ZAKHARIX 4:10 - Wa Common Language Translation

¹⁰ mawh pui mawx pa hoik ah lox salao ka singaix pa ting in mawh singaix pa iak lie? Ngai inkix aliah mu mawh ngai Siyiex pa tah jhak ka piang haktiex khawmuik khawm leeing, pui pa yaox ka maox tiag pa koe ka daux taix Zerubabelax tak koe krax gaux rhawm heue.

ZAKHARIX 4:10 Iomraidhean Croise

2 GRAWNG BEEN 16:9

Mawh kheu ngai Siyiex hoik simi ti jhak plak in plak an piang haktiex khawmuik, sonsang jhi Nawh Cao krax pa koe riang rao Tokaux tix, son pui ankix pa koe rhawm pa kaux sijax ka Nawh Cao heue. Ka daux in maix hoik yuh ceu pa daox pa aw heue. Mawh kheu nan, jah yam in hu sivoe, naing sivai tak koe ka maix heue.

YAWBAX 8:7

Yam jah, viang maix hoik mawh pa iak kawx, dee sidah sidu maix tak ting lhaong haok hwan heue.

YAOGYAW 33:14

Nawh Cao ot ka dee ot tix, jhak ka kawn pui piang tiex khawmuik mai tawng ka kix heue.

LOX KAB 15:3

Ngai Siyiex koe kudah dee mai jhak ka pa mhawm mai pa ang mhawm heue.

LOX KAB 4:18

Krax pui rahsee khankix, awm bah riang praix, tom lih singaix mai lih jhan pa riang sipie heue.

ISAYAX 66:11

tak sang kieh pex koe krax fah rhawm mai peuex tix rawm teeih nawh tom sak, kieh pex pon min pakngai pa blon nie nawh mai koe krax gaux rhawm mai biiet tix rawm teeih pa kied haoh hun heue.

ISAYAX 66:14

Yam yaox pex ka in, rhawm pex tak koe krax gaux rhawm mai si ang pex tak hwan awm rib pa klai, taix Siyiex tak mawh pa sidawng tawng tix ka siliex Nawh mai khawm krax pa song rhawm Nawh ka pui koeng nawh khankix heue.

YERAMIX 16:17

Mawh kheu ngai Aux jhak piang krax hu kix khawmuik mai kix ang chix mox tix plak sivoe ngai Aux mai krax lud kix ang lai chix mox khaing ngai Aux heue.

YEZAKELAX 1:14

Totiag im ju an khankix to hu mai deeh hoek awm pluk plak praix heue.

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

AMOT 7:2

Yam hoik ih sido khankix ka rib haktiex an mai Aux hoik ah nin, “Siyiex leeing ju eue, aux khyox khaw Maix pluat ploi phimap liak, mawh kheu Yakop hoik iak riang rao, nawh tak sang pon cung yuh ka mawx lie?”

AMOT 7:5

Aux ah nin “Siyiex leeing ju eue, aux khyox khaw Maix deeh yoi ti deuh an liak, mawh kheu Yakop hoik iak riang rao, nawh tak sang pon cung yuh ka mawx lie?

HAGIE 2:3

Mawh pui mawx pa kawn deuk ka daux sinax pex, pa hoik yaox min pakngai nyiex bwan in glang ka in dix lie? mai yaox pex nawh yuh ka mawx yam in lie? Ang in mawh pa koe ka daux ngai pex, awm pa ang mawh tidtix lie?

ZAKHARIX 3:9

Jhak heue, Lon simaox pa hoik deuh Aux ka plak sivoe Yawsux, ka piang lon simaox an tix lon koe ngai kah aliah mu heue. Jhak heue, Aux tak sang saik ka lon simaox an mai Aux tak sang preet ti tik phimap haktiex an ka daux tix singaix ngie heue. “Siyiex cao kru naing raoma ah nan heue.

ZAKHARIX 9:1

Gumlox pa plak jhi Siyiex hoik sidah ka piang haktiex Hadarok mai ka piang veng Damase, ngai pui khankix mai doeh ceu pui Isarelax khankix maong ti jhak ka Siyiex heue.

LUKAX 15:32

Khaw ti yuh krax gaux rhawm mai gaux rhawm heue. Mawh kheu pux maix in hoik yum mai yam in hoik deeh im, nawh hoik grai mai yam in hoik deeh yaox heue.”

PLAK JHI 5:6

Ka sigreung dang ngeung an mai ka sigreung totiag pa im ju pon mu an mai ka sigreung kuad song khankix, aux yaox cung kawn Yung tix mu, awm pa hoik phah yum kah, pa koe rung aliah mu mai ngai aliah mu, pa mawh Khwan Siyiex aliah mu, pa ploi hu ka piang haktiex khawmuik heue.

PLAK JHI 8:2

Aux yaox kawncau Siyiex aliah kaux pa cung ka sivoe Siyiex mai tawx teettawng aliah mu ka kix heue.