix, tawx beeh glawm kieh klawm teug bwan sijax mukheu Simiang Siyiex, sonsang cung kix ka plak sivoe Simiang Siyiex mai yuh kaing jhaw son Nawh Cao mai sonsang nawb kix bwan ka daux min ceu kaux Nawh Cao tom hoek in singaix.

YAWSUX 3:11

Jhak heue, khwi bwan sijax mukheu Siyiex leeing ju pa ting siawp sibrawm ka piang haktiex khankix khawmuik tak sang tiang ti hu ka plak sivoe pex ka daux rawm klawng Yawdan heue.”

YAWSUX 3:13

Khaix hoik luan bawg yam an, yam tak dig tiag caong cao giex kaing li khankix, pa klawm khwi bwan sijax mukheu Siyiex, sibrawm pa ting lhaong Siyiex leeing ju ka piang hak tiex khawmuik, hoik lih koe ka daux rawm pa koe ka daux rawm klawng Yawdan dom mawx dom an mai rawm pa koe daux rawm klawng Yawdan pa lih khaing plak laong tak dud mai rawm khankix kaog ti ot awm guh heue.

PLAK JHI 11:4

In kiex mawh khaox Sanlun ra gawng mai jawk ten ra mu, pa jung sivoe Simiang Cao haktiex heue.

1 SAMOELAX 10:1

Khaix an Samoelax teei kawk rawm bee mai see piang kaing nawh mai ngheet ka nawh ah nin, “Pa groi Simiang Siyiex bee piang maix, sonsang mawh maix cao kaing piang sinngao Nawh Cao ang mawh lie?”

1 SAMOELAX 16:1

Simiang Siyiex ah nin ka Samoelax, “Mawh kawn sang khrup rhawm maix son Sawlux miex grheung aux hoik thiang nawh khaing pa mawh nawh simiang piang pui Isarelax ang mawh lie? Sau bee naog ka daux rung teet mai lih hu, Aux sang ploi maix hu ka Yessie, pui veng Bieliehiem, mawh kheu Aux hoik khre rien simiang son tix khaing sinax kawn simex nawh khankix.”