ZAKHARIX 3:8 - Wa Common Language Translation

⁸ Yawsux pa mawh cao giex kaing li pa ting eue maix khawm paox pa ngawm ka plak sivoe maix khankix, nghiet heue. Kix mawh mhai rug pa daox deng heue. Aux tak sang kieh kawncau Aux, pa mawh nyoeg kak Davit hoek heue.

ZAKHARIX 3:8 Iomraidhean Croise

YAOGYAW 71:7

Viang aux awm ceu pa daox am sivoe ngai pui hun khankix kawx, Maix mawh dee deuh aux rhawm pa kaux cong heue.

ISAYAX 11:1

Riah num khaox Yessie tak deeh glaoh ti lih tix kak mai kak an glaoh mai ting lhaong khaing riah tix heue.

ISAYAX 20:3

Khaix an Siyiex ah nin, “Awm hoik lailing siliex Aux, pa mawh Isayax ti hu kakaong mai bhang caong tix loe num mawh son mhai rug mai krax pa daox am ka daux meung Ejiptux mai meung Ethiopiya;

ISAYAX 4:2

Ka daux singaix an, nyoig kak khaox Siyiex, tak mawh pa mhawm grang ti yaox mai pa koe min sibrawm mai plix piang tiex khankix tak mawh pa kied lheu mhawm mai pa fah rhawm son ceu pui Isarelax pa hoik pon glawd khankix heue.

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

ISAYAX 49:3

Nawh ah nin ka aux, “Maix mawh siliex Aux, pui Isarelax pa rieb Aux min pakngai kheu maix.”

ISAYAX 49:5

Yam in Siyiex, cao pa yuh aux jah tom daux vaig, sonsang mawh siliex Nawh Cao mai sonsang deeh viex Yakop hoek ka Nawh Cao, sonsang khrawm pui Isarelax ti hoek ka Nawh ah nin, mawh kheu aux rieb min pakngai ka daux ngai Siyiex mai Siyiex aux tak mawh riang rao Aux.

ISAYAX 52:13

Jhak heue, siliex Aux tak yuh kaing ka daux krax pa koe pingnya heue. Nawh tak mawh pa yaog ti ting lhaong mai tak mawh pa kied lhaong heue.

ISAYAX 53:11

Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.

ISAYAX 53:2

Mawh kheu Nawh tak haok hwan ka plak sivoe Nawh Cao, awm nyoig khaox pa awn mai awm riah khaox pa preung tix lih khaing daux tiex kroh heue. Nawh Ang koe pakpeung pa mhawm sonsang jhak ex ka Nawh ang koe krax pa mhawm grang sonsang simie ex ka Nawh heue.

ISAYAX 8:18

Jhak heue, aux mai khawm kawn praix pa hoik tawx Siyiex ka aux khankix, mawh mhai pa daox am ka daux ceu pui Isarelax khaing Siyiex Cao kru naing raoma, pa ot ka piang gawng Zion heue.

YERAMIX 23:5

Siyiex ah nin, jhak heue, singaix bawg yam khankix hoik hoek, Aux tak sang yaok ti kieh kak pa rahsee glaoh khaing Davit, pa mawh simiang tix kaux pa naog mai piangnya cuyi mai kwang, prawng ca ka daux pa rahsee mai pa mawh meh ka piang haktiex heue.

YERAMIX 33:15

Ka daux singaix bawg yam an, Aux tak kieh kak khaox pa rahsee lih glaoh ka son Davit, nawh tak sang prawng ca ka haktiex ka daux pa rahsee heue.

YEZAKELAX 12:11

Ah nin “Aux mawh mhai ka son pex awm pa hoik yuh aux an tak sang yuh ka piang kix heue. Kix tak sang mawh pui pa hu laig ka daux pa giex laung heue.”

YEZAKELAX 12:6

“Maix tak klawm ankix ka piang klip tix, ka plak sivoe ngai kix, viex ankix lih hu yam faik boi praix heue. Maix tak lhop pakngai tix, son ang maix chix yaox ka tiex heue. Mawh kheu Aux hoik yuh maix mawh mhai tix ceu ka son nyiex ma ceu pui Isarelax heue.”

YEZAKELAX 24:24

Awm an Yezakelax tak mawh mhai ka son pex, mai pex tak yaox ti yuh awm can ceu pa yuh nawh. Yam hoek ceu in pex tak tawng ka mawh Aux Siyiex heue.

YEZAKELAX 34:29

“Aux tak khre sipeem pa koe min plakngai ka son kix mai kix tak ang lai koe pa laux leeing ka pa cai rhawm ka daux haktiex mai ang lai yaox ti kham krax kaig tua pa yuh pui tang ceu khaix in tix bawg kawx heue.”

YEZAKELAX 37:24

“Kawncau Aux Davit tak mawh simiang ka piang kix mai kix tak koe cao liang yung tix kaux khaing, kix tak sang hawt lox tat jhawm prawng Aux mai priex rien ka lox lai beenli Aux heue.”

ZAKHARIX 6:12

Siyiex cao kru naing raoma ah nin, “Jhak heue, Pui pa kok ceu kaux mawh nyoek kak khaox Davit, nawh tak sang yaog ti lih khaing dee ot tix mai nawh tak sang sum nyiex bwan Siyiex heue.

LUKAX 1:78

Mawh kheu krax caux rhawm Siyiex ex, pa riang singaix khaing dee lhaong tak sang hoek ti lai ling ka ex.