ZAKHARIX 3:4 - Wa Common Language Translation

⁴ Kawncau Siyiex deeh krai lox ka pui pa hoik cung ka plak sivoe Nawh khankix ah nin “Peeik ti tik kraung ceep pa seeing an khaing nawh heue. “Krai ka Yawsux ah nin. “Jhak heue, Aux hoik teei ti tik phimap khaing maix mai Aux tak sang tawx maix ceep kraung pa mhawm grang heue.”

ZAKHARIX 3:4 Iomraidhean Croise

2 SAMOELAX 12:13

Khaix an Davit ah nin ka Natan “Aux hoik lud ka Simiang Siyiex, ” mai Natan deeh ah nin ka Davit, “Simiang Siyiex hoik teei phimap maix, maix tak ang yum ka grawng in.”

1 SIMIANG 22:19

Mikha deeh ah nin, “Mawh kheu nan, nghiet ka gumlox Simiang Siyiex, aux hoik yaox ngawm Simiang Siyiex ka piang dangngeung Nawh mai kru naing raoma khankix cung ka plak khawn dawm mai ka plak khawn gwiex Nawh Cao heue.

YAOGYAW 51:9

Veeh plakngai Maix khaing phimap pa hoik yuh aux mai preet ti tik ka phimap khawmuik liak.

ISAYAX 43:25

Aux mawh Siyiex heue, kaw pa hoik preet ka krax phit pex, sonsang yaox ka plakngai cao tix mai Aux tak ang lai doh keud ka phimap pa yuh pex.

ISAYAX 44:22

Aux hoik preet krax lud pex awm paiawm mai preet phimap pex awm taox simawg, deeh lih hoek ka Aux, mawh kheu Aux hoik taoh lawd pex.

ISAYAX 52:1

Veng Zion eue, siduad heue, siduad kaoh mai teei riang rao maix heue. Veng Yerusaliem, pa mawh veng pa singax singeh eue, ceep kraung pa mhawm grang maix khankix heue. Grawh grawng nawh, pui pa ang nyang pat hak tix mai pui pa ang nyang singax singeh khankix, tak ang lai hoek ka maix khaix in heue.

ISAYAX 61:10

Aux kied gaux rhawm ting lhaong ka daux Siyiex, khwan ju aux kied koe krax gaux rhawm ka daux Siyiex aux heue. Nawh Cao hoik tawx aux ceep kraung krax taoh, Nawh Cao hoik fua aux ka sibex dhah pa rahsee, awm ceep simex pa sang yuh ka paox ka mhok khri pa mhawm grang, awm jawg bun pa sang yuh ka paox ka khaox kraung siang simaox, khri khankix heue.

ISAYAX 61:3

sonsang yuh krax pa nyawm rhawm pui an kix pa koe krax khi rhawm ka daux veng Zion, sonsang tawx mhok khri pa mhawm grang ka kix son tang nyaox mai rawm bee pa gaux rhawm son tang krax pa khi rhawm mai kraung ceep pa yaog yaw, son tang khwan pa khi, son krax pa sum Siyiex, sonsang pon Nawh ti koe min pakngai ka heue.”

YERAMIX 52:33

Mawh kheu nan, Yehoyakim hoik peeik kraung ceep pui thawng mai nawh yaox ti ih nyaux priex preem tau mai simiang glang baux singaix im ju nawh jheung jheung heue.

YEZAKELAX 36:25

Khaix an Aux tak sang phreeh rawm pa singax ka piang pex mai pex tak singax khaing pa seeing brai tix, Aux tak kieh pex singax khaing riang grang pa krub tix.

YEZAKELAX 42:14

“Yam laig cao giex kaing li ka daux lawg pa singax singeh, kix ang yaox tix lih hu ka plak praix lawg pa singax singeh tom hoek ka brawk ding plak praix, kix tak yaox ti peeik ti deuh kraung ceep pa yuh kaing jhaw, mawh kheu kraung in mawh pa singax singeh, kix tak ceep kraung tang ceu khaix an, kix tak pon hu greed dex ka pui khankix heue.

MIKHA 7:18

Mawh Siyiex mawx pa awm Maix Cao, pa pon pluat ploi phimap mai pa pon kieh krax pa lud sinngao pa kawn deuk Maix Cao khankix luad luan lie? Nawh Cao ang lai een ti deuh krax pa song rhawm tix leeing ju heue. Nawh Cao koe krax gaux rhawm ka daux krax pa caux rhawm heue.

MIKHA 7:19

Nawh Cao tak sang deeh koe krax caux rhawm ka ex mai tak sang dig ka krax lud ex khankix heue. Maix Cao tak sang teei ti tik phimap ex khankix ka daux dee pa raux rawm sigrit sigra heue.

ZAKHARIX 3:1

Nawh Cao baox jhi aux yaox Yawsux pa mawh cao giex kaing li pa ting cung ka plak sivoe kawncau Siyiex mai satan cung ka plak taix khawn dawm Yawsux sonsang tieh feen Nawh Cao heue.

ZAKHARIX 3:7

“Siyiex Cao kru naing raoma ah nin, phan maix hawt ti hu ka daux krax Aux khankix mai priex ti hawt ka gumlox pingnyap Aux, khaix an maix tak yaox ti kwang ka nyiex Aux mai yaox ti pau ka daux gwang nyiex Aux, Aux tak sang kieh maix lai ling ti hu ka daux sinax pui inkix, pa cung ti ot tin heue.

ZAKHARIX 3:9

Jhak heue, Lon simaox pa hoik deuh Aux ka plak sivoe Yawsux, ka piang lon simaox an tix lon koe ngai kah aliah mu heue. Jhak heue, Aux tak sang saik ka lon simaox an mai Aux tak sang preet ti tik phimap haktiex an ka daux tix singaix ngie heue. “Siyiex cao kru naing raoma ah nan heue.

MATHIEX 22:11

Viang mawh nan yam laig simiang ting ti jhak ka nyo khankix, nawh yaox pui pa ang ceep kraung ka paox tix kaux.

LUKAX 1:19

Kawncau Siyiex an deeh pawk lox ah nin ka nawh, “Aux mawh Gabrelax, pa cung sivoe Siyiex mai hoik ploi aux hoek sonsang sikah ka maix mai kieh aux viex lox gaux rhawm ceu in khankix ka maix heue.

LUKAX 15:22

Viang mawh nan, keeing nawh ah nin ka kawncau nawh khankix, nied ti hu teei kraung ceep pa lheu mhawm khaing paox tix mai ceep ka nawh mai sau jeep giien ka taix nawh mai ceep kiep ka caong nawh heue.

YOHAN 1:29

Singaix pasax Yohan yaox Yesux hoek ka nawh ah nin, “Jhak ka Kawn Yung Siyiex pa teei phimap haktiex hu heue.

ROMAX 3:22

pa mawh pa rahsee Siyiex kheu krax yum rhawm ka Yesux Khrit, ka can kix pa yum rhawm khawmuik. Grawh grawng nawh ang lai tang siyox heue.

ROMAX 6:23

Grawh grawng nawh ngawh riang phimap mawh krax yum, viang mawh nan totaix bwanson pa tawx Siyiex mawh ju leeing ju ka daux Simiang ex Yesux Khrit heue.

1 KAWRINTHUX 6:11

Glang ka in, viang pex tix blah kawx hoik mawh pui pa awm an, hoik sigrhah ka pex, hoik kieh pex singax, hoik kieh pex rahsee ka daux ceu kaux Simiang Yesux Khrit mai ka daux Khuan Siyiex ex heue.

2 KAWRINTHUX 5:21

Siyiex hoik kieh Kaw pa ang tawng phimap, mawh phimap ka son ex, son sang lih mawh ex pa rahsee Siyiex ka daux Nawh heue.

KAWLAWSIE 3:10

hoik ceep pui khraox, pa kawn yuh pa khraox pot tom pon krax tawng, awm riang pakpeung kaw pa phan pa yuh nawh heue.

HEBRIE 8:12

Grawh grawng nawh Aux tak sang caux rhawm ka jhawm pa lud kix mai Aux tak ang baox lai doh keud ka phimap kix heue.”

PLAK JHI 5:11

Aux yaox mai aux mhong lox kawncau Siyiex pa haoh hun vung viang dang ngeung an mai totiag pa im ju khankix mai kuad song khankix mai kix koe tix mheen, tix mheen bawg mai kaing rheng bawg kaing rheng heue.

PLAK JHI 7:14

Aux deeh ah nin ka nawh, “Simiang aux eue, Maix tawng heue.” Nawh baox ah nin ka aux, “Pui inkix mawh kix pa hoik daoh khaing daux krax kha rhawm pa ting an mai kix hoik sigrhah kraung ceep kix mai kieh paing ka daux nham kawn Yung heue.